MBEGU, MAGONJWA NA TABIANCHI: TCB NA TARI ZATAFUTA MAJIBU

MWANZA.

Bodi ya Pamba Tanzania (TCB) na Taasisi ya Utafiti wa Kilimo Tanzania (TARI) zimekubaliana kuimarisha ushirikiano katika tafiti za zao la pamba, kwa lengo la kupata suluhisho za kisayansi na kiteknolojia zitakazosaidia kuongeza uzalishaji na tija kwa wakulima.

Makubaliano hayo yamefikiwa katika kikao kati ya Menejimenti ya TCB na TARI kilichofanyika Septemba 18, 2026 katika Ofisi za Bodi ya Pamba Tanzania, Makao Makuu jijini Mwanza.

Akizungumza katika kikao hicho, Mkurugenzi Mkuu wa TCB, Mhandisi Godwin Makori, amesema utafiti unapaswa kuelekezwa zaidi katika changamoto zinazowakabili wakulima, huku matokeo yake yakifikishwa kwa wakati kwa mtumiaji wa mwisho.

“Moyo wa maendeleo ya nchi ni utafiti, lakini thamani ya utafiti inaonekana pale matokeo yake yanapomfikia mtumiaji wa mwisho na kutatua changamoto aliyonayo,” amesema Mhandisi Makori.

Amesema maeneo yanayohitaji kupewa kipaumbele katika tafiti za pamba ni pamoja na afya ya udongo, mbegu, magonjwa ya mimea, mabadiliko ya tabianchi, matumizi ya zana za kilimo na teknolojia zinazoweza kuongeza tija.

Mhandisi Makori pia amesisitiza umuhimu wa wataalamu wanaowahudumia wakulima kuelewa matokeo ya tafiti ili waweze kutoa ushauri sahihi na kushughulikia changamoto zinazowasilishwa na wakulima kwa wakati.

Amesema mabadiliko ya tabianchi yanaongeza umuhimu wa kufanya tafiti za mbegu zinazoweza kuhimili mazingira na mabadiliko ya hali ya hewa, sambamba na kubuni zana rahisi zitakazosaidia kukabiliana na changamoto ya magugu katika mashamba ya pamba.

Aidha, amesema kuna umuhimu wa kuweka mfumo madhubuti wa mtiririko wa taarifa unaoanzia kwa mkulima, kufikishwa kwa watafiti na hatimaye matokeo ya utafiti kurejeshwa kwa mkulima.

Katika eneo la mbegu, Mhandisi Makori amependekeza kuimarishwa kwa ukaguzi katika hatua zote za uzalishaji na usambazaji ili kupunguza uwezekano wa kuenea kwa magonjwa ya pamba.

Pia amependekeza kufanyika kwa tafiti shirikishi za magonjwa ya pamba zitakazowahusisha wakulima na wataalamu wa utafiti, ili kupata taarifa sahihi kutoka katika maeneo ya uzalishaji.

Amesema TCB na TARI zinapaswa kuendelea kushirikiana katika kukamilisha mchakato wa usajili wa mbolea hai ya pamba inayojulikana kama Go-Biofert, wakati Bodi ikiendelea na maandalizi ya uwekezaji wa kiwanda cha kuzalisha mbolea hiyo.

Kwa upande wake, Mkurugenzi Mkuu wa TARI, Dkt. Thomas Bwana, amesema taasisi hiyo itaendelea kuimarisha tafiti zenye ubunifu na zinazozingatia maendeleo ya teknolojia ili kuongeza ufanisi katika kilimo na kutoa majibu ya changamoto zinazowakabili wakulima.

Dkt. Bwana amewataka wadau wa kilimo na watumiaji wa matokeo ya tafiti kuwasilisha maeneo yanayohitaji utafiti zaidi, ili TARI iweze kuelekeza wataalamu na rasilimali katika maeneo yenye uhitaji mkubwa.

Amesema TARI ina wataalamu zaidi ya 1,400 waliopo katika maeneo mbalimbali nchini, hivyo iko tayari kuimarisha ushirikiano na wadau wa sekta ya kilimo katika kuhakikisha tafiti zinazofanyika zinazalisha suluhisho zinazoweza kutumiwa na wakulima.

Dkt. Bwana pia ameipongeza TCB kwa ushirikiano wake na Kituo cha Utafiti wa Kilimo Ukiriguru, hususan katika kuwezesha kifedha shughuli mbalimbali za utafiti zinazolenga kuendeleza zao la pamba.

Akizungumzia suala la mbegu, amesema kwa sasa nchini inatumika aina moja ya mbegu ya pamba kibiashara, huku aina nyingine 17 zikiwa katika hatua mbalimbali za utafiti.

