MARATO TV

Na Mwandishi Wetu, Zimbabwe Tanzania imeendelea kung’ara katika ukanda wa Kusini mwa Afrika baada ya kutajwa kuwa miongoni mwa nchi zinazoongoza kwa mifumo madhubuti ya usimamizi wa maafa, hatua inayozifanya nchi nyingine wanachama wa Jumuiya ya Maendeleo Kusini mwa Afrika (SADC) kujifunza kupitia uzoefu wake. Hayo yameelezwa na Naibu Waziri wa Ardhi, Nyumba na Maendeleo ya Makazi Mhe. Kaspar Mmuya wakati akimwakilisha  Waziri wa Nchi Ofisi ya Waziri Mkuu anayeshughulikia masuala ya Sera, Bunge, Uratibu na Wenye Ulemavu, Mhe. Balamagamba Kabudi wakati wa Mkutano wa Sita wa Kawaida wa Kamati ya Mawaziri Wanaohusika na Usimamizi wa Maafa kwa nchi wanachama wa SADC unaofanyika mjini Masvingo, Zimbabwe. Amesema Tanzania imefanikiwa kuimarisha mifumo ya kuzuia, kupunguza madhara, kujiandaa na kurejesha hali baada ya maafa kutokana na uwekezaji mkubwa uliofanywa katika sekta ya uratibu wa maafa nchini. Kwa mujibu wa Mhe. Mmuya amesema moja ya mafanikio makubwa ni kuanzishwa kwa Kituo cha...

Katibu Mkuu wa Wizara ya Habari, Utamaduni, Sanaa na Michezo na Msemaji Mkuu wa Serikali, Bw. Gerson Msigwa, amesema, Kongamano la Kiswahili linalotarajiwa kufanyika  nchini Ufaransa linatoa fursa kwa Sekta  Binafsi nchini kutangaza biashara, huduma na fursa zilizopo Tanzania ili kuvitia washirika na wawekezaji wapya. Msigwa amesema hayo wakati alipokutana na Kaimu Mtendaji Mkuu wa Shirikisho la Sekta Binafsi Tanzania (TPSF), Deogratius Massawe, tarehe 13 Mei, 2026 Jijini Dar es Salaam kujadili ushiriki wa sekta binafsi katika Kongamano la Pili la Kimataifa la Kiswahili litakalofanyika jijini Paris, Ufaransa, kuanzia tarehe 4 hadi 7 Julai 2026. Amesema ushiriki huo ni sehemu ya mkakati wa Serikali wa kutumia Kiswahili kuimarisha diplomasia ya kiuchumi ambapo kwa kutumia jukwaa hilo wataweza kutangaza bidhaa, huduma na fursa za uwekezaji zilizopo Tanzania. "Kiswahili kitatumika kama daraja la mawasiliano kuvutia wawekezaji na washirika wapya kutoka Ufaransa na mataifa mengine,”...

-Magari ya Mafuta Yatumika Kusafirisha Kemikali kwa Vibali Feki -Cyclohexanone Yenye Uwezo wa Kuzalisha Tani 11.4 za PCP Yakamatwa -Watuhumiwa 84 Wakamatwa Katika Operesheni ya Kitaifa ya Dawa za Kulevya Mamlaka ya Kudhibiti na Kupambana na Dawa za Kulevya (DCEA), kwa kushirikiana na Mamlaka ya Maabara ya Mkemia Mkuu wa Serikali (GCLA) na Mamlaka ya Mapato Tanzania (TRA), imefanikiwa kukamata jumla ya lita 66,048 za kemikali bashirifu zilizoingizwa nchini kinyume na taratibu za kisheria katika operesheni maalum iliyofanyika jijini Dar es Salaam mwezi Aprili 2026. Kemikali hizo ni lita 16,048 za Cyclohexanone na lita 50,000 za Extra Neutral Alcohol (ENA).  Hayo yamesemwa na Kamishna Jenerali wa DCEA, Bw. Aretas Lyimo, leo Mei 13, 2026 wakati akizungumza na waandishi wa habari katika Makao Makuu ya Mamlaka, Dar es Salaam. Amesema katika operesheni hiyo, magari mawili yaliyotumika kusafirisha kemikali hizo yamekamatwa pamoja na watuhumiwa wawili.  "Uchunguzi umebaini kuwa kemikal...

