SEKTA YA MADINI KUENDELEA KUTOA AJIRA KWA VIJANA.

Na Mwanamkuu Mwandoro, Tanga.

SEKTA ya madini mkoani Tanga imeendelea kuimarisha mchango wake katika uchumi wa mkoa na taifa, huku uwekezaji mpya ukitarajiwa kuongeza mapato ya Serikali, ajira na fursa za biashara kwa wananchi.

Afisa Madini wa Mkoa wa Tanga, Mhandisi Laurent Bujashi, amesema katika mwaka wa fedha uliopita mkoa ulikusanya Sh13.9 bilioni kupitia tozo na maduhuli yanayosimamiwa na mamlaka za madini, kiasi kilichovuka lengo la Sh11 bilioni kwa asilimia 27.4.

Amesema makusanyo hayo yalifikia asilimia 127.4 ya lengo, bila kujumuisha kodi zilizokusanywa na Mamlaka ya Mapato Tanzania (TRA).

“Ukiunganisha makusanyo haya na kodi zinazokusanywa na TRA, mchango wa sekta ya madini katika mapato ya Mkoa wa Tanga ni mkubwa,” amesema Bujashi

Ameeleza kuwa mchango huo unatarajiwa kuongezeka kadiri shughuli za uchimbaji zinavyopanuka na miradi mipya ya uwekezaji inavyoanza kufanya kazi.

Sambamba na hayo pia amesema Mbali na mapato ya Serikali na ajira, kampuni za madini zinatakiwa kuchangia maendeleo ya jamii zinazozunguka maeneo yao ya uwekezaji kupitia programu za Uwajibikaji kwa Jamii (CSR).

Mhandisi Bujashi amesema kampuni hizo zinapaswa kuwasilisha mipango ya CSR kwa mamlaka za serikali za mitaa kila mwezi Oktoba ili kujadiliwa na kupitishwa na kamati za CSR zilizoanzishwa katika halmashauri husika.

Pia zinatakiwa kuwasilisha taarifa za utekelezaji wa miradi hiyo ili kuwezesha mamlaka kufuatilia iwapo ahadi zilizotolewa kwa wananchi zinatekelezwa.

Akitolea mfano, amesema Kijiji cha Stahabu, Wilaya ya Pangani, ni miongoni mwa maeneo yaliyonufaika na uwekezaji huo baada ya kupatiwa mradi wa shule wenye thamani ya Sh900 milioni kupitia Mradi wa Madini wa Tajiri unaohusishwa na kampuni ya Nyati Mineral Sands.

Amesema shule hiyo inajumuisha elimu ya awali, msingi na sekondari yenye bweni.

Maeneo mengine yaliyonufaika na miradi ya CSR inayotokana na shughuli za madini ni Kalalani, Kigwasi na Kwamsisi.

Amesema mipango hiyo ni muhimu katika kuhakikisha wananchi wanaoishi karibu na maeneo ya uchimbaji wanapata sehemu ya manufaa yatokanayo na rasilimali za madini.

Bugashi amesema Tanga ina uwezo mkubwa wa kuongeza mchango wake katika uchumi wa taifa kupitia utekelezaji wa miradi mikubwa na ya kati ya madini iliyopangwa kuanzishwa mkoani humo.

Ametaja kiwanda kipya cha uchenjuaji madini kinachojengwa eneo la Bosha kuwa miongoni mwa uwekezaji ambao tayari umeanza kufungua fursa kwa wakazi wa maeneo yanayokizunguka.

Amesema mradi huo umeanza kutoa ajira kwa wananchi, huku ukiibua fursa za biashara kwa watu wanaotoa bidhaa na huduma kwa wafanyakazi na wadau wengine wanaohusika na utekelezaji wake.

Pia, amesema uwekezaji huo umechangia kupanda kwa thamani ya ardhi katika maeneo yanayouzunguka, hali inayoashiria kuongezeka kwa shughuli za kiuchumi na mahitaji ya viwanja.

Mradi mwingine wenye matarajio makubwa ni uchimbaji wa dhahabu wa Magambasi, Wilaya ya Handeni, ambao kwa mujibu wa Bw Bugashi umeanza tena kufanya kazi licha ya kuwepo kwa migogoro ya awali kati ya kampuni zinazohusishwa na mgodi huo.

Amesema juhudi za kutatua migogoro iliyokuwepo zinaendelea sambamba na shughuli za mradi huo.

Ameendelea kusema kuwa utekelezaji wa miradi iliyopangwa, kuboreshwa kwa huduma katika sekta ya madini na kuongezeka kwa shughuli za uchenjuaji vitasaidia kuongeza thamani ya sekta hiyo katika uchumi wa Tanga.

