MABORESHO YA BANDARI YA DAR ES SALAAM YAVUTIA MATAIFA MENGI

MABORESHO makubwa na uwekezaji unaoendelea kufanywa katika Bandari ya Dar es Salaam yamekuwa kivutio kwa Mataifa mbalimbali ya Afrika na Ulaya kuja kuangalia na kushuhudia utendaji kazi wake na uwezekano wa kuanza kufanya kazi nao.

Serikali ya Awamu ya Sita ya Jamhuri ya Muungano wa Tanzania chini ya Jemedari Rais Dkt. Samia Suluhu Hassan kwa kipindi chake cha uongozi wa miaka mitatu, imeiboresha bandari ya Dar es Salaam kwa kuruhusu wawekezaji ambao ni DP World ambaye anasimamia gati namba 4 mpaka 7 pamoja na Adan International Ports Holding ambaye anasimamia gati namba 8 mpaka 11.

Kutokana na maboresho hayo makubwa yaliyofanywa na Serikali ya Jamhuri ya Muungano wa Tanzania, mapema mwezi Novemba Umoja wa Wafanyabiashara kutoka nchini Kongo katika miji ya Kalemie, Uvira, Bukavu na Goma walitembelea bandari ya Dar es Salaam na kujionea jinsi kazi zinavyofanyika na kuangalia maboresho yalipofikia.

Uongozi huo wa Wafanyabiashara ulipokelewa Kaimu Mkurugenzi Mkuu, Dkt. Lufunyo Hussein ambaye aliwashukuru wafanyabiashara hao kwa kutembelea na kuendelea kutumia bandari za Dar es Salaam, Tanga na Kigoma.

Lufunyo aliwahakikishia Usalama wa mizigo yao kwa kusema wamefunga kamera zaidi ya 400, ambazo zinafanya kazi usiku na mchana na muda wote wa masaa 24 pamoja na wataalamu wanaozisimamia.

Hata hivyo, Serikali za nchi hizi Mwezi Juni mwaka huu zimesaini mkataba wa uendelezaji wa Bandari kavu za Kwala na Katosho za nchini Tanzania, na bandari kavu za Kasambondo na Kalemie za huko nchini Kongo kwani takwimu zinaonyesha nchi ya Kongo inaongoza kwa kupitisha kiasi kikubwa cha shehena kupitia bandari ya Dar es Salaam ambapo katika mwaka 2022/2023 tani Milioni 3.5 za shehena zilipitishwa.

Taarifa iliyotolewa na TPA imesema soko kubwa la bandari ya Dar es Salaam lipo nchini Kongo kwani hupitisha bidhaa mbalimbali hasa za madini na wao hupokea bidhaa wa kadha wa kadha za viwandani kutoka katika nchi za Asia na Ulaya ambazo zinapitia bandari ya Dar es Salaam.

Mapema mwezi wa tisa mwaka huu, uongozi wa TPA ulikutana na Uongozi wa Shirika la meli la COSCO kutoka nchini China, ambapo walijadiliana masuala mbalimbali pamoja na kuimarisha ushirikiano kati ya COSCO na TPA.

Uongozi wa COSCO uliuhakikishia uongozi wa TPA kuleta meli na wateja ili waweze kutumia bandari ya Dar es Salaam kwani wamekiri kuridhishwa na utendaji kazi wake.

Jumuiya ya Umoja wa Ulaya (EU) nayo haikuwa nyuma katika kutembelea bandari ya Tanga, na kuipongeza Serikali ya Tanzania kwa uwekezaji mkubwa katika miradi mbalimbali na maboresho ya bandari yenye lengo la kuongeza ufanisi na kuwezesha biashara kufanyika kwa urahisi.

Pia, TPA ilitembelewa na Balozi wa Uholanzi nchini Wiebe De Boer pamoja na ujumbe wake walitembelea bandari ya Dar es Salaam, ambapo pamoja na mambo mengine aliipongeza Serikali ya Jamhuri ya muungano wa Tanzania kwa kuendelea kuweka mazingira mazuri ya biashara.

“Nimefurahi kuona meli za bidhaa mbalimbali zinahudumiwa katika bandari ya Dar es Salaam na makasha yanashushwa katika muda mfupi na kwa haraka zaidi” alisema De Boer.

