RC SENYAMULE AKAGUA UWANJA WA DODOMA, AWATAKA VIJANA KULINDA FURSA ZA AJIRA

Mkuu wa Mkoa wa Dodoma, Mhe. Rosemary Senyamule, amefanya ziara katika Uwanja wa Mpira wa Miguu wa Dodoma unaojengwa kwa thamani ya Sh bilioni 300 akieleza kuridhishwa na maendeleo ya ujenzi na kuwataka vijana wanaonufaika na ajira kupitia mradi huo kulinda fursa hizo kwa kuhakikisha wanatunza miundombinu na rasilimali zinazowekezwa na Serikali.

Mhe. Senyamule ametoa kauli hiyo leo, Agosti 11, 2026, baada ya kutembelea na kukagua maendeleo ya ujenzi wa uwanja huo, ambapo pia amepata fursa ya kuzungumza na kusikiliza changamoto za wafanyakazi wanaoshiriki katika utekelezaji wa mradi huo.

Amesema uwanja huo ni miongoni mwa miradi mikubwa na ya kimkakati inayotekelezwa na Serikali, ukiwa na umuhimu mkubwa kwa Mkoa wa Dodoma na Taifa kwa ujumla kutokana na uwezo wake wa kuchochea maendeleo ya michezo, ajira na shughuli mbalimbali za kiuchumi.

“Mradi huu ni wa kimkakati kwa Mkoa wa Dodoma na kwa nchi yetu kwa ujumla. Ndiyo maana tumeona kuna sababu ya kuja kutembelea na kujua ujenzi unavyoendelea, lakini pia kuwasikiliza ninyi mnaoshiriki katika kuujenga,” amesema Mhe. Senyamule.

Ameishukuru Serikali inayoongozwa na Rais Dkt. Samia Suluhu Hassan kwa kuendelea kutoa fedha na kusimamia utekelezaji wa mradi huo, akisema uwekezaji huo unalenga kuwapatia Watanzania mazingira bora ya kushiriki katika michezo, huku ukifungua fursa za ajira na biashara.

Kwa mujibu wa Mkuu huyo wa Mkoa, uwanja huo unajengwa kwa kuzingatia viwango vya kimataifa, ikiwemo mahitaji ya FIFA na mashindano makubwa ya soka barani Afrika.

Amesema kukamilika kwa uwanja huo kutaongeza uwezo wa Dodoma kuwa mwenyeji wa mashindano makubwa ya michezo, ikiwemo kupokea timu mbalimbali kwa ajili ya mashindano na mazoezi, hatua ambayo itaongeza shughuli za kiuchumi katika Mkoa wa Dodoma.

Mhe. Senyamule amesema mradi huo tayari umefungua ajira kwa vijana zaidi ya 200, huku idadi hiyo ikibadilika kulingana na mahitaji ya kazi katika hatua mbalimbali za ujenzi.

Amesema kinachofurahisha zaidi ni kuona vijana kutoka maeneo mbalimbali ya Tanzania wakifika Dodoma na kutumia fursa zinazotokana na mradi huo kujiajiri na kuongeza ujuzi.

“Hii ndiyo Tanzania. Fursa ni ya Watanzania wote. Vijana wametoka kusini, kaskazini, mashariki na magharibi na wamekuja Dodoma kushiriki katika ujenzi huu na kupata ajira. Hii ni fursa iliyotengenezwa kwa ajili ya vijana wote,” amesema.

Aidha, amewataka wafanyakazi wanaoshiriki katika ujenzi huo kuwa walinzi wa kwanza wa mradi kwa kutunza vifaa, miundombinu na rasilimali nyingine zinazowekwa na Serikali, pamoja na kutoa taarifa kwa viongozi pale wanapobaini viashiria vya wizi, uharibifu au uzembe.

Amesema kila mfanyakazi ana wajibu wa kuhakikisha mradi unatekelezwa kwa ubora uliokusudiwa, kwa kuwa fedha zinazotumika ni rasilimali za Watanzania.

“Macho yenu yanaona na masikio yenu yanasikia. Kazi yenu kubwa ni kulinda rasilimali za nchi ambazo zimewekezwa hapa. Kama wewe ni engineer na unaona jambo ambalo halijaenda sawa, sema. Huu ni wajibu wetu wa kulinda nchi yetu,” amesisitiza.

Nao baadhi ya wafanyakazi katika uwanja huo akiwemo Emmanuel Mang'ombe amesema ujenzi unaendelea vizuri na hatua kubwa imekwishafikiwa katika maeneo mbalimbali ya mradi ambapo Amesema baadhi ya kazi zimefikia hatua za juu za utekelezaji, huku mwenendo wa ujenzi ukiendelea kuonyesha matarajio ya kufikiwa kwa hatua muhimu za mradi katika miezi ijayo.

