MARATO TV

▪️Kiasi cha tani milioni 139 ya mashapo ya urani yakadiriwa kuwapo,* ▪️Madini ya Urani kutumika kuzalishia umeme nchini ▪️ Rais Samia apongezwa kwa kuvutia uwekezaji ▪️Ujenzi wa kiwanda cha majaribio cha uchenjuaji wa Urani wakamilika ▪️Mradi kugharimu Trilioni 3.06 mpaka kukamilika kwake Namtumbo,Ruvuma Waziri wa Madini, *Mheshimiwa Anthony Mavunde (Mb)* abainisha kuwa mradi wa kimkakati wa uchimbaji wa madini ya Urani kuanza hivi karibuni baada ya kukamilika kwa ujenzi wa kiwanda cha majaribio cha uchenjuaji wa madini hayo. Ameyasema hayo jana tarehe 18 Julai, 2025 Wilayani Namtumbo alipofanya ziara ya kutembelea na kukagua maendeleo ya ujenzi wa mradi huo unaokadiriwa kugharimu zaidi ya Tsh 3.06 Trilioni unaotekelezwa  na Kampuni ya Mantra Tanzania Limited. "Moja kati ya vipaumbele vya Serikali ya Awamu ya Sita chini ya uongozi wa *Mhe. Dkt. Samia S.Hassan* kwenye sekta ya madini ni suala la uongezaji thamani madini ndani ya nchi yetu, na Mhe. Rais ametupa maelekezo mahsusi Wiz...

 *Lakabidhiwa mradi wa ujenzi wa madaraja kupitia* *MINUSCA*  Jeshi la Ulinzi la Wananchi wa Tanzania (JWTZ) limeendelea kuthibitisha umahiri na uaminifu wake katika operesheni za kimataifa baada ya Umoja wa Mataifa kupitia Ujumbe wa Kulinda Amani nchini Jamhuri ya Afrika ya Kati (MINUSCA), kwa kulipatia jukumu la ujenzi wa mradi muhimu wa madaraja katika Mkoa wa Mambere-Kadei. Ujenzi wa madaraja hayo matatu ni yale yaliyoharibika kwa muda mrefu, yakitatiza mawasiliano kati ya vijiji na miji, na hivyo kuathiri upatikanaji wa huduma muhimu kama elimu, afya, na masoko. Akizungumza wakati wa uzinduzi wa mradi wa ujenzi huo, Katibu Mkuu wa Mkoa wa Equatorial, Mheshimiwa Zouketchia Emmanuel, amelishukuru JWTZ kwa kujitolea kwao na mchango wao mkubwa kwa wananchi wa Jamhuri ya Afrika ya Kati. > "Tumepata shida ya usafiri kwa muda mrefu kwa sababu ya madaraja haya. Leo tunaona mabadiliko yanayoletwa na MINUSCA kupitia marafiki  zetu wa kweli kutoka Tanzania. Asanteni sana JWT...

Na MASHAKA MHANDO, Horohoro SERIKALI za Tanzania na Kenya zinakwenda kuimarisha diplomasia ya kidijitali, biashara na uchumi baada ya kuzindua mkongo wa mawasiliano baina ya nchi hizo. Wakizindua mkongo huo Leo Julai 18 Waziri wa Mawasiliano na teknolojia ya Habari Jerry Silaa alisema uzinduzi wa maunganisho ya mkongo wa Taifa wa mawasiliano (NICTBB) wa TTCL na mikongo ya bahari iliyopo Mombasa kupitia ICTA Kenya katika eneo la Horohoro wilayani Mkinga mkoani Tanga, utakuwa na faida kubwa kwa wananchi. Alisema kupitia mkongo huo wananchi wataweza kupata huduma nafuu ya mtandao ambayo itasaidia kuimarisha shughuli za kibiashara na uchumi kutokana na kuimarika kwa miundombinu hiyo ya mawasiliano itakayokuwa na kasi zaidi. "Tunakwenda kuangalia sera zetu katika maeneo ya kutolea huduma baina ya nchi zetu ili wananchi waweze kupata huduma bora za mawasiliano lakini zinazozingatia maadili na weledi"alisema Waziri Silaa. Alisema kazi ya kujenga miundombinu ya nchi zinazoshirikiana ...

