MARATO TV

Mkurugenzi wa elimu ya ufundi na mafunzo ya ufundi stadi kutoka Wizara ya Elimu, Sayansi na Teknolojia Fredrick Salukele amesema ushiriki Tanzania katika mashindano ya ujuzi ya WorldSkills umefungua fursa mpya za kimataifa kwa vijana wenye ujuzi, huku tayari washiriki wawili wakikubaliwa kwenda Shanghai, China kama waangalizi wa Mashindano ya WorldSkills International 2026. Akizungumza wakati wa Mashindano hayo yanayoendelea jijini Tanga, Selukele amesema vijana hao wanatoka katika fani za mtandao wa vitu na urembo tiba, hatua inayoonesha kuwa ujuzi wa Tanzania umeanza kutambulika kimataifa. "Baada ya matokeo ya mashindano ya kitaifa kutangazwa, Tanzania itawasilisha washindi kwa WorldSkills ili kuitangazia dunia kuwa nchi yetu ina taasisi zinazozalisha wahitimu wenye ujuzi unaokidhi viwango vya kimataifa,"amesema. Amesema kuonekana katika majukwaa ya WorldSkills kunawaongezea vijana nafasi za ajira za kimataifa, huku Serikali ikilenga kuanzisha mfumo wa vyeti vinavyotambulik...

*Asema lengo ukuaji ufikie asilimia saba ifikapo mwaka 2030* MAKAMU Mwenyekiti wa Chama Cha Mapinduzi (CCM) Tanzania Bara, Stephen Wasira, amesema CCM inalenga kuhakikisha uchumi wa Tanzania unakua kwa asilimia saba ifikapo mwaka 2030, huku ukichochea ongezeko la kipato na kuboresha maisha ya wananchi. Wasira amesema hayo leo (Agosti 21,2026) wakati akizungumza na viongozi pamoja na wanachama wa CCM mkoani Singida, akieleza kuwa ukuaji wa uchumi hautakuwa na maana iwapo hautaonekana katika maisha ya mtu mmoja mmoja kupitia ongezeko la kipato na fursa za kiuchumi. Amesema katika Ilani ya CCM, chama hicho kimeweka msisitizo wa kukuza uchumi jumuishi unaolenga kumwezesha kila Mtanzania kunufaika na ukuaji wa uchumi. “Katika Ilani yetu tumesema tunataka uchumi mkuu ambao kila siku mnasikia Tanzania uchumi wako unakuwa kwa asilimia 6.3. Lakini hii haitoshi. Tunataka uchumi huu usaidie maisha ya mtu mmoja mmoja,” amesema Wasira. Ameeleza kuwa CCM inalenga kuona mapato ya wananchi yanaongezek...

 Na Mashaka Mhando, Tanga Hatimaye, Mzee Mohamed Rashid Mkwaje, ambaye aliondoka nyumbani kwao tangu mwaka 1974 kwenda kufanya kazi ya kukata mkonge wilayani Muheza, amefanikiwa kurejea na kuungana tena na familia yake katika Kijiji cha Ligunga, wilayani Tunduru mkoani Ruvuma, baada ya kupita miaka 52. Mzee huyo amepokelewa kwa hisia kali na vilio vya furaha, hasa kutoka kwa mama yake mzazi, Asmin Kandulu ambaye alikuwa amekata tamaa na kutokuwa na uhakika kama mwanaye alikuwa bado hai baada ya ukimya wa zaidi ya nusu karne.  Kufuatia mapokezi hayo, wajukuu na ndugu wengine wa familia walimfanyia matambiko maalum ya kimila yaliyoambatana na nyimbo za asili za kabila la Kihiyao, ikiwa ni ishara ya kumpokea na kusherehekea kurejea kwa mtoto wao aliyekuwa amepotea. Safari ya kurejea kwa Mzee Mkwaje ilianza Alhamisi Augosti 20 akitokea Wilaya ya Muheza mkoani Tanga, ambapo alisindikizwa na Ofisa Ustawi wa Jamii wa wilaya hiyo, Silvanus Misigaro. Akizungumza baada ya kufanikisha sa...