Licha ya TPA kutembelewa na Serikali za nchi za nje pia ilitembelewa na Kampuni ya kutengeneza magari ya Volkswagen ya nchini Ujerumani imeonesha nia ya kuitumia bandari ya Dar es Salaam kwa ajili ya kusafirisha magari na vipuri kwa wateja wa nchi za Afrika Mashariki na Kati.

Walitoa ahadi hiyo Septemba mwaka huu mara baada ya kutembelea bandari hiyo na kuikagua ndipo wakaridhishwa na kusema inakidhi vigezo vya kimataifa na kuahidi kuitumia kwa ajili ya biashara hiyo.

Akiongea baada ya kutembelea eneo la kuhifadhia magari yanayowasili bandarini hapo kutoka nje ya nchi, Rais wa kampuni hiyo Martina Biene kwa nchi za Afrika ambaye pia ni Rais wa Chama cha Watengeneza magari Afrika (AAAM) amesema kuwa wameamua kuitembelea bandari ya Dar es Salaam na kuangalia namna inavyofanya kazi na uwekezaji uliofanyika ili kufanya kazi pamoja.

“Kupitia maboresho haya, Bandari ya Dar es Salaam ina mchango mkubwa sana katika ukuaji wa nchi katika bara la Afrika kwa sababu imekuwa ni kitovu cha biashara katika nchi nyingi katika bara hili,” alisema Biene.

Biene anasema, wakiwa ni wazalishaji wa magari na vipuri katika nchi mbalimbali duniani ikiwemo bara la Afrika, wanaiona Bandari, hii ni kama kichocheo kikubwa cha biashara barani Afrika.

Katika mnyororo wa biashara ni lazima na inashauriwa sana kufanya utafiti katika njia zote ambazo biashara hiyo itapita ili kuweza kukabiliana na changamoto mbalimbali ambazo zinaweza kujitokeza au kuwa kikwazo cha biashara husika.

Inasemekana watu wengi au makampuni mengi wanashindwa kuendelea au kusimamia biashara na hupelekea kuzifunga mara tu wanapoanza biashara hizo na sababu kubwa inayopelekea kufunga biashara zao mapema ni kwa sababu hawakufanya utafiti wa kutosha kuhusu biashara husika.

Serikali ya Jamhuri ya Muungano wa Tanzania ikafanya utafiti wa kutosha na kuja na mapendekezo ya nini kifanyike ili bandari zetu ziwe na tija zaidi na ziweze kushindana na bandari za majirani zetu.

Ndipo wakaja na mapendekezo kadhaa ambayo miongoni mwa hayo ni kukubali maombi ya uwekezaji katika bandari zetu hususani bandari ya Dar es Salaam, kuongeza kina cha maji katika bandari hiyo na kuongeza vifaa vya kushushia mizigo na kupakia, kuongeza kamera za ulinzi na kufungua ofisi za Bandari katika nchi za Malawi na Zimbabwe ikiwa na lengo la kuvutia zaidi wafanyabiashara waje watumie bandari ya Dar es Salaam.

Ili kuongeza ushindani wa kibiashara katika soko la Bandari za Tanzania, Serikali imeendelea kuwekeza katika ujenzi wa miundombinu yake yote kwa bandari za Dar es Salaam, Tanga, Mtwara, na Mbambabay katika Ziwa Nyasa mkoani Ruvuma na bandari za mkoani Kigoma.

Uimarishaji wa Bandari ya Tanga utasaidia katika kusafirisha mizigo yote ya kanda ya Kaskazini, na hii ni kwa mikoa ya Tanga, Arusha na Manyara, lakini pia itaweza kuhudumia mikoa ya Mara na Mwanza.

Bidhaa zote za kutoka na kuingia ughaibuni zinaweza kufika kwenye mikoa hiyo bila ya kuchelesha.

Kukamilika kwa maboresho ya bandari ya Mtwara itasaidia sana kwa soko la Kusini mwa Tanzania na hii ni kwa mikoa ya Lindi, Mtwara, Ruvuma, lakini pia kupeleka huduma mpaka kwenye mikoa ya Njombe Mbeya na Songwe.

Aidha, bandari hiyo itasaidia kusafirisha shehena za mazao kutoka kwenye mikoa hiyo na kwenda nchi za ughaibuni.