Mang'ombe amesema mradi huo umeendelea kuwa na manufaa kwa jamii inayouzunguka, hususan kwa kutoa ajira kwa vijana na kuongeza fursa za kiuchumi kwa wafanyabiashara wadogo wanaotoa huduma kwa wafanyakazi, wakiwemo mama ntilie na wauzaji wa vyakula.

Amesema wafanyakazi wameendelea kuthamini uwekezaji huo kutokana na fursa za ajira, malipo na uwezekano wa kuongeza uzoefu katika utekelezaji wa mradi mkubwa wa miundombinu ya michezo.

Kwa upande wake, Upendo Yusuf Charles, Site Engineer, amesema ujenzi wa uwanja huo umekuwa fursa muhimu kwa vijana kupata ajira na kuongeza ujuzi wa kitaalamu kupitia ushiriki wao katika mradi wenye viwango vya kimataifa.

Amesema mradi huo umewapa nafasi wataalamu na wafanyakazi wenye viwango tofauti vya elimu na utaalamu kushiriki katika utekelezaji wake, huku vijana wakipata fursa ya kujifunza na kujenga uzoefu unaoweza kuwasaidia katika miradi mingine mikubwa.

“Sio kila siku tunapata nafasi ya kujenga viwanja vya kiwango hiki. Kupata nafasi ya kushiriki katika mradi kama huu ni fursa kubwa kwetu vijana, kwa sababu tunapata ajira lakini pia tunaongeza ujuzi na uzoefu,” amesema.

Mhe. Senyamule amewapongeza vijana wanaoshiriki katika ujenzi huo, pamoja na Wizara, wataalamu na mkandarasi kwa kazi inayoendelea, huku akisisitiza umuhimu wa kuhakikisha mradi unakamilika kwa wakati, ubora na viwango vilivyokusudiwa.

Amesema kukamilika kwa Uwanja wa Mpira wa Miguu wa Dodoma kutakuwa hatua muhimu katika kuimarisha sekta ya michezo, kuongeza fursa za ajira na kuchochea shughuli za kiuchumi, si kwa Dodoma pekee bali kwa Watanzania kwa ujumla.

Comments

#maratotv

RAIS RUTTO AAMBATANA NA ODINGA NCHINI CHINA

Rais wa Jamhuri ya Kenya Mh William Rutto na mke wake wamewasili nchini China kuhudhuria mkutano wa wakuu wa nchi na Serikali wa Jukwaa la ushirikiano kati ya China na Afrika (FOCAC). Katika ziara hiyo ameambatana na waziri mkuu mstaafu wa nchi hiyo Raila Odinga ambaye pia anapigiwa kampeni ili aweze kushinda nafasi ya Uenyekiti wa AU.

WIZARA YA MALI ASILI YASISITIZA MATUMIZI YA SHERIA NA KANUNI KATIKA UTEKELEZAJI WA SHUGHULI ZA UHIFADHI

Na.Joyce Ndunguru, Morogoro. Naibu Katibu Mkuu Wizara ya Maliasili na Utalii anaeshughulikia Maliasili, Kamishna wa Polisi Benedict Wakulyamba asisitiza matumizi ya sheria na kanuni katika utekelezaji wa shughuli mbalimbali za uhifadhi. Kamishna Wakulyamba ameyasema hayo leo Septemba 1, 2024 wakati wa ziara ya kikazi aliyoifanya katika ofisi za Makao Makuu ya TAWA yaliyopo Mkoani Morogoro kwa lengo la kuongea na watumishi ili kuimarisha utendaji kazi pamoja na kukagua maeneo ya kazi. "Kama wahifadhi tunapaswa kufahamu sheria zote zinazosimamia masuala ya uhifadhi zilizopo katika Taasisi zetu pamoja na za Taasisi zingine za uhifadhi zilizopo ndani ya Wizara ya Maliasili na utalii" amesema Kamishna Wakulyamba. "Pamoja na kufahamu sheria na kanuni zilizopo ndani ya Wizara yetu, ni vyema kufahamu na kuzingatia sheria nyingine za Nchi ambazo zinatuzunguka ili ziweze kutusaidia katika utekelezaji wa majukumu yetu mfano sheria inayohusiana na ukusanyaji wa vielelezo kuanzia kw...

Rais Dkt. Samia Awasili China Kushiriki Mkutano wa Wakuu wa Nchi na Serikali wa Jukwaa la Ushirikiano Kati ya China na Africa FOCAC

Rais wa Jamhuri ya Muungano wa Tanzania Mhe. Dkt. Samia Suluhu Hassan akiwasili katika uwanja wa ndege wa Kimataifa wa Beijing Capital nchini China kwa ajili ya kushiriki Mkutano wa Wakuu wa nchi na Serikali wa Jukwaa la Ushirikiano kati ya China na Afrika (FOCAC) tarehe 03 Septemba, 2024.