 Anaandika Godbless Lema kwenda kwa Mbowe. Kwako Mh Freeman Mbowe. Kwa heshima, huzuni na uzito wa dhamira, nakuandikia barua hii si kwa hasira, bali kwa mwangwi wa historia inayolilia uaminifu. Tulisimama nyuma yako kwa gharama kubwa kipindi chote ambacho tulikuamini kuwa kiongozi wa matumaini ya kizazi kilichojitoa kwa ajili ya Tanzania mpya ulipokuwa Mkti wetu. Leo hii umetazamwa ukihudhuria mkutano wa Serikali kuhusu Dira ya Maendeleo ya Taifa, huku mwenyekiti wetu, Tundu Lissu, akiwa gerezani akikabiliwa na mashtaka ya uhaini na Chama chetu hakiruhusiwi kufanya siasa na wanachama wetu wanapotea, wanateswa, wengine wameuawa na bado hujatokea hata mara moja mahakamani, wala kutoa neno la kukemea udhalimu huu unaoendelea mbele ya macho ya Watanzania. Tulikuwa pamoja nawe wakati ulipokamatwa na kushtakiwa kwa ugaidi na changamoto mbali mbali nyingi katika uongozi wako. Tulilia. Tulipiga kelele. Tulivunjwa. Tukateswa. Lakini tuliendelea kusimama kwa ajili yako kwa sababu tuliamini ...

Na Mwandishi Wetu WAKALA wa Elimu Nje ya nchi Global Education Link inatarajia kuwakutanisha wanafunzi wa Tanzania na vyuo vikuu zaidi ya 20 kutoka nchi mbalimbali duniani  katika maonyesho jijini Dar es Salaam ambapo wanafunzi watapata fursa ya kujua fursa za kusomea kozi mbalimbali kwenye vyuo hivyo Global Education Link imesema wanafunzi watakaotaka kusoma nje ya nchi watapata udahili wa papo hapo. Hayo yalisemwa jana jijini Dar es Salaam na Mkurugenzi Mkuu wa Global Education Link, Abdulmalik Mollel,  wakati akizungumza kuhusu maonyesho hayo. Alisema kwenye maonyesho hayo yatakayofanyika siku ya Jumanne Julai 22 kutakuwa na vyuo vikuu kutoka mataifa mbalimbali vikiwemo kutoka nchi za Cyprus, India China Malaysia, Uingereza, Canada, Marekani, Australia,  Uturuki , Mauritius  na Dubai Alisema baadhi ya vyuo vikuu vitakavyoshiriki kwenye maonyesho hayo vitatoa ufadhili wa kuanzia asilimia 20 hadi 80 wakati vingine vitatoa ufadhili wa moja kwa moja. Mollel alisema kw...

* Fedha zilizotolewa na serikali zarudi Na Mwandishi Wetu, Tanga FEDHA zilizotolewa na serikali kiasi cha shilingi bilioni 429.1 kwa ajili ya uwekezaji katika bandari ya Tanga, fedha hizo zimerudi na kubaki salio la shilingi bilioni 56.7. Akizungumza na waandishi wa Habari ofisini kwake Leo Julai 10, Meneja wa bandari ya Tanga Mhandisi Maosud Mrisha alisema kuwa kwa kipindi cha miezi 24 taasisi mbili za serikali za TPA na Mamlaka ya mapato nchini TRA, wameweza kukusanya kiasi cha shilingi bilioni 484.8. "Ile fedha iliyotolewa na serikali kiasi cha shilingi bilioni 429.1 imesharudishwa na taasisi mbili za TPA na TRA kwa miezi 24 na chenji pembeni imebaki," alisema Mhandisi Mrisha na kumpongeza Rais Dkt Samia Suluhu Hassan kwa uwekezaji huo. Akifafanua kuhusu makusanyo hayo alisema kwamba TPA  imeendelea kuvunja rekodi ya mapato kutokana na uwekezaji uliofanywa na Serikali na kupelekea ongezeko la shilingi bilioni 30 ya mapato ambayo waliwekewa lengo la kukusanya kiasi cha shil...