“Mkoa una uwezo mkubwa wa kuongeza mapato yake na mchango katika uchumi wa taifa kupitia sekta ya madini. Miradi iliyopangwa ikitekelezwa kwa ufanisi, itafungua fursa zaidi kwa vijana na wananchi wengine,” amesema.

Akizungumzia mafunzo ya madini yenye lengo la kuandaa nguvu kazi itakayokidhi mahitaji ya sekta hiyo inayokua, Mhandisi Bujashi amesema Idara ya Madini imekuwa ikitoa mafunzo kwa wachimbaji wadogo moja kwa moja katika maeneo yao ya kazi, hususan wakati wa ziara za ukaguzi.

Mhandisi Bujashi amesema mafunzo hayo yanalenga kuboresha mbinu za uchimbaji na kuwapatia wachimbaji ujuzi utakaowawezesha kufanya shughuli zao kwa ufanisi zaidi.

Amesema vijana wanaotaka kujenga taaluma katika sekta ya madini wanaweza kujiunga na taasisi mbalimbali zinazotoa mafunzo ya ngazi ya cheti, stashahada na shahada.

Baadhi ya taasisi hizo ni Kituo cha Tanzania cha Elimu ya Vito (Tanzania Gemological Centre) kilichopo Arusha, Chuo Kikuu cha Dar es Salaam, Chuo Kikuu cha Dodoma, Taasisi ya Teknolojia Dar es Salaam (DIT) na vyuo mbalimbali vya ufundi chini ya Mamlaka ya Elimu na Mafunzo ya Ufundi Stadi (VETA).

Amesema upatikanaji wa ujuzi na utaalamu unaohitajika utakuwa muhimu katika kuwawezesha vijana kushiriki kikamilifu katika mnyororo mzima wa shughuli za madini, ikiwemo uchimbaji, uchenjuaji na utoaji wa huduma za kitaalamu.

Comments

#maratotv

RAIS RUTTO AAMBATANA NA ODINGA NCHINI CHINA

Rais wa Jamhuri ya Kenya Mh William Rutto na mke wake wamewasili nchini China kuhudhuria mkutano wa wakuu wa nchi na Serikali wa Jukwaa la ushirikiano kati ya China na Afrika (FOCAC). Katika ziara hiyo ameambatana na waziri mkuu mstaafu wa nchi hiyo Raila Odinga ambaye pia anapigiwa kampeni ili aweze kushinda nafasi ya Uenyekiti wa AU.

WIZARA YA MALI ASILI YASISITIZA MATUMIZI YA SHERIA NA KANUNI KATIKA UTEKELEZAJI WA SHUGHULI ZA UHIFADHI

Na.Joyce Ndunguru, Morogoro. Naibu Katibu Mkuu Wizara ya Maliasili na Utalii anaeshughulikia Maliasili, Kamishna wa Polisi Benedict Wakulyamba asisitiza matumizi ya sheria na kanuni katika utekelezaji wa shughuli mbalimbali za uhifadhi. Kamishna Wakulyamba ameyasema hayo leo Septemba 1, 2024 wakati wa ziara ya kikazi aliyoifanya katika ofisi za Makao Makuu ya TAWA yaliyopo Mkoani Morogoro kwa lengo la kuongea na watumishi ili kuimarisha utendaji kazi pamoja na kukagua maeneo ya kazi. "Kama wahifadhi tunapaswa kufahamu sheria zote zinazosimamia masuala ya uhifadhi zilizopo katika Taasisi zetu pamoja na za Taasisi zingine za uhifadhi zilizopo ndani ya Wizara ya Maliasili na utalii" amesema Kamishna Wakulyamba. "Pamoja na kufahamu sheria na kanuni zilizopo ndani ya Wizara yetu, ni vyema kufahamu na kuzingatia sheria nyingine za Nchi ambazo zinatuzunguka ili ziweze kutusaidia katika utekelezaji wa majukumu yetu mfano sheria inayohusiana na ukusanyaji wa vielelezo kuanzia kw...

Rais Dkt. Samia Awasili China Kushiriki Mkutano wa Wakuu wa Nchi na Serikali wa Jukwaa la Ushirikiano Kati ya China na Africa FOCAC

Rais wa Jamhuri ya Muungano wa Tanzania Mhe. Dkt. Samia Suluhu Hassan akiwasili katika uwanja wa ndege wa Kimataifa wa Beijing Capital nchini China kwa ajili ya kushiriki Mkutano wa Wakuu wa nchi na Serikali wa Jukwaa la Ushirikiano kati ya China na Afrika (FOCAC) tarehe 03 Septemba, 2024.