MAKOMANDOO MIAKA 60 YA JWTZ,HAIJAWAHI KUTOKEA

Makomandoo ya jeshi la ulinzi la Wananchi Tanzania (JWTZ)wamekuwa kivutio cha aina yake kwenye kikele cha maadhimisho ya miaka 60 ya tangu kuanzishwa kwa jeshi hilo. Katika sherehe hizo ambazo zimefanyika uwanja wa Uhuru Jijini Dar es Salaam,Rais wa Jamhuri ya Muungano wa Tanzania na Amiri Jeshi Mkuu Mhe. Dkt. Samia Suluhu Hassan ameshiriki kwenye kilele cha Maadhimisho ya Miaka 60 ya Jeshi la Ulinzi la Wananchi wa Tanzania katika uwanja huo wa Uhuru Jijini Dar es Salaam, leo tarehe 1 Septemba, 2024. Rais ameonesha kujivunia na kulipongeza JWTZ kwa kufanya kazi kwa kufuata misingi ya kuanzishwa kwake huku akitumia nafasi hiyo kuwapongeza Marais waliomtangulia kwa kazi kubwa waliyofanya wakati wa uongozi wao kwa kuliongoza vema jeshi hilo.

Meli ya Mv. Serengeti yapinduka na kuzama katika Bandari ya Mwanza kusini

Meli Mv.Serengeti imepinduka na kuzama kwenye bandari ya mwanza kusini. Meli hiyo imepinduka na kuzama disemba 26 majira ya saa Saba za usiku. Tukio hilo limetokea meli hiyo ikiwa imefungwa katika gati la bandari ya mwanza kusini. Kampuni ya meli Tanzania(Tashico) imethibitisha meli ya Mv. Serengeti kupinduka na kuzama upande mmoja wa nyuma. Kwa Mujibu wa Taarifa iliyotolewa na kitengo cha Masoko na Uhusiano kwa Umma cha Kampuni hiyo inaeleza kuwa Tashico imeshirikiana na Timu mbalimbali za Wataalam kutoka Jeshi la Zimamoto na Uokoaji, Shirika la Uwakala wa Meli Tanzania(TASAC), Mamlaka ya Usimamizi wa bandari (TPA) na wadau wengine katika Juhudi za Uokoaji. Kwa Mujibu wa Taarifa hiyo,Taarifa rasmi ya chanzo cha Tatizo itatolewa Meli hiyo itakapokuwa imeinuliwa na Uchunguzi wa kubaini Tatizo utakapokuwa umefanyika. Meli ya Mv.Serengeti inadaiwa kusitisha safari zake kwenye ziwa Victoria mwaka 2016 Meli ya Mv.Serengeti imepinduka na kuzama katika...

Jenerali Jacob Mkunda Atembelea Meli Tiba ya China Aridhishwa na Huduma

Mkuu wa Majeshi ya Ulinzi Jenerali Jacob John Mkunda ametembelea meli tiba ya Jeshi la Ukombozi la Watu wa China Peace Ark ili kuona matibabu yanavyofanyika. Jenerali Mkunda amefurahishwa na namna wataalam wa tiba wa Jeshi la China walivyotoa matibabu kwa kushirikiana na wataalam wa tiba wa JWTZ . Meli tiba ya jeshi la China imekuja hapa nchini na kutia nanga kwenye bandari ya Dar Es Salaam kutoa matibabu mbalimbali kwa wananchi ikiwa ni muendelezo wa maadhimisho ya miaka 60 tangu kuanzishwa kwa JWTZ na ushirikiano wa miaka 60 baina ya JWTZ na Jeshi la Ukombozi la Watu wa China. Matibabu hayo yalianza kutolewa tarehe 18 Julai 2024 hadi tarehe 22 Julai 2024. Meli tiba hiyo itaondoka hapa nchini tarehe 23 Julai mwaka huu.

AMIRI JESHI MKUU AKAGUA GWARIDE LA MIAKA 60 YA JWTZ

Mapema leo asubuhi Rais wa Jamhuri ya Muungano wa Tanzania na Amiri Jeshi Mkuu wa Majeshi ya Ulinzi na Usalama Mhe.Dkt,Samia Suluhu Hassan akikagua Gwaride Maalumu la Maadhimisho ya Miaka 60 ya Jeshi la Wananchi wa Tanzania (JWTZ) Uwanja wa Uhuru leo September 01,2024. Rais Samia Suluhu Hassan amesisitiza kuwa jeshi la ulinzi la Wananchi Tanzania si jeshi la Uvamizi bali ni jeshi la ulinzi wa Wananchi Tanzania Amewahakikishia wanajeshi kufanya kazi kifua mbele,kuwa amiri jeshi mkuu yuko pamoja nao wakati wote.

