MARATO TV

WAZIRI MKUU, Dkt. Mwigulu Nchemba, ameweka jiwe la msingi la mradi wa ujenzi wa barabara ya Kagwira – Karema (kilometa 112) katika Halmashauri ya Wilaya ya Tanganyika mkoani Katavi. Mradi huo unatekelezwa na Wakala wa Barabara Tanzania (TANROADS) kwa gharama ya takribani shilingi bilioni 219.09, ukiwa na lengo la kuboresha miundombinu ya usafiri na kuchochea shughuli za kiuchumi katika ukanda wa Ziwa Tanganyika. Kwa mujibu wa taarifa ya mradi iliyosomwa na Kaimu Meneja wa Udhibiti wa Miradi TANROADS, Mhandisi Malima Musema Mongo, ujenzi wa barabara hiyo umegawanyika katika vipande viwili ambavyo ni Kagwira – Kasekese (kilometa 54.144) na Kasekese – Ikola – Karema (kilometa 56.911). Alisema ujenzi wa kipande cha Kagwira – Kasekese unagharimu takribani shilingi bilioni 106.95 na umefikia asilimia 8.2 ya utekelezaji, huku kipande cha Kasekese – Ikola – Karema kikigharimu takribani shilingi bilioni 112.14 na kufikia asilimia 33.4 ya utekelezaji. Mradi huo ni wa kimkakati kwa kuwa utarahisi...

Na WMJJWM – New York, Marekani Serikali ya Tanzania imesisitiza dhamira yake ya kuendelea kutekeleza kikamilifu makubaliano ya kimataifa yanayohusu usawa wa kijinsia na maendeleo, sambamba na kuimarisha juhudi za kupambana na vitendo vya ukatili wa kijinsia katika jamii. Akizungumza katika mkutano huo, Waziri wa Maendeleo ya Jamii, Jinsia, Wanawake na Makundi Maalum, Dkt. Dorothy Gwajima, amesema Tanzania inaendelea kuthibitisha dhamira yake ya kutekeleza kikamilifu na kwa ufanisi hatua zilizowekwa katika makubaliano mbalimbali ya kimataifa kuhusu jinsia na maendeleo ambayo nchi imeridhia. Dkt. Gwajima amesema Tanzania ni miongoni mwa nchi zilizoingia katika makubaliano na maazimio mbalimbali ya kimataifa, ikiwemo Azimio na Jukwaa la Utekelezaji la Beijing, Mkataba wa Kutokomeza Aina zote za Ubaguzi Dhidi ya Wanawake (CEDAW) pamoja na Malengo ya Maendeleo Endelevu ya mwaka 2030. Ameeleza kuwa Serikali inaendelea kutekeleza mipango na mikakati mbalimbali yenye lengo la kuhakikisha viten...

Rais wa Jamhuri ya Muungano wa Tanzania Mhe. Dkt. Samia Suluhu Hassan akisalimiana na Viongozi mbalimbali mara baada ya kuwasili katika Uwanja wa Ndege wa Pemba kwa Ziara ya Kijamii ya siku mbili, tarehe 13 Machi, 2026. Pamoja na mambo mengine, Mheshimiwa Rais atashiriki Iftar ya pamoja na Viongozi na Wananchi wa Mikoa miwili ya Pemba.

Na Wizara ya Madini Kabla ya mwaka 2019, biashara ya madini ya dhahabu na vito nchini Tanzania, hususan kwa wachimbaji wadogo na wafanyabiashara, ilifanyika bila kuwepo kwa maeneo rasmi ya kukutana. Hali hiyo ilisababisha kutokuwepo kwa uwazi katika bei, udanganyifu katika vipimo na ubora wa madini, uwepo wa dhahabu bandia, pamoja na vitendo vya utoroshaji wa madini nje ya nchi, jambo lililosababisha wachimbaji na wafanyabiashara kupata hasara na Serikali kukosa mapato stahiki. Mageuzi makubwa yalianza mwaka 2019 baada ya kufanyika marekebisho ya Sheria ya Madini mwaka 2017, ambayo yalipelekea kuanzishwa kwa soko la kwanza la Madini Geita likifutiwa na Chunya. Hatua hiyo iliweka msingi wa uwazi, usalama na uhakika wa biashara ya madini. Leo, Tanzania ina masoko 44 ya madini na vituo vidogo vya ununuzi wa madini 120 nchi nzima. Masoko haya yamekuwa mkombozi mkubwa kwa wachimbaji na wafanyabiashara kwa kuwapatia mahali salama pa kuuza, bei elekezi na ulinzi dhidi ya udanganyifu huku Seri...

Na: Dk. Reubeni Lumbagala, Tanga Chakula, mavazi na malazi ni mahitaji muhimu ya binadamu (basic needs). Ni mahitaji ambayo maisha ya binadamu hayawezi kwenda bila kuwa nayo, ndiyo maana watu wanapambana kupitia shughuli mbalimbali za kiuchumi kama kilimo, ufugaji, uvuvi, biashara, ujasiriamali kuhakikisha mahitaji haya yanapatikana katika ngazi ya familia ili kufurahia maisha. Katika muktadha wa makala hii, msisitizo ni umuhimu wa chakula shuleni ili kuwafanya wanafunzi waweze kujifunza vizuri na kupata kile kilichoandaliwa na walimu wao hasa maarifa, ujuzi na stadi za maisha. Wanafunzi wanaanza safari ya kwenda shule asubuhi sana. Wakifika shule hufanya usafi madarasani na katika mazingira mengine ya shule, ndipo ratiba ya vipindi madarasani huanza mnamo saa moja na nusu asubuhi. Husoma hadi saa tisa na nusu  alasiri na wengine huendelea kwa ratiba nyingine za kujisomea. Hivyo baadhi ya wanafunzi hao hujikuta wakitoka shule jioni. Baadhi yao kutokana na hali nzuri za kimaisha hun...

WAZIRI MKUU, Dkt. Mwigulu Nchemba, leo Machi 13, 2026 ameweka jiwe la msingi la Mradi wa Maji wa Miji 28 katika Kata ya Shanwe, Manispaa ya Mpanda mkoani Katavi. Mradi huo wenye thamani ya shilingi bilioni 22.8 umefikia asilimia 55 ya utekelezaji na unatarajiwa kukamilika Julai 2026. Kukamilika kwake kutasaidia kuongeza upatikanaji wa huduma ya maji safi na salama kwa wananchi wa eneo hilo.  Baada ya kukagua maendeleo ya mradi huo, Dkt. Mwigulu amemtaka mkandarasi kuhakikisha anaukamilisha kwa wakati na kwa ubora uliokusudiwa ili wananchi waanze kunufaika na huduma ya maji. Mradi huo unatarajiwa kuzalisha takribani lita milioni 12 za maji kwa siku.