Amesema TARI itafanyia kazi pendekezo la kuwa na aina zaidi ya moja za mbegu za pamba zinazoweza kutumika kibiashara kulingana na mahitaji ya wakulima na matokeo ya tafiti.

Aidha, amesema Gene Bank inayojengwa mkoani Arusha itakapokamilika itawezesha uhifadhi wa vinasaba na vizazi vya mbegu kwa muda mrefu, hatua itakayosaidia kuhifadhi rasilimali za kijenetiki za mazao.

Katika matumizi ya teknolojia, Dkt. Bwana amesema kuna umuhimu wa kutumia akili unde (AI) katika utambuzi wa magonjwa ya pamba, ikiwemo mnyauko fusari, ili kuwezesha utambuzi wa changamoto mapema na kuchukua hatua stahiki.

Katika hitimisho la kikao hicho, TCB na TARI zimekubaliana kuunda kamati ndogo ya pamoja ya wataalamu itakayoshughulikia masuala ya utafiti, ushauri wa kitaalamu kuhusu zao la pamba na ufuatiliaji wa utekelezaji wa tafiti.

Kamati hiyo pia itasaidia kuimarisha mawasiliano kati ya wakulima, Bodi, watafiti na wadau wengine, pamoja na kuhakikisha matokeo ya tafiti yanafanyiwa kazi na kufikishwa kwa mkulima.

Ushirikiano huo unalenga kuongeza kasi ya upatikanaji wa suluhisho za kisayansi na kiteknolojia kwa changamoto za uzalishaji wa pamba, kuongeza tija kwa mkulima na kuchangia katika kuongeza uzalishaji wa zao hilo nchini.

Comments

#maratotv

RAIS RUTTO AAMBATANA NA ODINGA NCHINI CHINA

Rais wa Jamhuri ya Kenya Mh William Rutto na mke wake wamewasili nchini China kuhudhuria mkutano wa wakuu wa nchi na Serikali wa Jukwaa la ushirikiano kati ya China na Afrika (FOCAC). Katika ziara hiyo ameambatana na waziri mkuu mstaafu wa nchi hiyo Raila Odinga ambaye pia anapigiwa kampeni ili aweze kushinda nafasi ya Uenyekiti wa AU.

WIZARA YA MALI ASILI YASISITIZA MATUMIZI YA SHERIA NA KANUNI KATIKA UTEKELEZAJI WA SHUGHULI ZA UHIFADHI

Na.Joyce Ndunguru, Morogoro. Naibu Katibu Mkuu Wizara ya Maliasili na Utalii anaeshughulikia Maliasili, Kamishna wa Polisi Benedict Wakulyamba asisitiza matumizi ya sheria na kanuni katika utekelezaji wa shughuli mbalimbali za uhifadhi. Kamishna Wakulyamba ameyasema hayo leo Septemba 1, 2024 wakati wa ziara ya kikazi aliyoifanya katika ofisi za Makao Makuu ya TAWA yaliyopo Mkoani Morogoro kwa lengo la kuongea na watumishi ili kuimarisha utendaji kazi pamoja na kukagua maeneo ya kazi. "Kama wahifadhi tunapaswa kufahamu sheria zote zinazosimamia masuala ya uhifadhi zilizopo katika Taasisi zetu pamoja na za Taasisi zingine za uhifadhi zilizopo ndani ya Wizara ya Maliasili na utalii" amesema Kamishna Wakulyamba. "Pamoja na kufahamu sheria na kanuni zilizopo ndani ya Wizara yetu, ni vyema kufahamu na kuzingatia sheria nyingine za Nchi ambazo zinatuzunguka ili ziweze kutusaidia katika utekelezaji wa majukumu yetu mfano sheria inayohusiana na ukusanyaji wa vielelezo kuanzia kw...

Rais Dkt. Samia Awasili China Kushiriki Mkutano wa Wakuu wa Nchi na Serikali wa Jukwaa la Ushirikiano Kati ya China na Africa FOCAC

Rais wa Jamhuri ya Muungano wa Tanzania Mhe. Dkt. Samia Suluhu Hassan akiwasili katika uwanja wa ndege wa Kimataifa wa Beijing Capital nchini China kwa ajili ya kushiriki Mkutano wa Wakuu wa nchi na Serikali wa Jukwaa la Ushirikiano kati ya China na Afrika (FOCAC) tarehe 03 Septemba, 2024.

