MARATO TV

Balozi wa Angola anayemaliza muda wake, Mhe. Sandro De Oliveira amekutana na Waziri wa Mambo ya Nje na Ushirikiano wa Afrika Mashariki, Mhe. Mahmoud Thabit Kombo (Mb) kwa madhumuni ya kuaga. Katika kikao hicho kilichofanyika jijini Dar es Salaam Juni 21, 2025, Mhe. Balozi Sandro De Oliveira alitumia muda huo kuishukuru Wizara na Serikali kwa ujumla kwa kumpa ushirikiano uliomuwezesha kutekeleza majukumu yake kwa ufanisi katika kipindi chote cha uwakilishi nchini. Viongozi hao pia walijadili masuala mbalimbali ya kisekta kuhusu ushirikiano kati ya nchi ya Tanzania na Angola, ikiwemo sekta ya Gesi na Mafuta, Madini, Uchumi wa Buluu, usafirishaji kwa njia ya reli na Ushoroba wa Lobito.

 Na Ada Ouko, GMTV SERIKALI mkoani Mara kwa kushirikiana na Uongozi wa Mgodi wa dhahabu wa Barrick North Mara uliopo Nyamongo Wilayani Tarime wamefungua mafunzo maalumu kwa wachimbaji wadogo yatakayowawezesha kuendesha shughuli zao kwa tija na kwa mafanikio makubwa. Akizungumza kwa niaba ya mkuu wa mkoa huo, wakati akifungua mafunzo hayo Juni 20, 2025 Mkuu wa Wilaya ya Musoma Juma Chikoka alisema mpango wa mafunzo hayo ni utekelezaji wa ahadi ya Waziri wa madini Antony Mavunde aliyefanya ziara mwezi May mwaka huu mkoani humo. " May mwaka huu Waziri wa madini alikuja hapa Nyamongo kwa ajili ya kuwakabidhi leseni vikundi vya vijana, ambapo jumla ya vikundi 48, na vijana 1736 walikabidhiwa leseni za uchimbaji kwa lengo la kuwawezesha kunufaika na rasilimali zitokanazo na sekta ya madini"Alisema Chikoka. Aidha aliwataka vijana na wanawake wanaonufaika na mradi huo kujitokeza kwa wingi kushiriki mafunzo hayo , Sambamba na hilo alitoa rai kwa Taasisi zinazohusika kusimamia vikundi...

Mbunge wa Jimbo la Chalinze na Waziri wa Nchi Ofisi ya Waziri Mkuu, Kazi, Vijana, Ajira na Wenye Ulemavu Mhe. Ridhiwani Kikwete Jana Juni 21, 2025 amepokea hundi yenye thamani ya milioni 52 kutoka Kiwanda cha KEDA kilichopo Chalinze mkoani Pwani kwa ajili ya kwenda kusaidia ukarabati wa Shule ya Msingi ya Chalinze iliyopo Jimboni kwake Chalinze.  Makabidhiano hayo yamefanyika Jijini Dar es Salaam katika hoteli ya Johari Rotana ambapo hundi iliyotolewa ni sehemu ya mchango wa boksi 1,000 za tails ambapo vifaa hivi vitatumika katika ujenzi na ukarabati wa madarasa sita pamoja na kukamilisha bweni la wavulana wenye mahitaji maalumu. Aidha, Kikwete amepokea vifaa vingine kutoka Kiwanda cha KEDA ambavyo ni kompyuta 20 na meza zake, televisheni yenye ukubwa wa inchi 43, mashine ya kutolea nakala (photocopy), kamera, mipira ya michezo pamoja na jezi za wachezaji. Kikwete ameushukuru uongozi wa Kiwanda hicho na kutoa wito kwa wadau wengine kujitokeza katika kuchangia ukarabati wa shule hiy...

