BARAKA LEONARD: BUNGE LA VIJANA NI JUKWAA LA KUANDAA VIONGOZI BORA

KATIBU wa Bunge la Jamhuri ya Muungano wa Tanzania, Baraka Leonard, amesema Bunge la Vijana ni jukwaa muhimu la kuwaandaa vijana kuwa viongozi bora wa sasa na baadaye kwa kuwajengea maarifa, uadilifu, uzalendo na uwezo wa kushiriki katika ujenzi wa jamii na taifa.

Leonard ameyasema hayo wakati akifungua rasmi Bunge la Vijana kwa mwaka 2026, akieleza kuwa jukwaa hilo lina malengo mbalimbali ikiwemo kuwawezesha vijana kuelewa taratibu na kanuni za kuendesha Bunge pamoja na majukumu ya viongozi na wabunge katika kutekeleza shughuli za kibunge.

Amesema lengo jingine ni kujenga utamaduni wa kujadiliana kwa hoja, kuvumiliana na kuheshimu mawazo tofauti, akisisitiza kuwa tofauti za kimawazo ni sehemu muhimu ya demokrasia na zinapaswa kupewa nafasi katika mijadala.

Aidha, amesema Bunge hilo linalenga kuwawezesha vijana kujiamini, kujenga na kuwasilisha hoja zao kwa ufasaha kwa kuzingatia ushahidi, mantiki na maslahi mapana ya jamii, huku likiwapa elimu kuhusu masuala na changamoto mbalimbali zinazoikabili jamii na taifa.

Katika hatua nyingine, amesema Bunge hilo linalenga kuwajengea vijana uwezo wa kuchambua changamoto za jamii na kupendekeza suluhisho zinazotekelezeka, pamoja na kuwafundisha umuhimu wa kufanya maamuzi kwa njia ya majadiliano na maridhiano kwa kuzingatia hoja, taratibu na maslahi ya umma.

Amesisitiza kuwa tofauti za kimawazo hazipaswi kuwa chanzo cha migogoro, bali zinapaswa kutatuliwa kupitia mazungumzo, kusikilizana na kuheshimiana badala ya kutumia matusi au vitendo vya vurugu.

Akizungumzia fursa zitakazopatikana katika mkutano huo, Leonard amesema katika siku tano ambazo vijana watakuwa pamoja watapata nafasi ya kujifunza kwa vitendo kuhusu shughuli za kibunge, misingi ya kidemokrasia na wajibu wa viongozi katika jamii.

Amesema kupitia mafunzo hayo vijana watapata nafasi ya kuimarisha uwezo wao wa kujenga na kutetea hoja, kujiamini katika kutoa mawazo, kujifunza kufanya maamuzi na kuelewa namna taasisi za kidemokrasia zinavyofanya kazi.

Amewataka washiriki kutumia fursa hiyo kwa kushiriki kikamilifu katika mijadala kwa uwazi, nidhamu na kujiamini, akisisitiza kuwa hawapo hapo kwa ajili ya kujifunza taratibu za kibunge pekee, bali pia kuandaliwa kwa majukumu makubwa zaidi katika jamii na taifa.

Leonard amewahimiza vijana kujenga msingi imara wa maarifa, uzalendo, uadilifu na uwajibikaji, huku akiwataka kuthamini hoja kuliko jazba, kuheshimu tofauti za mitazamo na kusimamia misimamo yao kwa hoja zenye mashiko.

Amesisitiza kuwa uongozi ni dhamana ya kuwatumikia wengine na si fursa ya kutafuta kutukuzwa, hivyo vijana wanapaswa kuwa na maono, uwezo wa kufanya maamuzi yenye tija na utayari wa kukabiliana na changamoto za jamii.

Akitoa neno la shukrani kwa niaba ya wabunge wa Bunge la Vijana, Spika wa Bunge la Vijana la mwaka 2026, Anna Dennis Mrema, amewataka vijana kuwa chachu ya mabadiliko katika jamii kwa kutumia fursa wanazozipata kujifunza, kujenga uwezo na kushiriki kikamilifu katika kutatua changamoto zinazowakabili wananchi.

Amesema, “Msitu usio na miti michanga ni msitu uliokufa. Sisi vijana ndiyo miti michanga inayotengeneza msitu ulio hai,” akiwataka vijana kutambua kuwa wao ndio msingi wa kujenga kizazi bora cha kesho.

Aidha, ametoa shukrani kwa Katibu wa Bunge la Jamhuri ya Muungano wa Tanzania, Baraka Leonard, kwa kuwapatia fursa ya kushiriki Bunge la Vijana mwaka 2026, akieleza kuwa limekuwa jukwaa muhimu la kujifunza na kujiandaa kwa majukumu ya uongozi.