MAKOMANDOO MIAKA 60 YA JWTZ,HAIJAWAHI KUTOKEA

Makomandoo ya jeshi la ulinzi la Wananchi Tanzania (JWTZ)wamekuwa kivutio cha aina yake kwenye kikele cha maadhimisho ya miaka 60 ya tangu kuanzishwa kwa jeshi hilo. Katika sherehe hizo ambazo zimefanyika uwanja wa Uhuru Jijini Dar es Salaam,Rais wa Jamhuri ya Muungano wa Tanzania na Amiri Jeshi Mkuu Mhe. Dkt. Samia Suluhu Hassan ameshiriki kwenye kilele cha Maadhimisho ya Miaka 60 ya Jeshi la Ulinzi la Wananchi wa Tanzania katika uwanja huo wa Uhuru Jijini Dar es Salaam, leo tarehe 1 Septemba, 2024. Rais ameonesha kujivunia na kulipongeza JWTZ kwa kufanya kazi kwa kufuata misingi ya kuanzishwa kwake huku akitumia nafasi hiyo kuwapongeza Marais waliomtangulia kwa kazi kubwa waliyofanya wakati wa uongozi wao kwa kuliongoza vema jeshi hilo.

Meli ya Mv. Serengeti yapinduka na kuzama katika Bandari ya Mwanza kusini

Meli Mv.Serengeti imepinduka na kuzama kwenye bandari ya mwanza kusini. Meli hiyo imepinduka na kuzama disemba 26 majira ya saa Saba za usiku. Tukio hilo limetokea meli hiyo ikiwa imefungwa katika gati la bandari ya mwanza kusini. Kampuni ya meli Tanzania(Tashico) imethibitisha meli ya Mv. Serengeti kupinduka na kuzama upande mmoja wa nyuma. Kwa Mujibu wa Taarifa iliyotolewa na kitengo cha Masoko na Uhusiano kwa Umma cha Kampuni hiyo inaeleza kuwa Tashico imeshirikiana na Timu mbalimbali za Wataalam kutoka Jeshi la Zimamoto na Uokoaji, Shirika la Uwakala wa Meli Tanzania(TASAC), Mamlaka ya Usimamizi wa bandari (TPA) na wadau wengine katika Juhudi za Uokoaji. Kwa Mujibu wa Taarifa hiyo,Taarifa rasmi ya chanzo cha Tatizo itatolewa Meli hiyo itakapokuwa imeinuliwa na Uchunguzi wa kubaini Tatizo utakapokuwa umefanyika. Meli ya Mv.Serengeti inadaiwa kusitisha safari zake kwenye ziwa Victoria mwaka 2016 Meli ya Mv.Serengeti imepinduka na kuzama katika...

Jenerali Jacob Mkunda Atembelea Meli Tiba ya China Aridhishwa na Huduma

Mkuu wa Majeshi ya Ulinzi Jenerali Jacob John Mkunda ametembelea meli tiba ya Jeshi la Ukombozi la Watu wa China Peace Ark ili kuona matibabu yanavyofanyika. Jenerali Mkunda amefurahishwa na namna wataalam wa tiba wa Jeshi la China walivyotoa matibabu kwa kushirikiana na wataalam wa tiba wa JWTZ . Meli tiba ya jeshi la China imekuja hapa nchini na kutia nanga kwenye bandari ya Dar Es Salaam kutoa matibabu mbalimbali kwa wananchi ikiwa ni muendelezo wa maadhimisho ya miaka 60 tangu kuanzishwa kwa JWTZ na ushirikiano wa miaka 60 baina ya JWTZ na Jeshi la Ukombozi la Watu wa China. Matibabu hayo yalianza kutolewa tarehe 18 Julai 2024 hadi tarehe 22 Julai 2024. Meli tiba hiyo itaondoka hapa nchini tarehe 23 Julai mwaka huu.

AMIRI JESHI MKUU AKAGUA GWARIDE LA MIAKA 60 YA JWTZ

Mapema leo asubuhi Rais wa Jamhuri ya Muungano wa Tanzania na Amiri Jeshi Mkuu wa Majeshi ya Ulinzi na Usalama Mhe.Dkt,Samia Suluhu Hassan akikagua Gwaride Maalumu la Maadhimisho ya Miaka 60 ya Jeshi la Wananchi wa Tanzania (JWTZ) Uwanja wa Uhuru leo September 01,2024. Rais Samia Suluhu Hassan amesisitiza kuwa jeshi la ulinzi la Wananchi Tanzania si jeshi la Uvamizi bali ni jeshi la ulinzi wa Wananchi Tanzania Amewahakikishia wanajeshi kufanya kazi kifua mbele,kuwa amiri jeshi mkuu yuko pamoja nao wakati wote.