MAKOMANDOO MIAKA 60 YA JWTZ,HAIJAWAHI KUTOKEA

Makomandoo ya jeshi la ulinzi la Wananchi Tanzania (JWTZ)wamekuwa kivutio cha aina yake kwenye kikele cha maadhimisho ya miaka 60 ya tangu kuanzishwa kwa jeshi hilo. Katika sherehe hizo ambazo zimefanyika uwanja wa Uhuru Jijini Dar es Salaam,Rais wa Jamhuri ya Muungano wa Tanzania na Amiri Jeshi Mkuu Mhe. Dkt. Samia Suluhu Hassan ameshiriki kwenye kilele cha Maadhimisho ya Miaka 60 ya Jeshi la Ulinzi la Wananchi wa Tanzania katika uwanja huo wa Uhuru Jijini Dar es Salaam, leo tarehe 1 Septemba, 2024. Rais ameonesha kujivunia na kulipongeza JWTZ kwa kufanya kazi kwa kufuata misingi ya kuanzishwa kwake huku akitumia nafasi hiyo kuwapongeza Marais waliomtangulia kwa kazi kubwa waliyofanya wakati wa uongozi wao kwa kuliongoza vema jeshi hilo.

Meli ya Mv. Serengeti yapinduka na kuzama katika Bandari ya Mwanza kusini

Meli Mv.Serengeti imepinduka na kuzama kwenye bandari ya mwanza kusini. Meli hiyo imepinduka na kuzama disemba 26 majira ya saa Saba za usiku. Tukio hilo limetokea meli hiyo ikiwa imefungwa katika gati la bandari ya mwanza kusini. Kampuni ya meli Tanzania(Tashico) imethibitisha meli ya Mv. Serengeti kupinduka na kuzama upande mmoja wa nyuma. Kwa Mujibu wa Taarifa iliyotolewa na kitengo cha Masoko na Uhusiano kwa Umma cha Kampuni hiyo inaeleza kuwa Tashico imeshirikiana na Timu mbalimbali za Wataalam kutoka Jeshi la Zimamoto na Uokoaji, Shirika la Uwakala wa Meli Tanzania(TASAC), Mamlaka ya Usimamizi wa bandari (TPA) na wadau wengine katika Juhudi za Uokoaji. Kwa Mujibu wa Taarifa hiyo,Taarifa rasmi ya chanzo cha Tatizo itatolewa Meli hiyo itakapokuwa imeinuliwa na Uchunguzi wa kubaini Tatizo utakapokuwa umefanyika. Meli ya Mv.Serengeti inadaiwa kusitisha safari zake kwenye ziwa Victoria mwaka 2016 Meli ya Mv.Serengeti imepinduka na kuzama katika...

Jenerali Jacob Mkunda Atembelea Meli Tiba ya China Aridhishwa na Huduma

Mkuu wa Majeshi ya Ulinzi Jenerali Jacob John Mkunda ametembelea meli tiba ya Jeshi la Ukombozi la Watu wa China Peace Ark ili kuona matibabu yanavyofanyika. Jenerali Mkunda amefurahishwa na namna wataalam wa tiba wa Jeshi la China walivyotoa matibabu kwa kushirikiana na wataalam wa tiba wa JWTZ . Meli tiba ya jeshi la China imekuja hapa nchini na kutia nanga kwenye bandari ya Dar Es Salaam kutoa matibabu mbalimbali kwa wananchi ikiwa ni muendelezo wa maadhimisho ya miaka 60 tangu kuanzishwa kwa JWTZ na ushirikiano wa miaka 60 baina ya JWTZ na Jeshi la Ukombozi la Watu wa China. Matibabu hayo yalianza kutolewa tarehe 18 Julai 2024 hadi tarehe 22 Julai 2024. Meli tiba hiyo itaondoka hapa nchini tarehe 23 Julai mwaka huu.

AMIRI JESHI MKUU AKAGUA GWARIDE LA MIAKA 60 YA JWTZ

Mapema leo asubuhi Rais wa Jamhuri ya Muungano wa Tanzania na Amiri Jeshi Mkuu wa Majeshi ya Ulinzi na Usalama Mhe.Dkt,Samia Suluhu Hassan akikagua Gwaride Maalumu la Maadhimisho ya Miaka 60 ya Jeshi la Wananchi wa Tanzania (JWTZ) Uwanja wa Uhuru leo September 01,2024. Rais Samia Suluhu Hassan amesisitiza kuwa jeshi la ulinzi la Wananchi Tanzania si jeshi la Uvamizi bali ni jeshi la ulinzi wa Wananchi Tanzania Amewahakikishia wanajeshi kufanya kazi kifua mbele,kuwa amiri jeshi mkuu yuko pamoja nao wakati wote.

