MARATO TV

SERIKALI imefungua fursa ya Sh5 bilioni kwa ajili ya kuwawezesha vijana na wabunifu wenye kampuni changa za Teknolojia ya Habari na Mawasiliano (TEHAMA), ikilenga kugeuza mawazo na bunifu zao kuwa biashara zinazokua, ajira na masoko mapya. Fursa hiyo imetolewa kupitia Programu ya Uwezeshaji wa Mikopo kwa Kampuni Changa za TEHAMA iliyozinduliwa jijini Dodoma, ambapo Serikali imesema fedha hizo zitatolewa kwa kampuni zitakazokidhi vigezo na masharti yaliyowekwa. Akizindua programu hiyo, Waziri wa Mawasiliano na Teknolojia ya Habari, Angellah Kairuki, amesema Serikali inalenga kuona mikopo hiyo ikileta matokeo yanayoonekana katika ukuaji wa kampuni, ongezeko la ajira, mauzo na mapato pamoja na upanuzi wa masoko ndani na nje ya Tanzania. “Swali letu si tu tumetoa mikopo kiasi gani? Swali muhimu zaidi ni fedha hizo zimeleta mabadiliko gani?” amesema. Amesema mikopo hiyo itatolewa katika madaraja matatu, kuanzia Sh1 milioni hadi Sh25 milioni, zaidi ya Sh25 milioni hadi Sh50 milioni na zaidi ...

Na Wellu Mtaki, Geita SHIRIKISHO la Wachimbaji wa Madini Tanzania (FEMATA) limesema moja ya mafanikio makubwa katika sekta ya madini ni kubadilika kwa mtazamo wa Watanzania kuhusu shughuli za uchimbaji, kutoka kwenye dhana za kishirikina na kuanza kuiona sekta hiyo kama shughuli inayohitaji sayansi, teknolojia na utaalamu. Katibu wa Kamati ya Mahusiano wa FEMATA, Mathew Chengule, amesema hayo wakati akizungumza na waandishi wa habari baada ya kutembelea mabanda mbalimbali katika Maonesho ya Tisa ya Teknolojia ya Madini yanayoendelea mkoani Geita. Chengule amesema elimu inayotolewa kwa wananchi kuhusu sekta ya madini imekuwa na mchango mkubwa katika kuvunja dhana zilizokuwepo kwamba upatikanaji wa madini unahusishwa na uchawi au imani za kishirikina. Amesema kwa sasa uelewa wa wananchi umeongezeka na wengi wameanza kutambua kuwa shughuli za madini zinahitaji matumizi ya teknolojia, taarifa sahihi na mbinu za kisayansi ili kuongeza ufanisi na kupunguza hasara.  “Hatua tuliyopiga ni k...

 Kampuni ya Kizalendo ESAP Yawekeza Kiwanda cha Vilipuzi Bukombe Kuhudumia Migodi Mikubwa na Wachimbaji Wadogo Mafanikio ya Sera ya Maudhui ya Ndani (Local Content) katika sekta ya madini yameanza kuonekana wazi baada ya kampuni ya kizalendo ya ESAP Mining Services kuwekeza kiwanda cha kisasa cha uzalishaji wa vimiminika vya vilipuzi Wilayani Bukombe. Mkurugenzi wa kampuni hiyo, Mhandisi Yahya Ruyaga, akizungumza Oktoba 2, 2026 katika Maonesho ya 9 ya Kitaifa ya Teknolojia ya Madini yanayoendelea katika Viwanja vya Dkt. Samia Suluhu Hassan mkoani Geita, amesema uwekezaji huo unalenga kupunguza utegemezi wa kuagiza vilipuzi kutoka nje na kuhakikisha huduma hiyo inapatikana kwa urahisi nchini. "Kupitia kiwanda chetu cha Bukombe tunazalisha vimiminika maalumu vinavyotumika kwenye mifumo ya vilipuzi na tunatumia magari maalumu yenye teknolojia ya kuchanganya vilipuzi moja kwa moja eneo la kazi. Hii inaongeza usalama na ufanisi," amesema Ruyaga. Ruyaga amesema licha ya kuhudumia m...