Mrema amesema vijana hawapaswi kujiona kama viongozi wa baadaye pekee, bali watambue kuwa ni viongozi wa sasa wenye wajibu wa kuleta mabadiliko wanayoyatamani, akirejea msemo wa “You are the change you want to see.”

Amesema badala ya kutumia muda mwingi kulaumu viongozi na wengine kuhusu changamoto zilizopo, vijana wanapaswa kuwa sehemu ya suluhisho kwa kuanza kuchukua hatua katika maeneo yao.

Pia amepongeza uongozi ulioandaa Bunge hilo kwa kuwapa mwongozo na kuwajengea uwezo, huku akirejea msemo wa John Maxwell unaosema, “A leader is one who knows the way, shows the way and goes the way,” akieleza kuwa viongozi hao wameonesha maana halisi ya uongozi.

Aidha, amesema washiriki wa Bunge hilo wanapaswa kuwa mabalozi wa mabadiliko katika jamii zao, akieleza kuwa kila kijana akibadilika na kuwahamasisha wengine, hatua hiyo inaweza kuleta mabadiliko makubwa katika jamii.

Vijana kutoka vyuo vikuu mbalimbali nchini wamekutana jijini Dodoma Kwa siku tano kushiriki katika vikao maalum vya Bunge la Vijana, vyenye lengo la kuwajengea uelewa wa kina kuhusu muundo, majukumu na namna mhimili huo wa dola unavyotekeleza majukumu yake ya kila siku.

Hatua hii ni sehemu ya mikakati endelevu ya kuwaandaa vijana kuwa viongozi bora wa baadaye, ambapo wanapitishwa kikamilifu kwenye mifumo ya kibunge, kanuni za uendeshaji wa vikao, na miongozo inayosimamia mhimili huo ili kuwajengea uwezo wa kuchochea maendeleo chanya katika ngazi za kitaifa.

Comments

#maratotv

RAIS RUTTO AAMBATANA NA ODINGA NCHINI CHINA

Rais wa Jamhuri ya Kenya Mh William Rutto na mke wake wamewasili nchini China kuhudhuria mkutano wa wakuu wa nchi na Serikali wa Jukwaa la ushirikiano kati ya China na Afrika (FOCAC). Katika ziara hiyo ameambatana na waziri mkuu mstaafu wa nchi hiyo Raila Odinga ambaye pia anapigiwa kampeni ili aweze kushinda nafasi ya Uenyekiti wa AU.

WIZARA YA MALI ASILI YASISITIZA MATUMIZI YA SHERIA NA KANUNI KATIKA UTEKELEZAJI WA SHUGHULI ZA UHIFADHI

Na.Joyce Ndunguru, Morogoro. Naibu Katibu Mkuu Wizara ya Maliasili na Utalii anaeshughulikia Maliasili, Kamishna wa Polisi Benedict Wakulyamba asisitiza matumizi ya sheria na kanuni katika utekelezaji wa shughuli mbalimbali za uhifadhi. Kamishna Wakulyamba ameyasema hayo leo Septemba 1, 2024 wakati wa ziara ya kikazi aliyoifanya katika ofisi za Makao Makuu ya TAWA yaliyopo Mkoani Morogoro kwa lengo la kuongea na watumishi ili kuimarisha utendaji kazi pamoja na kukagua maeneo ya kazi. "Kama wahifadhi tunapaswa kufahamu sheria zote zinazosimamia masuala ya uhifadhi zilizopo katika Taasisi zetu pamoja na za Taasisi zingine za uhifadhi zilizopo ndani ya Wizara ya Maliasili na utalii" amesema Kamishna Wakulyamba. "Pamoja na kufahamu sheria na kanuni zilizopo ndani ya Wizara yetu, ni vyema kufahamu na kuzingatia sheria nyingine za Nchi ambazo zinatuzunguka ili ziweze kutusaidia katika utekelezaji wa majukumu yetu mfano sheria inayohusiana na ukusanyaji wa vielelezo kuanzia kw...

Rais Dkt. Samia Awasili China Kushiriki Mkutano wa Wakuu wa Nchi na Serikali wa Jukwaa la Ushirikiano Kati ya China na Africa FOCAC

Rais wa Jamhuri ya Muungano wa Tanzania Mhe. Dkt. Samia Suluhu Hassan akiwasili katika uwanja wa ndege wa Kimataifa wa Beijing Capital nchini China kwa ajili ya kushiriki Mkutano wa Wakuu wa nchi na Serikali wa Jukwaa la Ushirikiano kati ya China na Afrika (FOCAC) tarehe 03 Septemba, 2024.

