MARATO TV

*Na Mwandishi Wetu, Dodoma* MENEJIMENTI  ya Wizara ya Maliasili na Utalii ikiongozwa na Naibu Katibu Mkuu anayeshughulikia Utalii Bw. Nkoba Mabula imekutana na kufanya mazungumzo ya kuimarisha uhusiano na uongozi wa Benki ya NMB ukiongozwa na Mkuu wa Kitengo cha Huduma za Serikali Makao Makuu ya NMB Dodoma Bi. Vicky Bishubo. Mazungumzo hayo ya Kimkakati baina ya pande hizo mbili yamefanyika leo Julai 27, 2026 katika Makao Makuu ya Wizara ya Maliasili na Utalii, Mtumba jijini Dodoma. Akizungumzia kikao hicho, Naibu Katibu Mkuu Mabula amesema kimekuwa na tija kubwa kwani Benki ya NMB ni wadau muhimu wa Wizara ya Maliasili na Utalii hususani katika kuimarisha maeneo yake makuu ya Utalii na Uhifadhi. “Ugeni huu wa wenzetu kutoka NMB unadhihirisha namna Wizara ya Maliasili na Utalii inavyozingatia umuhimu wa kukutana na wadau mbalimbali kama sehemu ya kujenga uhusiano wa karibu na pia kuimarisha utendaji kazi wa Wizara kwa wadau na wananchi kwa ujumla,” amesema Bw. Mabula. Naye Mkuu wa ...

 Na Mwandishi Wetu, Zanzibar GLOBAL Education Link (GEL) imesema jumla ya wanafunzi, wazazi na walezi 1,113 wamefikiwa na kupatiwa huduma kupitia maonesho ya Global Education Fair 2026 yaliyofanyika Zanzibar, Dodoma na Dar es Salaam na leo Jumanne yanafanyika Four Point by Sheraton Arusha na tarehe 30 Rockcity Mall Mwanza. Akizungumza baada ya kukamilika kwa maonesho yaliyofanyika Julai 25, 2026 katika Hoteli ya Serena jijini Dar es Salaam, Mkurugenzi Mtendaji wa GEL, Abdulmalik Mollel, alisema mwitikio huo unaonesha kuongezeka kwa uhitaji wa taarifa sahihi kuhusu fursa za kusoma nje ya nchi. Alisema kupitia maonesho hayo, washiriki walipata ushauri kuhusu uchaguzi wa kozi, vyuo vikuu, scholarships, gharama za masomo, malazi, visa na maisha ya mwanafunzi katika mataifa mbalimbali. “Mwitikio tulioupata Zanzibar, Dodoma na Dar es Salaam unaonesha kuwa wanafunzi na wazazi wanahitaji mwongozo sahihi kabla ya kufanya maamuzi kuhusu elimu ya juu,” alisema Bwana Mollel. Alisema zaidi ya w...

 WAZIRI MKUU, Dkt. Mwigulu Nchemba, ambaye pia ni Mwenyekiti wa Kamati ya Kitaifa ya Maandalizi ya Mashindano ya AFCON, leo Jumatatu, Julai 27, 2026, ameongoza kikao cha kamati hiyo kilichofanyika katika Hoteli ya Verde, Zanzibar. Kikao hicho kimehudhuriwa pia na Makamu wa Pili wa Rais wa Zanzibar, Hemed Suleiman Abdullah, ambaye ni Mwenyekiti Mwenza wa Kamati hiyo. Aidha, kikao hicho kimewakutanisha viongozi kutoka wizara, taasisi mbalimbali za kisekta pamoja na mikoa itakayokuwa mwenyeji wa mashindano ya AFCON yatakayofanyika mwaka 2027.