NSSF YALIPA MAFAO NDANI YA SIKU 19 KWA MWANACHAMA WAKE.

Na Mwandishi wetu Jovina Massano Musoma.

Maboresho yaliyofanywa na Mfuko wa hifadhi ya Jamii (NSSF) yapunguza muda wa ulipaji mafao kwa wanachama wake hapa nchini.

Hayo yameelezwa na Katibu tawala mkoa wa Mara Gerald Musabila Kusaya amewaeleza wanachama wa NSSF wakati wa kilele cha wiki ya huduma kwa wateja katika ukumbi wa ofisi za NSSF mkoani humo.

Kusaya amesema kuwa Maboresho hayo yameendelea kuongeza wigo wa ufanisi katika utoaji wa huduma kwa wanachama na ulipaji wa mafao kwa wakati.

"Tunaona Maboresho yameendelea kuongeza ufanisi katika utoaji huduma kwa wanachama ya ulipaji wa mafao ambapo hivi sasa wastani wa muda wa kulipa mafao umepungua Kutoka siku 63 hadi kufikia siku 19 mafanikio haya ni makubwa matumizi ya mtandao yamerahisisha huduma kwa wateja", amesema Kusaya.

Sanjari na hayo hakusita kuwaasa watumishi kuviishi viapo vyao na kuwawajibikia wananchi utoaji huduma bora usiishie kwenye wiki ya huduma kwa wateja bali iwe endelevu na kwa vitendo.

Juhudi hizi za serikali za kurahisisha huduma kwa wananchi wake ni uwajibikaji wa vitendo pia unaokoa muda wa huduma na kuwezesha kupatikana kwa wakati na jambo hili ni la dunia nzima huduma za kidijitali zinatumika kwa kiasi kikubwa ameongeza Kusaya.

Meneja wa NSSF mkoani Mara Emmanuel Kahensa amesema upatikanaji huduma bora umetokana na kuwasikiliza wateja mahitaji yao kuyatafakari na kuyafanyia kazi.

"NSSF inawahudumia wateja katika kila hatua na yanaonekana kwa vitendo na kuwezesha kusogeza huduma kiganjani na kufanya mageuzi makubwa waajiri,wanachama na wastaafu hupata huduma mbalimbali za NSSF kwa njia ya mtandao", amesema Kahensa.

Hivi sasa usajili, kufuatilia taarifa za michango kufungua na kufuatilia madai ya mafao na kufanya uhakiki wa wastaafu hakuhitaji kufika ofisi za mfuko hutumia huduza za kidijitali hivyo huwezesha kuokoa ghalama za nauli kwa mwanachama.

Aidha amefafanua kuwa ulipaji unazidi kushuka kutoka siku 19 hadi siku 5 hii inatokana na mfuko kuendelea kuboresha mifumo yake pia kutokana na sheria ya hifadhi ya jamii ya mwaka 2018 mfuko umepewa jukumu la kusajili wananchi waliojiajiri na kuhakikisha wanawafikia wote kupitia hifadhi skimu.

Neema Bryson mwanachama wa NSSF kutokea Kata ya Mwisenge Manispaa ya Musoma amesema amefurahishwa na elimu aliyoipata ambayo imemuwezesha kujiunga na sasa ananufaika na fao la matibabu.

Vile vile amewashauri wanawake wajasiriamali kujiunga kwa wingi kupunguza ghalama zisizo za lazima na kuhifadhi fedha na kujiletea Maendeleo na kukuza uchumi wao.

Gabriel Ogosi mkazi wa Tarime mkoani Mara amesema upatikanaji huduma kiganjani kumemsaidia hata akiwa shambani au malishoni anaweka michango yake bila tatizo lolote.

"Nimekuwa mwanachama wa NSSF muda mrefu miaka ya nyuma ilitulazimu kufika ofisi za mfuko kuweka michango na kujua taratibu zingine hivi sasa huduma zimeboreshwa zimekuwa za kidijitali ukiwa popote muda wowote unapata huduma bila changamoto yeyote", amesema Ogosi.

Amemalizia kwa kusema hii imewezesha uchumi wake kukuwa na kuwa na maendeleo makubwa katika kazi yake ya kilimo NSSF imebadili maisha yake kwa kiasi kikubwa amewahamasisha wakulima na wafugaji wajiunge kwa manufaa yao na familia zao.

Katika kilele hicho kiliambatana na utoaji wa vyeti na zawadi kwa wanachama wachangiaji bora wa hiari na kwa waajiri wanaowasilisha michango yao kwa wakati.