AJUZA wa Mwenye Umri wa miaka 80 katika mtaa wa mabanda wa Mukuru-Kayaba, South B, Nairobi amewashangaza wengi baada ya kukiuka vikwazo vingi na kujiunga na kinamama wachanga kujifunza ushonaji. Kutana na Grace Wamucii Rua mwenye umri wa miaka 80 aliyezaliwa Limuru mwishoni mwa Vita vya Pili vya Dunia mwaka wa 1945. Kulingana na Grace, wazazi wake walikufa akiwa na umri wa miaka miwili. Anasema kutokana na kuwa yatima, alichukuliwa na nyanyake yake kabla ya wajomba zake kumchukua na kumlea kama mtoto wao baada ya Bibi yake kufariki. Alikuja Nairobi Machi 1997 ambapo anasema hakujaliwa kupata mtoto hadi 1998 alipopanga (adoption) mvulana na msichana ambao alipewa na rafiki yake. Amekuwa akiishi na watoto hao wawili Nairobi na amekuwa nao kama mama yao. Leo, binti yake ameolewa na kubarikiwa mtoto ambaye Grace anasema ni ‘mtoto wake’. Grace asema alikuwa Mkatoliki mwaminifu kabla kujiunga na Kanisa la All Nations PEFA South B. Alisimulia jinsi alivyowasihi viongozi wa All Nations kupata ...

  Na Mwandishi Wetu;Nairobi ALIZETI ambayo kwa miaka mingi imekuwa ikitumika kama malighafi ya utengenezaji mafuta ya kupikia na kuunda chakula cha mifugo, maua yake sasa yameanza kushabikiwa kurembesha mazingira. Yamegeuka kuwa kivutio kipya na kuorodheshwa miongoni mwa maua ya mapambo yanayouzwa ng’ambo. Kenya, ikijivunia kuwa miongni mwa wazalishaji nguli wa maua duniani na kushikilia nafasi ya nne katika uuzaji wa maua hususan ya umaridadi, sasa inajumuisha alizeti kwenye orodha ya maua yenye ushindani mkuu sokoni. Aghalabu, Kenya husafirisha asilimia 99 ya maua yake kwa zaidi ya nchi 80 ulimwenguni haswa aina ya waridi ‘rose’, carnation na alstroemeria. Alizeti sasa imejiunga rasmi na utandawazi huu wa maua ya kuvutia. Alizeti sasa inakumbatiwa kama maua ya urembesho. Picha|Sammy Waweru Ikiwa nyuma ya Colombia na Ecuador, katika nafasi ya tatu kimataifa kwa uzalishaji wa maua yaliyokatwa, Kenya inalenga kubadilisha sura ya maua yake kwa kuingiza maua ya kiangazi (summer flower...

   Waziri wa Ulinzi na Jeshi la Kujenga Taifa Mheshimiwa Dkt Stagomena Tax ametunuku Shahada ya uzamili na Stashahada kwa Maafisa 71 kutoka nchi 14 za Afrika katika Mahafari ya 39 ya Chuo cha Ukamanda na Unadhimu Tanzania leo tarehe 21 Juni 2025. Akizungumza wakati wa Mahafari hayo,Dkt Tax amewaasa wahitimu wa kozi ya Ukamanda na Unadhimu kutumia ujuzi walioupata kutoka chuoni hapo kushiriki katika uandaaji na upangaji wa mikakati ya kiusalama wa mataifa yao ili kulifanya bara la Afrika mahala salama.  Kwa Upande wake Mkuu wa Chuo hicho Meja Jenerali Stephen Justice Mnkande amesema kuwa Maafisa hao wamehitimu na kutunukiwa shahada ya Uzamili na Stashahada ya Juu Defence and Security Studies ambapo wamefaulu kwa viwango vya juu.  Naye Mnadhimu Mkuu wa JWTZ Luteni Jenerali Salum Haji Othman amesema kuwa Maafisa hao wanategemewa na Majeshi ya mataifa yao katika kusaidia kupanga mikakati mbalimbali ya Ulinzi na Usalama wa mataifa yao na kuwataka kufanya kazi kwa bidii na...