Mbunge wa Bukoba Vijijini ameaga Sifa Kedekede Kwa Rais Samia

Na Angela Sebastian; Bukoba MBUNGE wa jimbo la Bukoba vijijini Dk. Jasson Rweikiza amemshukuru Rais wa Jamhuri ya Muungano wa Tanzania Dk Samia Suluhu Hassan kwa niaba ya wananchi wa jimbo hilo, kwa kuwapatia zaidi ya shilingi bilioni 19 kwa ajili ya ujenzi wa madaraja mawili ambayo ni lango la kutoka na kuingia ndani ya mkoa wa Kagera. Ametoa shukrani hizo wakati akiongea wananchi mbalimbali waliofika katika viwanja vya Rweikiza pre and Primary school iliyoko eneo la Kyetema Bukoba vijijini, kwa kwa ajili ya kumbukizi ya miaka 100 ya kuzaliwa baba wa mbunge huyo aliyekuwa akiitwa Samsoni Rweikiza. Rweikiza amebainisha kuwa,Dk. Samia Suluhu Hassan ni Rais mwenye upendo amekubali kutoa mabilioni ya fedha kwa ajili ya Bukoba Vijijini na ndiyo maana tunasema atakuwa kiongozi wetu kwa awamu nyingine tena,tunapaswa kila mmoja kumuunga mkono. ametaja madaraja hayo kuwa ni Karebe ambalo limetengewa kiasi cha shilingi bil.9.3 kwa ajili ya ukarabati mkubwa kutokana na daraja ...

Jenerali ameacha alama ya uzalendo na kujitoa kwa ajili ya Taifa

*📌 Serikali itaenzi na kuthamini mchango wake* *📌 Asema Jenerali Musuguri alijitolea kuhakikisha Tanzania inabaki na amani na usalama* *📌 Asema alikuwa mstari wa mbele kuliokoa Taifa* *📌 Aiasa jamii kuacha alama katika maisha ya kila siku* *📌 Dkt. Biteko aongoza mamia ya watu mazishi ya Jenerali Musuguri Butiama* Na Ofisi ya Naibu Waziri Mkuu na Waziri wa Nishati Naibu Waziri Mkuu na Waziri wa Nishati, Mhe. Dkt. Doto Biteko amesema kuwa aliyewahi kuwa Mkuu wa Majeshi ya Ulinzi, Jenerali Mstaafu David Bugozi Musuguri alijitolea kuhakikisha Tanzania inabaki kuwa na amani, usalama na mshikamano pamoja na kuifundisha jamii moyo wa dhati wa kuilinda nchi. Dkt. Biteko amesema hayo leo Novemba 4, 2024 Butiama mkoani Mara wakati akiwasilisha salamu za Serikali kwa niaba ya Rais wa Jamhuri ya Muungano wa Tanzania, Mhe. Dkt. Samia Suluhu Hassan katika mazishi ya Jenerali Mstaafu Musuguri. “ Katika uhai wa kila mmoja wetu ni jambo gani mtu atakumbukwa nalo, baba huyu a...

Majaliwa Achangisha Shilingi Milioni 900 za Ujenzi wa Kanisa Kuu Lindi

WAZIRI MKUU Kassim Majaliwa ameendesha harambee na kuchangisha sh. milioni 928.67 za ujenzi wa kanisa kuu tarajiwa la Mt. Andrea Kagwa la Jimbo Katoliki la Lindi. Kati ya fedha hizo, sh. milioni 464.3 ni fedha taslimu na nyingine kati ya hizo zimeshawekwa benki na sh. milioni 464.37 bado ni ahadi. Awamu ya kwanza ya ujenzi huo, inatarajiwa kugharimu sh. milioni 700. Akizungumza na waumini na wadau mbalimbali waliohudhuria harambee iliyofanyika Ruangwa mjini, leo mchana (Jumamosi, Julai 27, 2024), Waziri Mkuu amewataka waliotoa ahadi wazikamilishe mapema ili kazi ya ujenzi isikwame. "Ninawashukuru sana wote mliofika na wote waliochangia ujenzi wa kanisa tarajiwa. Ninawaomba walioahidi, wakamilishe ahadi zao mapema ili kazi ianze kwani ramani ipo, mafundi wapo tayari, wasimamizi wa ujenzi wapo," amesisitiza. Waziri Mkuu amesema uamuzi wa Baba Askofu wa Jimbo Katoliki la Lindi, Mhashamu Askofu Wolfgang Pisa kuanza ujenzi wa kanisa kuu la jimbo hilo, ni utekelezaji ...

MARATO TV

Search This Blog

@marato_tv