Wanachama waliopata vyeti vya uchangiaji bora ni pamoja na Gabriel Ogosi Mwing'a, Yohana Johanson Marwa,Elvis Samson Erick, Northmara field Group,Rhobi Nyakigendo,Enocy Daniel Meng'anyi,Juhudi Marwa Waryoba,Rukeke Rajabu Lusweka,Mariam Chacha na Rehema Majira Rajabu.

Waajiri waliopewa vyeti vya uwasilishaji michango kwa wakati ni North Mara Goldmine Limited,Fregom Limited Musoma,Grumet Reserves Limited,4c Protrade LTD, Beijing Construction Engineering Group Co LTD,Polygold Company Ltd,Grumet Construction Ltd,Mara mining Envestiment, CMS (Tanzania) Ltd,Grumet Air Ltd,The Registered Trusted of Grumet fund trust,Sisini Collection Ltd Serengeti,Henan Highway engineering Group, Company Ltd Musoma.

Pia na Asb Tanzania Ltd T/A Nogongoro, Member of Melia Collection,Taifa Mining&Civils Ltd (Tarime),Hero Rital Ltd Musoma,Buhemba Resources Ltd, na Sga Guards(T)Ltd Tarime.

Comments

#maratotv

RAIS RUTTO AAMBATANA NA ODINGA NCHINI CHINA

Rais wa Jamhuri ya Kenya Mh William Rutto na mke wake wamewasili nchini China kuhudhuria mkutano wa wakuu wa nchi na Serikali wa Jukwaa la ushirikiano kati ya China na Afrika (FOCAC). Katika ziara hiyo ameambatana na waziri mkuu mstaafu wa nchi hiyo Raila Odinga ambaye pia anapigiwa kampeni ili aweze kushinda nafasi ya Uenyekiti wa AU.

WIZARA YA MALI ASILI YASISITIZA MATUMIZI YA SHERIA NA KANUNI KATIKA UTEKELEZAJI WA SHUGHULI ZA UHIFADHI

Na.Joyce Ndunguru, Morogoro. Naibu Katibu Mkuu Wizara ya Maliasili na Utalii anaeshughulikia Maliasili, Kamishna wa Polisi Benedict Wakulyamba asisitiza matumizi ya sheria na kanuni katika utekelezaji wa shughuli mbalimbali za uhifadhi. Kamishna Wakulyamba ameyasema hayo leo Septemba 1, 2024 wakati wa ziara ya kikazi aliyoifanya katika ofisi za Makao Makuu ya TAWA yaliyopo Mkoani Morogoro kwa lengo la kuongea na watumishi ili kuimarisha utendaji kazi pamoja na kukagua maeneo ya kazi. "Kama wahifadhi tunapaswa kufahamu sheria zote zinazosimamia masuala ya uhifadhi zilizopo katika Taasisi zetu pamoja na za Taasisi zingine za uhifadhi zilizopo ndani ya Wizara ya Maliasili na utalii" amesema Kamishna Wakulyamba. "Pamoja na kufahamu sheria na kanuni zilizopo ndani ya Wizara yetu, ni vyema kufahamu na kuzingatia sheria nyingine za Nchi ambazo zinatuzunguka ili ziweze kutusaidia katika utekelezaji wa majukumu yetu mfano sheria inayohusiana na ukusanyaji wa vielelezo kuanzia kw...

Rais Dkt. Samia Awasili China Kushiriki Mkutano wa Wakuu wa Nchi na Serikali wa Jukwaa la Ushirikiano Kati ya China na Africa FOCAC

Rais wa Jamhuri ya Muungano wa Tanzania Mhe. Dkt. Samia Suluhu Hassan akiwasili katika uwanja wa ndege wa Kimataifa wa Beijing Capital nchini China kwa ajili ya kushiriki Mkutano wa Wakuu wa nchi na Serikali wa Jukwaa la Ushirikiano kati ya China na Afrika (FOCAC) tarehe 03 Septemba, 2024.