 <Yasisitiza uwezeshaji Miradi ya Umwagilia NA MWANDISHI WETU ;TABORA📍 Kamati ya Kudumu ya Bunge ya Viwanda, Biashara, Kilimo na Mifugo imesema usalama wa nchi unaanza na usalama wa chakula, hivyo wananchi hawapaswi kushangazwa na mabadiliko makubwa yanayofanywa na Serikali katika kuwezesha miradi ya Umwagiliaji. Kamati hiyo imeeleza kuwa jitihada za Serikali katika kuwekeza kwenye miradi ya Umwagiliaji zinalenga kuhakikisha Tanzania inaendelea kuwa salama na kujidhatiti katika kuongeza uzalishaji wa mazao ya chakula, hali inayoiwezesha pia kuihakikishia dunia kuhusu uwezo wake wa uzalishaji. Akizungumza katika muendelezo wa ziara ya kukagua miradi ya umwagiliaji inayosimamiwa na Tume ya Taifa ya Umwagiliaji, Mwenyekiti wa Kamati hiyo ambaye pia ni Mbunge wa Njombe Mjini, Mhe. Deodatus Philip Mwanyika, amesema Tanzania ni salama na msingi wake ni uhakika wa chakula. Mwanyika amesema nchi imekuwa na uzalishaji mkubwa wa mazao ya chakula kwa matumizi ya ndani na hata nje ya nchi,...

 Waziri Mavunde awataka Watanzania kuchangamkia fursa za huduma na bidhaa kwenye migodi_ 📍GEITA Serikali kupitia Tume ya Madini inatarajia kuanza kuhakiki umiliki halali wa kampuni zinazotoa huduma kwenye migodi ya madini nchini, ili kuhakikisha fursa za ajira, huduma na biashara zinawanufaisha Watanzania wenye sifa na uwezo unaohitajika. Waziri wa Madini, Mhe. Anthony Mavunde, amesema hatua hiyo inalenga kudhibiti utaratibu unaodaiwa kuwepo wa kampuni za kigeni kuingia ubia na Watanzania wasio na sifa stahiki kwa ajili ya kutimiza matakwa ya ushirikishwaji wa Watanzania katika Sekta ya Madini. Waziri Mavunde ametoa kauli hiyo mapema leo Oktoba 2, 2026, wakati akifungua Siku ya Ushirikishwaji wa Watanzania katika Sekta ya Madini, ikiwa ni sehemu ya Maonesho ya Kitaifa ya Tisa ya Teknolojia na Uwekezaji katika Sekta ya Madini yanayoendelea katika Viwanja vya Dkt. Samia Suluhu Hassan, Bomba Mbili, Geita. Amesema katika utekelezaji wa Kanuni za Ushirikishwaji wa Watanzania katika Sek...

MAMLAKA ya Mapato Tanzania (TRA) imekusanya Shilingi trilioni 10.65 katika kipindi cha Julai hadi Septemba 2026, sawa na asilimia 107.49 ya lengo la Shilingi trilioni 9.91 kwa robo ya kwanza ya mwaka wa fedha 2026/27. Kwa mujibu wa taarifa ya utendaji kazi iliyotolewa Oktoba 1, 2026, makusanyo hayo yameongezeka kwa asilimia 18.81 ikilinganishwa na Shilingi trilioni 8.96 zilizokusanywa katika kipindi kama hicho cha mwaka wa fedha 2025/26. Katika kipindi hicho, TRA ilikusanya Sh trilioni 3.25 mwezi Julai, Sh trilioni 3.22 Agosti na Sh trilioni 4.19 Septemba, huku ikivuka malengo ya makusanyo katika kila mwezi. TRA imesema ongezeko hilo limetokana na kuboresha mifumo, mazingira ya biashara na huduma kwa walipakodi, pamoja na hatua za kudhibiti ukwepaji kodi na kuimarisha ushirikiano na wafanyabiashara na wadau mbalimbali.