MARATO TV

NA: MWANDISHI WETU, DODOMA Makamu wa Rais, Deogratius Ndejembi, ameelezwa kuwa kiongozi mahiri, muadilifu na mzalendo, mwenye uwezo wa kumsaidia majukumu Rais Dk. Samia Suluhu Hassan. Hayo yameelezwa na Mwenyekiti wa Umoja wa Wanawake wa Chama Cha Mapinduzi (UWT) Taifa, Mary Chatanda, Agosti 30, 2026, ofisini kwake Dodoma, siku moja baada ya kukamilika uapisho wa kiongozi huyo, Ikulu ya Chamwino, Dodoma. Chatanda ameeleza, Ndejembi ni kiongozi wa vitendo na katika majukumu aliyoaminiwa tangu akiwa Mkuu wa wilaya ya Kongwa, Mbunge, Naibu Waziri na Waziri kamili katika wizara mbalimbali. "Kule Kongwa Dodoma akiwa Mkuu wa wilaya alifanya kazi nzuri na katika kilimo alisimamia kwa mafanikio makubwa kampeni yake aliyoiita ONJAKO yaani Ondoa Njaa Kongwa. Alihimiza wananchi kulima mazao yanayostahimili ukame kama mtama, mihogo, ufuta na alizeti ili kuwaepusha wananchi na kadhia ya njaa," amesema Chatanda. Ameongeza kuwa, kampeni ya ONJAKO ilipokelewa vizuri na wakulima wa Kongwa kut...

Na Mwandishi wetu Jovina Massano Musoma. ELIMU na hamasa nzuri kwa jamii yasababisha wazazi,watoto na walezi  Kata ya Mwisenge Manispaa ya Musoma mkoani Mara kuhakikisha watoto wao wanapata chanjo ya Polio awamu ya tatu. Hayo yamesemwa na wazazi na walezi Agosti 30, 2026 katika mitaa na maeneo ya Ibada mara baada ya kufikiwa na timu ya utoaji chanjo. Wamesema kuwa wahamasishaji wakiwemo wenyeviti wa mitaa na taarifa zinazotolewa katika vyombo vya habari zimewafanya wamepata hamasa na uelewa mpana wa umuhimu wa chanjo hiyo. Wakizungumza kwa  Nyakati tofauti wamesema utoaji elimu mapema ni muhimu kwa kuwa inasaidia kupata taarifa na uelewa usahihi wa zoezi husika. Frank David afisa usafirishaji wa Mtakuja Kituo Cha mianzini ni miongoni mwa wazazi ambae nae mtoto wake ameweza kupata chanjo hiyo. Amesema hapo awali watu waliongea vibaya kuhusiana na chanjo ya Polio wengi walipata hofu lakini hivi sasa baada ya kupewa elimu kwa usahihi  imewapa ujasiri wa kuhakikisha watoto wa...

Waziri Mkuu, Dkt. Mwigulu Nchemba, leo Agosti 30, 2026, amewasili Mpanda mkoani Katavi kuwa Mgeni Rasmi katika Maadhimisho ya Jubilei ya Miaka 25 ya Jimbo Katoliki la Mpanda. Maadhimisho hayo yanafanyika katika Viwanja vya Shule ya Sekondari St. Mary, Mpanda, mkoani Katavi.

 Makamu wa Rais wa Jamhuri ya Muungano wa Tanzania Mhe. Deogratius Ndejembi, pamoja na familia yake wameungana na waumini mbalimbali katika kushiriki Ibada ya Misa Takatifu ya Jumapili, katika Kanisa Katoliki, Parokia ya Paulo wa Msalaba Jimbo Kuu Katoliki Dodoma. Tarehe 30 Agosti 2026.

 NAIBU Spika wa Bunge la Jamhuri ya Muungano wa Tanzania, Mhe. Daniel Sillo, amesema michezo na burudani ni nguzo muhimu katika kupunguza msongo wa mawazo, kuimarisha utimamu wa akili na kuongeza ufanisi katika kazi. Mhe. Sillo ameyasema hayo jana Agosti 29, 2026, wakati wa tamasha la NMB Bunge Bonanza lililofanyika katika viwanja vya Shule ya Sekondari John Merlini jijini Dodoma, likiwakutanisha zaidi ya washiriki 1,000 kutoka Bungeni, Wizara 14 na Taasisi 10, wakiwemo wadau na wadhamini wa tamasha hilo. Bonanza hilo lililobeba kaulimbiu “Pamoja AFCON 2027: Tanzania Tupo Tayari”, limeelezwa kuwa si tu fursa ya kufanya mazoezi na kujenga afya, bali pia ni jukwaa la kuimarisha mshikamano, kufahamiana na kujenga umoja miongoni mwa watumishi na viongozi kutoka taasisi mbalimbali. “Michezo ni fursa ya kipekee inayotuwezesha kufahamiana, kujenga mshikamano na kuimarisha umoja wetu. Bunge lipo tayari kushirikiana na Serikali kuhakikisha michuano ya AFCON 2027 inafanyika kwa ubora wa hali...