MAKOMANDOO MIAKA 60 YA JWTZ,HAIJAWAHI KUTOKEA

Makomandoo ya jeshi la ulinzi la Wananchi Tanzania (JWTZ)wamekuwa kivutio cha aina yake kwenye kikele cha maadhimisho ya miaka 60 ya tangu kuanzishwa kwa jeshi hilo. Katika sherehe hizo ambazo zimefanyika uwanja wa Uhuru Jijini Dar es Salaam,Rais wa Jamhuri ya Muungano wa Tanzania na Amiri Jeshi Mkuu Mhe. Dkt. Samia Suluhu Hassan ameshiriki kwenye kilele cha Maadhimisho ya Miaka 60 ya Jeshi la Ulinzi la Wananchi wa Tanzania katika uwanja huo wa Uhuru Jijini Dar es Salaam, leo tarehe 1 Septemba, 2024. Rais ameonesha kujivunia na kulipongeza JWTZ kwa kufanya kazi kwa kufuata misingi ya kuanzishwa kwake huku akitumia nafasi hiyo kuwapongeza Marais waliomtangulia kwa kazi kubwa waliyofanya wakati wa uongozi wao kwa kuliongoza vema jeshi hilo.

Meli ya Mv. Serengeti yapinduka na kuzama katika Bandari ya Mwanza kusini

Meli Mv.Serengeti imepinduka na kuzama kwenye bandari ya mwanza kusini. Meli hiyo imepinduka na kuzama disemba 26 majira ya saa Saba za usiku. Tukio hilo limetokea meli hiyo ikiwa imefungwa katika gati la bandari ya mwanza kusini. Kampuni ya meli Tanzania(Tashico) imethibitisha meli ya Mv. Serengeti kupinduka na kuzama upande mmoja wa nyuma. Kwa Mujibu wa Taarifa iliyotolewa na kitengo cha Masoko na Uhusiano kwa Umma cha Kampuni hiyo inaeleza kuwa Tashico imeshirikiana na Timu mbalimbali za Wataalam kutoka Jeshi la Zimamoto na Uokoaji, Shirika la Uwakala wa Meli Tanzania(TASAC), Mamlaka ya Usimamizi wa bandari (TPA) na wadau wengine katika Juhudi za Uokoaji. Kwa Mujibu wa Taarifa hiyo,Taarifa rasmi ya chanzo cha Tatizo itatolewa Meli hiyo itakapokuwa imeinuliwa na Uchunguzi wa kubaini Tatizo utakapokuwa umefanyika. Meli ya Mv.Serengeti inadaiwa kusitisha safari zake kwenye ziwa Victoria mwaka 2016 Meli ya Mv.Serengeti imepinduka na kuzama katika...

Jenerali Jacob Mkunda Atembelea Meli Tiba ya China Aridhishwa na Huduma

Mkuu wa Majeshi ya Ulinzi Jenerali Jacob John Mkunda ametembelea meli tiba ya Jeshi la Ukombozi la Watu wa China Peace Ark ili kuona matibabu yanavyofanyika. Jenerali Mkunda amefurahishwa na namna wataalam wa tiba wa Jeshi la China walivyotoa matibabu kwa kushirikiana na wataalam wa tiba wa JWTZ . Meli tiba ya jeshi la China imekuja hapa nchini na kutia nanga kwenye bandari ya Dar Es Salaam kutoa matibabu mbalimbali kwa wananchi ikiwa ni muendelezo wa maadhimisho ya miaka 60 tangu kuanzishwa kwa JWTZ na ushirikiano wa miaka 60 baina ya JWTZ na Jeshi la Ukombozi la Watu wa China. Matibabu hayo yalianza kutolewa tarehe 18 Julai 2024 hadi tarehe 22 Julai 2024. Meli tiba hiyo itaondoka hapa nchini tarehe 23 Julai mwaka huu.

AMIRI JESHI MKUU AKAGUA GWARIDE LA MIAKA 60 YA JWTZ

Mapema leo asubuhi Rais wa Jamhuri ya Muungano wa Tanzania na Amiri Jeshi Mkuu wa Majeshi ya Ulinzi na Usalama Mhe.Dkt,Samia Suluhu Hassan akikagua Gwaride Maalumu la Maadhimisho ya Miaka 60 ya Jeshi la Wananchi wa Tanzania (JWTZ) Uwanja wa Uhuru leo September 01,2024. Rais Samia Suluhu Hassan amesisitiza kuwa jeshi la ulinzi la Wananchi Tanzania si jeshi la Uvamizi bali ni jeshi la ulinzi wa Wananchi Tanzania Amewahakikishia wanajeshi kufanya kazi kifua mbele,kuwa amiri jeshi mkuu yuko pamoja nao wakati wote.