MAKOMANDOO MIAKA 60 YA JWTZ,HAIJAWAHI KUTOKEA

Makomandoo ya jeshi la ulinzi la Wananchi Tanzania (JWTZ)wamekuwa kivutio cha aina yake kwenye kikele cha maadhimisho ya miaka 60 ya tangu kuanzishwa kwa jeshi hilo. Katika sherehe hizo ambazo zimefanyika uwanja wa Uhuru Jijini Dar es Salaam,Rais wa Jamhuri ya Muungano wa Tanzania na Amiri Jeshi Mkuu Mhe. Dkt. Samia Suluhu Hassan ameshiriki kwenye kilele cha Maadhimisho ya Miaka 60 ya Jeshi la Ulinzi la Wananchi wa Tanzania katika uwanja huo wa Uhuru Jijini Dar es Salaam, leo tarehe 1 Septemba, 2024. Rais ameonesha kujivunia na kulipongeza JWTZ kwa kufanya kazi kwa kufuata misingi ya kuanzishwa kwake huku akitumia nafasi hiyo kuwapongeza Marais waliomtangulia kwa kazi kubwa waliyofanya wakati wa uongozi wao kwa kuliongoza vema jeshi hilo.

Meli ya Mv. Serengeti yapinduka na kuzama katika Bandari ya Mwanza kusini

Meli Mv.Serengeti imepinduka na kuzama kwenye bandari ya mwanza kusini. Meli hiyo imepinduka na kuzama disemba 26 majira ya saa Saba za usiku. Tukio hilo limetokea meli hiyo ikiwa imefungwa katika gati la bandari ya mwanza kusini. Kampuni ya meli Tanzania(Tashico) imethibitisha meli ya Mv. Serengeti kupinduka na kuzama upande mmoja wa nyuma. Kwa Mujibu wa Taarifa iliyotolewa na kitengo cha Masoko na Uhusiano kwa Umma cha Kampuni hiyo inaeleza kuwa Tashico imeshirikiana na Timu mbalimbali za Wataalam kutoka Jeshi la Zimamoto na Uokoaji, Shirika la Uwakala wa Meli Tanzania(TASAC), Mamlaka ya Usimamizi wa bandari (TPA) na wadau wengine katika Juhudi za Uokoaji. Kwa Mujibu wa Taarifa hiyo,Taarifa rasmi ya chanzo cha Tatizo itatolewa Meli hiyo itakapokuwa imeinuliwa na Uchunguzi wa kubaini Tatizo utakapokuwa umefanyika. Meli ya Mv.Serengeti inadaiwa kusitisha safari zake kwenye ziwa Victoria mwaka 2016 Meli ya Mv.Serengeti imepinduka na kuzama katika...

Jenerali Jacob Mkunda Atembelea Meli Tiba ya China Aridhishwa na Huduma

Mkuu wa Majeshi ya Ulinzi Jenerali Jacob John Mkunda ametembelea meli tiba ya Jeshi la Ukombozi la Watu wa China Peace Ark ili kuona matibabu yanavyofanyika. Jenerali Mkunda amefurahishwa na namna wataalam wa tiba wa Jeshi la China walivyotoa matibabu kwa kushirikiana na wataalam wa tiba wa JWTZ . Meli tiba ya jeshi la China imekuja hapa nchini na kutia nanga kwenye bandari ya Dar Es Salaam kutoa matibabu mbalimbali kwa wananchi ikiwa ni muendelezo wa maadhimisho ya miaka 60 tangu kuanzishwa kwa JWTZ na ushirikiano wa miaka 60 baina ya JWTZ na Jeshi la Ukombozi la Watu wa China. Matibabu hayo yalianza kutolewa tarehe 18 Julai 2024 hadi tarehe 22 Julai 2024. Meli tiba hiyo itaondoka hapa nchini tarehe 23 Julai mwaka huu.

AMIRI JESHI MKUU AKAGUA GWARIDE LA MIAKA 60 YA JWTZ

Mapema leo asubuhi Rais wa Jamhuri ya Muungano wa Tanzania na Amiri Jeshi Mkuu wa Majeshi ya Ulinzi na Usalama Mhe.Dkt,Samia Suluhu Hassan akikagua Gwaride Maalumu la Maadhimisho ya Miaka 60 ya Jeshi la Wananchi wa Tanzania (JWTZ) Uwanja wa Uhuru leo September 01,2024. Rais Samia Suluhu Hassan amesisitiza kuwa jeshi la ulinzi la Wananchi Tanzania si jeshi la Uvamizi bali ni jeshi la ulinzi wa Wananchi Tanzania Amewahakikishia wanajeshi kufanya kazi kifua mbele,kuwa amiri jeshi mkuu yuko pamoja nao wakati wote.