 NA Angela Sebastian; MULEBA Mkuu wa Mkoa wa Kagera, Kanali Yahya Ramadhani Kido, ameeleza kuwa Mwenge wa Uhuru Kitaifa mwaka 2026 utakuwa chachu ya kuimarisha maendeleo, amani na mshikamano mkoani humo, huku akiwataka wananchi kuutumia mwenge huo kuibua fursa za kujikwamua kiuchumi. Kauli hiyo ilitolewa jana wakati wa mapokezi ya Mwenge wa Uhuru Kitaifa katika Kijiji cha Nyakabango, Wilaya ya Muleba, ambapo Katibu Tawala wa Mkoa wa Geita, Mohamed Gombati, alikabidhi mwenge huo kwa Katibu Tawala wa Mkoa wa Kagera, Steven Ndanki. Akizungumza wakati wa makabidhiano hayo, Kiongozi wa Mbio za Mwenge wa Uhuru Kitaifa 2026, Wazo Michael Mwang’onda, alizitaka taasisi za manunuzi na Halmashauri zote nane za Kagera kutenga asilimia 30 ya bajeti ya manunuzi kwa ajili ya vikundi vilivyosajiliwa vya vijana, wanawake, wazee na watu wenye ulemavu. Alisema hatua hiyo itasaidia makundi hayo kupata fursa za kiuchumi, mikopo na mitaji ya kuanzisha miradi itakayoongeza kipato na kupunguza umaskini. A...

 Waziri Mkuu, Dkt. Mwigulu Nchemba, amesema Serikali itaendelea kushirikiana kwa karibu taasisi za dini likiwemo kanisa Katoliki katika kuimarisha huduma za kijamii, maendeleo na ustawi wa wananchi, akisisitiza kuwa mchango wa taasisi za dini ni sehemu muhimu ya safari ya maendeleo ya Tanzania. Dkt. Mwigulu ameyasema hayo leo Jumapili, Agosti 30, 2026, katika maadhimisho ya Jubilee ya Miaka 25 ya Jimbo Katoliki la Mpanda, yaliyofanyika mkoani Katavi, ambapo amesema Serikali inatambua mchango wa Kanisa Katoliki katika maendeleo ya nchi, hususan katika sekta za elimu, afya na huduma za kiroho.  “Serikali inatambua mchango wa Kanisa na baba Askofu. Kila tunapotaja maendeleo ya nchi yetu, kuanzia mwanzo mpaka hapa tulipofika, hatuwezi kuyataja kwa kina maendeleo hayo bila kutaja mchango wa Kanisa.” Amesema ushirikiano kati ya Serikali na Kanisa umeendelea kuwa muhimu katika kuhakikisha huduma za kijamii na shughuli za maendeleo zinaimarika, akisisitiza kuwa milango ya Serikali ita...

 Na Mwandishi Wetu Serikali imezitaka shule nchini kuweka kipaumbele kwenye mafunzo ya Teknolojia ya Habari na Mawasiliano TEHAMA kwa wanafunzi wao ili kwenda sanjari na dunia ya sasa ya utandawazi na teknolojia inayokua kwa kasi. Imesema kwa dunia ya sasa teknolojia inakwenda kwa kasi kubwa hivyo shule zinapaswa kuwa na miundombinu bora ya wanafunzi wake kujifunza TEHAMA huku ikiipongeza shule ya Bunazi Green Acres iliyoko mji mdogo wa Bunazi Kata ya Kassambya wilayani Misenyi kwa kuwa mfano kwenye eneo la mafunzo ya TEHAMA. Ushauri huo ulitolewa mwishoni mwa wiki na Mkurugenzi wa Halmashauri ya Wilaya ya Missenyi mkoani Kagera, Phocus Rwegasira, wakati wa mahafali ya 10 ya shule hiyo ya Bunazi Green Acres iliyoko mji mdogo wa Bunazi Kata ya Kassambya wilayani Misenyi yaliyofanyika shuleni hapo ambapo yeye alikuwa mgeni rasmi. Alisisitiza kuwa mafunzo ya teknolojia ni muhimu kwani dunia inakwenda kwa kasi kwenye eneo hilo huku akisisitiza pia umuhimu wa ushirikiano kati ya wazazi...

 Rais wa Zanzibar na Mwenyekiti wa Baraza la Mapinduzi, Mhe. Dkt. Hussein Ali Mwinyi, amewasili leo, tarehe 30 Agosti 2026, jijini Belgrade, Jamhuri ya Serbia, kumwakilisha Rais wa Jamhuri ya Muungano wa Tanzania, Mhe. Dkt. Samia Suluhu Hassan, katika Mkutano Maalum wa Ngazi ya Juu wa Kumbukumbu ya Miaka 65 tangu kufanyika kwa Mkutano wa Kwanza wa Wakuu wa Nchi wa Harakati za Nchi Zisizofungamana na Upande Wowote (NAM). Rais Dkt. Mwinyi amewasili akiwa ameambatana na ujumbe wake, akiwemo Waziri wa Mambo ya Nje na Ushirikiano wa Afrika Mashariki, Mhe. Balozi Mahmoud Thabit Kombo, pamoja na viongozi wengine wa Serikali. Katika Uwanja wa Ndege wa Kimataifa wa Nikola Tesla, Rais Dkt. Mwinyi amepokelewa na Naibu Waziri Mkuu ambaye pia ni Waziri wa Uchumi wa Jamhuri ya Serbia, Mhe. Adrijana Mesarović, pamoja na Balozi wa Tanzania nchini Italia ambaye pia anaiwakilisha Tanzania katika Jamhuri ya Serbia, Mhe. Balozi Mbarouk Nassor Mbarouk.