Mbunge wa Bukoba Vijijini ameaga Sifa Kedekede Kwa Rais Samia

Na Angela Sebastian; Bukoba MBUNGE wa jimbo la Bukoba vijijini Dk. Jasson Rweikiza amemshukuru Rais wa Jamhuri ya Muungano wa Tanzania Dk Samia Suluhu Hassan kwa niaba ya wananchi wa jimbo hilo, kwa kuwapatia zaidi ya shilingi bilioni 19 kwa ajili ya ujenzi wa madaraja mawili ambayo ni lango la kutoka na kuingia ndani ya mkoa wa Kagera. Ametoa shukrani hizo wakati akiongea wananchi mbalimbali waliofika katika viwanja vya Rweikiza pre and Primary school iliyoko eneo la Kyetema Bukoba vijijini, kwa kwa ajili ya kumbukizi ya miaka 100 ya kuzaliwa baba wa mbunge huyo aliyekuwa akiitwa Samsoni Rweikiza. Rweikiza amebainisha kuwa,Dk. Samia Suluhu Hassan ni Rais mwenye upendo amekubali kutoa mabilioni ya fedha kwa ajili ya Bukoba Vijijini na ndiyo maana tunasema atakuwa kiongozi wetu kwa awamu nyingine tena,tunapaswa kila mmoja kumuunga mkono. ametaja madaraja hayo kuwa ni Karebe ambalo limetengewa kiasi cha shilingi bil.9.3 kwa ajili ya ukarabati mkubwa kutokana na daraja ...

Jenerali ameacha alama ya uzalendo na kujitoa kwa ajili ya Taifa

*📌 Serikali itaenzi na kuthamini mchango wake* *📌 Asema Jenerali Musuguri alijitolea kuhakikisha Tanzania inabaki na amani na usalama* *📌 Asema alikuwa mstari wa mbele kuliokoa Taifa* *📌 Aiasa jamii kuacha alama katika maisha ya kila siku* *📌 Dkt. Biteko aongoza mamia ya watu mazishi ya Jenerali Musuguri Butiama* Na Ofisi ya Naibu Waziri Mkuu na Waziri wa Nishati Naibu Waziri Mkuu na Waziri wa Nishati, Mhe. Dkt. Doto Biteko amesema kuwa aliyewahi kuwa Mkuu wa Majeshi ya Ulinzi, Jenerali Mstaafu David Bugozi Musuguri alijitolea kuhakikisha Tanzania inabaki kuwa na amani, usalama na mshikamano pamoja na kuifundisha jamii moyo wa dhati wa kuilinda nchi. Dkt. Biteko amesema hayo leo Novemba 4, 2024 Butiama mkoani Mara wakati akiwasilisha salamu za Serikali kwa niaba ya Rais wa Jamhuri ya Muungano wa Tanzania, Mhe. Dkt. Samia Suluhu Hassan katika mazishi ya Jenerali Mstaafu Musuguri. “ Katika uhai wa kila mmoja wetu ni jambo gani mtu atakumbukwa nalo, baba huyu a...

Majaliwa Achangisha Shilingi Milioni 900 za Ujenzi wa Kanisa Kuu Lindi

WAZIRI MKUU Kassim Majaliwa ameendesha harambee na kuchangisha sh. milioni 928.67 za ujenzi wa kanisa kuu tarajiwa la Mt. Andrea Kagwa la Jimbo Katoliki la Lindi. Kati ya fedha hizo, sh. milioni 464.3 ni fedha taslimu na nyingine kati ya hizo zimeshawekwa benki na sh. milioni 464.37 bado ni ahadi. Awamu ya kwanza ya ujenzi huo, inatarajiwa kugharimu sh. milioni 700. Akizungumza na waumini na wadau mbalimbali waliohudhuria harambee iliyofanyika Ruangwa mjini, leo mchana (Jumamosi, Julai 27, 2024), Waziri Mkuu amewataka waliotoa ahadi wazikamilishe mapema ili kazi ya ujenzi isikwame. "Ninawashukuru sana wote mliofika na wote waliochangia ujenzi wa kanisa tarajiwa. Ninawaomba walioahidi, wakamilishe ahadi zao mapema ili kazi ianze kwani ramani ipo, mafundi wapo tayari, wasimamizi wa ujenzi wapo," amesisitiza. Waziri Mkuu amesema uamuzi wa Baba Askofu wa Jimbo Katoliki la Lindi, Mhashamu Askofu Wolfgang Pisa kuanza ujenzi wa kanisa kuu la jimbo hilo, ni utekelezaji ...

MARATO TV

Search This Blog

@marato_tv