 MKUU wa Mkoa wa Mara, Kanali Evans Mtambi, amempongeza Mbunge wa Viti Maalumu Mkoa wa Mara, Ghati Chomete, kwa dhamira yake ya kuhamasisha wananchi kujiunga na Bima ya Afya kwa Wote, akisema juhudi hizo ni muhimu katika kulinda familia dhidi ya mzigo wa gharama za matibabu. Kanali Mtambi amesema hatua ya Mbunge huyo kuandaa Kongamano la Bima ya Afya kwa Wote ni mfano wa uongozi unaogusa maisha ya wananchi moja kwa moja, kwa kuwa afya ni msingi wa ustawi wa familia na maendeleo ya jamii. Akizungumza katika kongamano hilo, Kanali Mtambi amesema bado kuna wananchi ambao hawajaelewa kikamilifu umuhimu wa kuwa na bima ya afya, hivyo juhudi za viongozi kupeleka elimu kwa wananchi zinapaswa kuungwa mkono. Amesema Bima ya Afya kwa Wote inatoa kinga dhidi ya changamoto ya gharama kubwa za matibabu ambazo zimekuwa zikizikabili familia nyingi, huku akisisitiza kuwa wananchi wanapaswa kutumia fursa hiyo kuhakikisha wanapata huduma za afya bila mzigo mkubwa wa gharama. “Hongera sana Mheshimiwa...

 MBUNGE wa Viti Maalumu Mkoa wa Mara, Mhe. Ghati Chomete, ameunga mkono juhudi zinazofanywa na Rais Dkt. Samia Suluhu Hassan katika kuhakikisha wananchi wanapata huduma bora za afya kupitia utekelezaji wa mpango wa Bima ya Afya kwa Wote, akieleza kuwa Mkoa wa Mara umeendelea kutekeleza kwa vitendo zoezi hilo kwa kuhamasisha wananchi kujiunga na mfumo wa bima ya afya. Akizungumza katika hafla ya Kongamano la Bima ya Afya kwa Wote lililofanyika mkoani Mara, Mhe. Chomete amesema hatua hiyo ni sehemu muhimu ya utekelezaji wa azma ya Serikali ya kuhakikisha kila Mtanzania anakuwa na uhakika wa kupata huduma za afya bila kikwazo cha gharama. Amesema viongozi na wananchi wa Mkoa wa Mara wana wajibu wa kuunga mkono juhudi hizo kwa kuhakikisha wananchi wanaelewa umuhimu wa kuwa na bima ya afya na kutumia fursa hiyo kujiunga na mfumo huo. Mhe. Chomete amempongeza Rais Samia kwa kuweka msukumo mkubwa katika kuboresha sekta ya afya na kusimamia malengo ya kuongeza idadi ya Watanzania wanaonufa...

 MBUNGE wa Tarime Vijijini, Mwita Waitara, amemtupia lawama Katibu wa Chama Cha Mapinduzi (CCM) Wilaya ya Tarime, akidai kuwa uongozi huo uliwatelekeza wajumbe wa chama waliokuja kutoka kata mbalimbali za wilaya hiyo kwa kushindwa kuwaandalia mahitaji muhimu, ikiwemo nauli, chakula na vinywaji. Waitara ametoa kauli hiyo mara baada ya kushiriki kongamano la Bima ya Afya pamoja na changizo la ujenzi wa bweni lililoandaliwa na Mbunge wa Viti Maalumu, Gati Chomete, akisema alilazimika kusafiri usiku kutoka Dodoma ili kushiriki shughuli hiyo kama sehemu ya kuonesha mshikamano na umoja miongoni mwa wananchi wa Mkoa wa Mara. Amesema alifika katika shughuli hiyo kwa sababu agenda ya ujenzi wa bweni ni muhimu kwa watoto, kwani itawapa mazingira bora ya kujifunza na kujisomea, huku akisisitiza kuwa viongozi wa Mara wanapaswa kushirikiana katika shughuli zenye manufaa kwa wananchi. “Mimi nimetoka Dodoma, nimesafiri usiku usiku kuja hapa kwenye changizo hili kwa sababu kuna agenda muhimu ya ku...