Mbunge wa Bukoba Vijijini ameaga Sifa Kedekede Kwa Rais Samia

Na Angela Sebastian; Bukoba MBUNGE wa jimbo la Bukoba vijijini Dk. Jasson Rweikiza amemshukuru Rais wa Jamhuri ya Muungano wa Tanzania Dk Samia Suluhu Hassan kwa niaba ya wananchi wa jimbo hilo, kwa kuwapatia zaidi ya shilingi bilioni 19 kwa ajili ya ujenzi wa madaraja mawili ambayo ni lango la kutoka na kuingia ndani ya mkoa wa Kagera. Ametoa shukrani hizo wakati akiongea wananchi mbalimbali waliofika katika viwanja vya Rweikiza pre and Primary school iliyoko eneo la Kyetema Bukoba vijijini, kwa kwa ajili ya kumbukizi ya miaka 100 ya kuzaliwa baba wa mbunge huyo aliyekuwa akiitwa Samsoni Rweikiza. Rweikiza amebainisha kuwa,Dk. Samia Suluhu Hassan ni Rais mwenye upendo amekubali kutoa mabilioni ya fedha kwa ajili ya Bukoba Vijijini na ndiyo maana tunasema atakuwa kiongozi wetu kwa awamu nyingine tena,tunapaswa kila mmoja kumuunga mkono. ametaja madaraja hayo kuwa ni Karebe ambalo limetengewa kiasi cha shilingi bil.9.3 kwa ajili ya ukarabati mkubwa kutokana na daraja ...

Jenerali ameacha alama ya uzalendo na kujitoa kwa ajili ya Taifa

*📌 Serikali itaenzi na kuthamini mchango wake* *📌 Asema Jenerali Musuguri alijitolea kuhakikisha Tanzania inabaki na amani na usalama* *📌 Asema alikuwa mstari wa mbele kuliokoa Taifa* *📌 Aiasa jamii kuacha alama katika maisha ya kila siku* *📌 Dkt. Biteko aongoza mamia ya watu mazishi ya Jenerali Musuguri Butiama* Na Ofisi ya Naibu Waziri Mkuu na Waziri wa Nishati Naibu Waziri Mkuu na Waziri wa Nishati, Mhe. Dkt. Doto Biteko amesema kuwa aliyewahi kuwa Mkuu wa Majeshi ya Ulinzi, Jenerali Mstaafu David Bugozi Musuguri alijitolea kuhakikisha Tanzania inabaki kuwa na amani, usalama na mshikamano pamoja na kuifundisha jamii moyo wa dhati wa kuilinda nchi. Dkt. Biteko amesema hayo leo Novemba 4, 2024 Butiama mkoani Mara wakati akiwasilisha salamu za Serikali kwa niaba ya Rais wa Jamhuri ya Muungano wa Tanzania, Mhe. Dkt. Samia Suluhu Hassan katika mazishi ya Jenerali Mstaafu Musuguri. “ Katika uhai wa kila mmoja wetu ni jambo gani mtu atakumbukwa nalo, baba huyu a...

Majaliwa Achangisha Shilingi Milioni 900 za Ujenzi wa Kanisa Kuu Lindi

WAZIRI MKUU Kassim Majaliwa ameendesha harambee na kuchangisha sh. milioni 928.67 za ujenzi wa kanisa kuu tarajiwa la Mt. Andrea Kagwa la Jimbo Katoliki la Lindi. Kati ya fedha hizo, sh. milioni 464.3 ni fedha taslimu na nyingine kati ya hizo zimeshawekwa benki na sh. milioni 464.37 bado ni ahadi. Awamu ya kwanza ya ujenzi huo, inatarajiwa kugharimu sh. milioni 700. Akizungumza na waumini na wadau mbalimbali waliohudhuria harambee iliyofanyika Ruangwa mjini, leo mchana (Jumamosi, Julai 27, 2024), Waziri Mkuu amewataka waliotoa ahadi wazikamilishe mapema ili kazi ya ujenzi isikwame. "Ninawashukuru sana wote mliofika na wote waliochangia ujenzi wa kanisa tarajiwa. Ninawaomba walioahidi, wakamilishe ahadi zao mapema ili kazi ianze kwani ramani ipo, mafundi wapo tayari, wasimamizi wa ujenzi wapo," amesisitiza. Waziri Mkuu amesema uamuzi wa Baba Askofu wa Jimbo Katoliki la Lindi, Mhashamu Askofu Wolfgang Pisa kuanza ujenzi wa kanisa kuu la jimbo hilo, ni utekelezaji ...

MARATO TV

Search This Blog

@marato_tv