Mbunge wa Bukoba Vijijini ameaga Sifa Kedekede Kwa Rais Samia

Na Angela Sebastian; Bukoba MBUNGE wa jimbo la Bukoba vijijini Dk. Jasson Rweikiza amemshukuru Rais wa Jamhuri ya Muungano wa Tanzania Dk Samia Suluhu Hassan kwa niaba ya wananchi wa jimbo hilo, kwa kuwapatia zaidi ya shilingi bilioni 19 kwa ajili ya ujenzi wa madaraja mawili ambayo ni lango la kutoka na kuingia ndani ya mkoa wa Kagera. Ametoa shukrani hizo wakati akiongea wananchi mbalimbali waliofika katika viwanja vya Rweikiza pre and Primary school iliyoko eneo la Kyetema Bukoba vijijini, kwa kwa ajili ya kumbukizi ya miaka 100 ya kuzaliwa baba wa mbunge huyo aliyekuwa akiitwa Samsoni Rweikiza. Rweikiza amebainisha kuwa,Dk. Samia Suluhu Hassan ni Rais mwenye upendo amekubali kutoa mabilioni ya fedha kwa ajili ya Bukoba Vijijini na ndiyo maana tunasema atakuwa kiongozi wetu kwa awamu nyingine tena,tunapaswa kila mmoja kumuunga mkono. ametaja madaraja hayo kuwa ni Karebe ambalo limetengewa kiasi cha shilingi bil.9.3 kwa ajili ya ukarabati mkubwa kutokana na daraja ...

Jenerali ameacha alama ya uzalendo na kujitoa kwa ajili ya Taifa

*📌 Serikali itaenzi na kuthamini mchango wake* *📌 Asema Jenerali Musuguri alijitolea kuhakikisha Tanzania inabaki na amani na usalama* *📌 Asema alikuwa mstari wa mbele kuliokoa Taifa* *📌 Aiasa jamii kuacha alama katika maisha ya kila siku* *📌 Dkt. Biteko aongoza mamia ya watu mazishi ya Jenerali Musuguri Butiama* Na Ofisi ya Naibu Waziri Mkuu na Waziri wa Nishati Naibu Waziri Mkuu na Waziri wa Nishati, Mhe. Dkt. Doto Biteko amesema kuwa aliyewahi kuwa Mkuu wa Majeshi ya Ulinzi, Jenerali Mstaafu David Bugozi Musuguri alijitolea kuhakikisha Tanzania inabaki kuwa na amani, usalama na mshikamano pamoja na kuifundisha jamii moyo wa dhati wa kuilinda nchi. Dkt. Biteko amesema hayo leo Novemba 4, 2024 Butiama mkoani Mara wakati akiwasilisha salamu za Serikali kwa niaba ya Rais wa Jamhuri ya Muungano wa Tanzania, Mhe. Dkt. Samia Suluhu Hassan katika mazishi ya Jenerali Mstaafu Musuguri. “ Katika uhai wa kila mmoja wetu ni jambo gani mtu atakumbukwa nalo, baba huyu a...

Majaliwa Achangisha Shilingi Milioni 900 za Ujenzi wa Kanisa Kuu Lindi

WAZIRI MKUU Kassim Majaliwa ameendesha harambee na kuchangisha sh. milioni 928.67 za ujenzi wa kanisa kuu tarajiwa la Mt. Andrea Kagwa la Jimbo Katoliki la Lindi. Kati ya fedha hizo, sh. milioni 464.3 ni fedha taslimu na nyingine kati ya hizo zimeshawekwa benki na sh. milioni 464.37 bado ni ahadi. Awamu ya kwanza ya ujenzi huo, inatarajiwa kugharimu sh. milioni 700. Akizungumza na waumini na wadau mbalimbali waliohudhuria harambee iliyofanyika Ruangwa mjini, leo mchana (Jumamosi, Julai 27, 2024), Waziri Mkuu amewataka waliotoa ahadi wazikamilishe mapema ili kazi ya ujenzi isikwame. "Ninawashukuru sana wote mliofika na wote waliochangia ujenzi wa kanisa tarajiwa. Ninawaomba walioahidi, wakamilishe ahadi zao mapema ili kazi ianze kwani ramani ipo, mafundi wapo tayari, wasimamizi wa ujenzi wapo," amesisitiza. Waziri Mkuu amesema uamuzi wa Baba Askofu wa Jimbo Katoliki la Lindi, Mhashamu Askofu Wolfgang Pisa kuanza ujenzi wa kanisa kuu la jimbo hilo, ni utekelezaji ...

MARATO TV

Search This Blog

@marato_tv