Waziri wa Uchukuzi, Prof. Makame Mbarawa, amesema Serikali inaendelea kutekeleza miradi mikubwa ya ujenzi na maboresho ya viwanja vya ndege nchini ili kuimarisha sekta ya usafiri wa anga, kuchochea ukuaji wa uchumi na kuongeza fursa za utalii na biashara ndani na nje ya nchi. Akiwasilisha Bajeti ya Wizara ya Uchukuzi kwa mwaka wa fedha 2026/2027 Bungeni jijini Dodoma, Waziri Mbarawa amesema kipaumbele kikuu ni ujenzi wa Kiwanja cha Ndege cha Kimataifa cha Serengeti, ambacho kitatekelezwa kama mradi wa kimkakati wenye lengo la kuifanya Tanzania kuwa kitovu cha utalii wa kimataifa huku ikilinda mazingira ya Hifadhi ya Taifa ya Serengeti kupitia miundombinu rafiki kwa mazingira (green airport). Amesema hadi Machi 2026, hatua ya awali ya uchambuzi wa wakandarasi wa kimataifa (pre-qualification) imekamilika na kwa sasa Serikali inaendelea na taratibu za manunuzi ya kumpata mkandarasi pamoja na mhandisi mshauri wa ujenzi wa kiwanja hicho. “Mradi wa Kiwanja cha Ndege cha Serengeti ni wa kimka...

WAZIRI wa Uchukuzi, Makame Mbarawa, amesema Serikali haitaendelea kutoa ruzuku ya mishahara kwa Shirika la Reli Tanzania (Tanzania Railways Corporation (TRC)) kuanzia mwaka wa fedha 2026/2027, kufuatia mafanikio ya maboresho makubwa yaliyofanyika ndani ya shirika hilo tangu kuanza kwa mageuzi yake mwaka 2017. Akizungumza leo Mei 13, 2026 Bungeni jijini Dodoma wakati akiwasilisha bajeti ya Wizara ya Uchukuzi kwa mwaka wa fedha 2026/2027, Prof. Mbarawa amesema hatua hiyo ni ishara ya kuimarika kwa ufanisi na uwezo wa TRC katika kujitegemea kiutendaji na kifedha. Amesema Serikali inatambua mchango mkubwa uliowekwa katika kuliboresha shirika hilo, ikiwa ni sehemu ya utekelezaji wa mkakati wa kuimarisha sekta ya reli nchini kwa lengo la kuongeza ufanisi wa usafiri na kuchochea maendeleo ya uchumi. “Tangu kuanzishwa kwa shirika hili, Serikali imekuwa ikitoa ruzuku ya mishahara. Hivyo naomba kuliarifu Bunge lako Tukufu kuwa katika mwaka wa fedha 2026/2027 TRC haitatengewa tena ruzuku ya misha...

WAZIRI wa Uchukuzi, Prof. Makame Mbarawa amesema Serikali ya Awamu ya Sita inaendelea kuandika historia mpya katika sekta ya bandari kupitia utekelezaji wa miradi mikubwa ya kimkakati inayolenga kuifanya Tanzania kuwa lango kuu la biashara na usafirishaji kwa nchi za Afrika Mashariki na Kati. Akiwasilisha Bajeti ya Wizara ya Uchukuzi kwa mwaka wa fedha 2026/2027 leo Mei 13, 2026 Bungeni jijini Dodoma, Prof. Mbarawa amesema Serikali kupitia Mamlaka ya Usimamizi wa Bandari Tanzania (TPA) imeendelea kuboresha miundombinu ya bandari, kuongeza uwezo wa kuhudumia mizigo pamoja na kuimarisha ushindani wa bandari za Tanzania kimataifa. Katika kipindi cha Julai 2025 hadi Machi 2026, TPA ilihudumia tani milioni 29.66 za shehena ikilinganishwa na tani milioni 23.18 katika kipindi kama hicho mwaka uliopita, sawa na ongezeko la asilimia 27.96. Vilevile, makasha 1,005,529 yalihudumiwa katika kipindi hicho kutoka makasha 831,866 mwaka 2024/25, sawa na ongezeko la asilimia 20.88, hali inayodhihirisha ...