Mbunge wa Bukoba Vijijini ameaga Sifa Kedekede Kwa Rais Samia

Na Angela Sebastian; Bukoba MBUNGE wa jimbo la Bukoba vijijini Dk. Jasson Rweikiza amemshukuru Rais wa Jamhuri ya Muungano wa Tanzania Dk Samia Suluhu Hassan kwa niaba ya wananchi wa jimbo hilo, kwa kuwapatia zaidi ya shilingi bilioni 19 kwa ajili ya ujenzi wa madaraja mawili ambayo ni lango la kutoka na kuingia ndani ya mkoa wa Kagera. Ametoa shukrani hizo wakati akiongea wananchi mbalimbali waliofika katika viwanja vya Rweikiza pre and Primary school iliyoko eneo la Kyetema Bukoba vijijini, kwa kwa ajili ya kumbukizi ya miaka 100 ya kuzaliwa baba wa mbunge huyo aliyekuwa akiitwa Samsoni Rweikiza. Rweikiza amebainisha kuwa,Dk. Samia Suluhu Hassan ni Rais mwenye upendo amekubali kutoa mabilioni ya fedha kwa ajili ya Bukoba Vijijini na ndiyo maana tunasema atakuwa kiongozi wetu kwa awamu nyingine tena,tunapaswa kila mmoja kumuunga mkono. ametaja madaraja hayo kuwa ni Karebe ambalo limetengewa kiasi cha shilingi bil.9.3 kwa ajili ya ukarabati mkubwa kutokana na daraja ...

Jenerali ameacha alama ya uzalendo na kujitoa kwa ajili ya Taifa

*📌 Serikali itaenzi na kuthamini mchango wake* *📌 Asema Jenerali Musuguri alijitolea kuhakikisha Tanzania inabaki na amani na usalama* *📌 Asema alikuwa mstari wa mbele kuliokoa Taifa* *📌 Aiasa jamii kuacha alama katika maisha ya kila siku* *📌 Dkt. Biteko aongoza mamia ya watu mazishi ya Jenerali Musuguri Butiama* Na Ofisi ya Naibu Waziri Mkuu na Waziri wa Nishati Naibu Waziri Mkuu na Waziri wa Nishati, Mhe. Dkt. Doto Biteko amesema kuwa aliyewahi kuwa Mkuu wa Majeshi ya Ulinzi, Jenerali Mstaafu David Bugozi Musuguri alijitolea kuhakikisha Tanzania inabaki kuwa na amani, usalama na mshikamano pamoja na kuifundisha jamii moyo wa dhati wa kuilinda nchi. Dkt. Biteko amesema hayo leo Novemba 4, 2024 Butiama mkoani Mara wakati akiwasilisha salamu za Serikali kwa niaba ya Rais wa Jamhuri ya Muungano wa Tanzania, Mhe. Dkt. Samia Suluhu Hassan katika mazishi ya Jenerali Mstaafu Musuguri. “ Katika uhai wa kila mmoja wetu ni jambo gani mtu atakumbukwa nalo, baba huyu a...

Majaliwa Achangisha Shilingi Milioni 900 za Ujenzi wa Kanisa Kuu Lindi

WAZIRI MKUU Kassim Majaliwa ameendesha harambee na kuchangisha sh. milioni 928.67 za ujenzi wa kanisa kuu tarajiwa la Mt. Andrea Kagwa la Jimbo Katoliki la Lindi. Kati ya fedha hizo, sh. milioni 464.3 ni fedha taslimu na nyingine kati ya hizo zimeshawekwa benki na sh. milioni 464.37 bado ni ahadi. Awamu ya kwanza ya ujenzi huo, inatarajiwa kugharimu sh. milioni 700. Akizungumza na waumini na wadau mbalimbali waliohudhuria harambee iliyofanyika Ruangwa mjini, leo mchana (Jumamosi, Julai 27, 2024), Waziri Mkuu amewataka waliotoa ahadi wazikamilishe mapema ili kazi ya ujenzi isikwame. "Ninawashukuru sana wote mliofika na wote waliochangia ujenzi wa kanisa tarajiwa. Ninawaomba walioahidi, wakamilishe ahadi zao mapema ili kazi ianze kwani ramani ipo, mafundi wapo tayari, wasimamizi wa ujenzi wapo," amesisitiza. Waziri Mkuu amesema uamuzi wa Baba Askofu wa Jimbo Katoliki la Lindi, Mhashamu Askofu Wolfgang Pisa kuanza ujenzi wa kanisa kuu la jimbo hilo, ni utekelezaji ...

MARATO TV

Search This Blog

@marato_tv