MARATO TV

Waziri Mkuu Dkt. Mwigulu Nchemba akizungumza na baadhi ya wafanyabiashara wa soko la Bunju B, Jijini Dar es Salaam, alipofanya ziara na kukagua maendeleo ya ujenzi wa soko hilo pamoja na ujenzi wa Kituo cha Mabasi, leo Desemba 29, 2025.

  Watanzania wenye Fikra, Strategy, na Vision ya kuivusha nchi level nyingine, wapo, ila mfumo wa nchi, Umekaa kibinafsi mno. Anthony Mtaka ni mfano wa Kiongozi mzalendo na mwenye nia, Fikra na strategies za kuiendeleza nchi, Hili wazo la kujengea uwezo watanzania, likifanyiwa kazi, at National level lazima tutoboe,  Kuna watu wengi wenye mawazo mazuri tu kama Jenerali Mstaafu Venance Mabeyo⁩, kwamba mito yetu imetufaidishaje kama nchi zaidi ya kuneemesha nchi za wenzetu huko sudani ?  Trump anasema, America first" Alipokuwa anapeleka majeshi Ukrain, alisain deal na Rais wa Ukrain kuifaidisha Marekani kwenye swala la madini, mifano mingine ni Congo. Swali la kujiuliza, wanajeshi wetu wanapokwenda kufanya peace keeping, nchi yetu inafaidikaje, Mtaka anahoji, kama nchi imekusaidia kwenye peace keeping, Unapopata miradi yako kwa nini uwape wachina? Badala ya watanzania[ Kufa kufaana]....

Waziri Mkuu, Dkt. Mwigulu Nchemba leo Desemba 29, 2025 amekagua hali za uzalishaji na usambazaji wa maji eneo la Ruvu Chini, mkoani Pwani. Akizungumza baada ya ukaguzi huo, Mheshimiwa Dkt. Mwigulu amesema kuwa ili kukabiliana na changamoto ya upungufu wa maji unaotokana na Mabadiliko ya tabia ya nchi, Serikali ilianza utekelezaji wa miradi mbalimbali ya maji katika kipindi cha miaka mitatu iliyopita. “Mipango hii ya ujenzi wa miradi inayolenga kukabiliana na changamoto ya upungufu wa maji ilianza muda mrefu, Serikali iliona na ilianza kutafuta majawabu ya hali hii miaka mitatu iliyopita kwa kujenga miradi mikubwa itakayotoa matokeo chanya”.

Mbunge Wa Jimbo La Bariadi Vijijini Mh. Masanja Kungu Kadogosa Mapema Leo Amefanya Misa Maalum Ya Kumuombea Rasi Dkt. Samia Suluhu Hassan, Kuliombea Taifa Na Kumuombea Marehemu Baba Yake Mzee Daudi Kungu Kadogosa Tukio Lililofanyika Nyumbani Kwake Kijijini Mwakibuga, Mkoani Simiyu. Katika Dua Hii, Maombi Maalum Yamefanyika Kusisitiza Misingi Ya Kulinda Amani, Umoja Na Mshikamano Wa Kitaifa. Dua Hiyo Imehudhuriwa Na Viongozi Mbalimbali Wa Serikali Akiwemo Mkuu Wa Mkoa Wa Simiyu, Viongozi Wa Madhehebu Ya Katoliki - Zaidi Ya Mapadri 10, Waislam Wakiongozwa Na Sheikh Wa Mkoa Wa Simiyu, Walutherani, Madiwani Wa Vyama Mbalimbali Vya Siasa Na Maelfu Ya Wakazi Wa Mkoa Wa Simiyu.

📍WAHIMIZA ENZI ZA TX MOSHI WILLIAM KUTUMIKA KUIBUA VIPAJI NA MASHAKA MHANDO, Korogwe MKUU wa Mkoa wa Tanga, Mhe. Balozi Dkt. Batilda Burian, amemwagia sifa mwandaaji wa tamasha la 'Hale Festival', Dkt. Hassan Abbas, huku akibainisha kuwa jukwaa hilo ni daraja imara la kuibua na kuendeleza vipaji vya muziki na soka mkoani humo. Akizungumza katika usiku wa kipekee wa kumkumbuka gwiji la muziki wa dansi nchini, marehemu TX Moshi William, uliofanyika mwishoni mwa wiki katika ukumbi wa Hale Lounge, Balozi Batilda alisema tamasha hilo ni mfano wa kuigwa katika kuenzi tunu za sanaa. "Sisi kama mkoa tumejifunza kupitia wazo hili zuri la Hale Festival. Kupitia tamasha hili, tunaweza kupata akina TX Moshi William wengi zaidi. Hongera sana Dkt. Abbas kwa maono haya," alisema Mkuu wa Mkoa. Katika kilele cha tamasha hilo, mwanzilishi wa Hale Festival, Dkt. Hassan Abbas, alitoa Tuzo ya Heshima (Lifetime Achievement Award) kwa marehemu TX Moshi William, kutokana na mchango wake uli...

_Atoa wito kwa Watanzania kuhimiza umoja na amani_. Waziri Mkuu, Dkt. Mwigulu Nchemba ametoa wito kwa viongozi wa dini kuendelea kushirikiana na Serikali katika kutoa elimu ya umoja na amani, kupinga chuki, migawanyiko na vitendo vyovyote vinavyoweza kuvuruga mshikamano waTaifa. Amesema kuwa vita yoyote inayohusisha wenyewe kwa wenyewe huwa haina mshindi bali ina kupoteza wote na mgawanyiko ndani ya taifa hauna mshindi bali una matokeo ya kushindwa wote kama Taifa. Ametoa wito huo leo (Alhamisi, Desemba 25, 2026)  aliposhiriki ibada ya Sikukuu ya Krismasi iliyofanyika katika Kanisa Kuu la Kiinjili la Kilutheri la Azani Front jijini Dar es Salaam. “Manufaa ya amani ni makubwa: huleta maendeleo ya kiuchumi, huimarisha ustawi wa jamii, na huwezesha kila Mtanzania kushiriki kikamilifu katika kujenga Taifa.” Amesema kuwa Serikali inaendelea kutekeleza wajibu wake wakulinda amani na usalama wa nchi pamoja na kuwajenga Watanzania na hususani vijana kuthamini dhana ya uzalendo kwa nchi yet...