Faida ya uwekezaji huu inaenda kwa wadau mbalimbali kama vile wakulima wa mazao ya korosho, mtama, mbaazi na ufuta, lakini pia wafanyabiashara wa mazao hayo wataneemeka kwa sababu watapata masoko mapya ya mazao yao na Serikali yenyewe kwani wanapata mapato kupitia kodi (import duties).

Mazao makubwa ya biashara yanayozalishwa kwenye mikoa hiyo ni pamoja na korosho, ufuta na mbaazi, ambayo kwa kiasi kikubwa huuzwa nchi za Uarabuni, hivyo bandari hiyo itakuwa na tija sana kwa wakulima, wafanyabiashara pamoja na Serikali kwa ujumla.

Uboreshwaji wa hizi bandari utaendelea kuifungua nchi yetu Kitaifa na Kimataifa kwa kiasi kikubwa kwani bandari ya ziwa Nyasa itatuunganisha vizuri sana na nchi ya Malawi, itawezesha wafanyaiashara wa kitanzania kwenda kuuza bidhaa zao Malawi pia kuleta bidhaa kutoka Malawi kwa ajili ya soko la Tanzania.

Vivyo hivyo, bandari za ziwa Tanganyika zitafungua nchi hasa kwa kuuza mazao ya Tanzania kama vile mahindi, mpunga na maharage kwa nchi za Jamhuri ya Kidemokrasia ya Kongo (DRC) pamoja na Rwana na Burundi.

Taarifa iliyotolewa na Mkurugenzi Mkuu wa Mamlaka hiyo Plasduce Mbossa ilisema kuwa asilimia 95 ya shehena zote zinazoingia nchini hupitia kwenye bandari ya Dar es Salaam.

Akizungumzia kuhusu bandari ya Dar es Salaam amesema, mpaka sasa TPA inaendelea na ujenzi wa magati mapya kumi na wapo kwenye mpango wa kujenga magati mengine mapya mawili hivyo kufanya kuwa na magati kumi na mawili katika bandari ya Dar es Salaam, kwa kiasi kikubwa itachochea uchumi wa nchi.

“Kuongezeka kwa gati hizo kutachochea ongezeko la wateja wa ndani ya nchi sambamba na nchi jirani zinazotutuzunguka ikiwemo Uganda, Rwanda, Burundi, Jamhuri ya Kidemokrasia ya Kongo, Zambia na Malawi,” anasema Mbossa.

Katika kukuza mashirikiano na nchi za jirani na kuendelea kuzishawishi ziweze kuendelea kutumia bandari ya Dar es Salaam, Mbosa anasema tayari wamekwishafungua Ofisi za TPA katika nchi za Malawi na Zambia, kwa lengo la kuwafikia wateja moja kwa moja, nchi hizo hutegemea bandari ya Dar es Salaam kwa kuingiza mizigo yao kutoka nchi za nje.

“Ujenzi wa haya magati pamoja na ufunguzi wa ofisi zetu katika nchi tajwa utasaidia sana kupunguza foleni kwa wateja lakini pia kuongeza idadi ya wateja’’ aliongeza Mbossa.

Hapo awali meli ikishafika katika eneo la Bandari ya Dar es Salaam ilikua inachukua siku 30 mpaka kushusha shehena hiyo, lakini kwa sasa inachukua siku nne mpaka tano tu.

Pamoja na maboresho hayo Mbossa anasema kwa sasa bandari ya Dar es Salaam hupakua makontena laki moja kwa mwezi kutoka makontena elfu sabini hapo awali, na ongezeko la ujenzi wa hizo gati utapelekea kushusha idadi kubwa zaidi ya makontena kwa mwezi.

Licha ya maboresho yanayofanywa na TPA, Mbossa anasema kuwa wanaendelea kuboresho mfumo wa malipo wa kidigiti ambao utamuwezesha mteja kufanya malipo popote pale alipo.

Kwa upande wa kuchangia pato la Taifa Mbossa amesema TPA inachangia zaidi ya asilimia 7.3 kwa mwaka, lakini lengo ni kuhakikisha sektra hiyo inachangia asilimia 15 ya pato la Taifa.

Comments

#maratotv

RAIS RUTTO AAMBATANA NA ODINGA NCHINI CHINA

Rais wa Jamhuri ya Kenya Mh William Rutto na mke wake wamewasili nchini China kuhudhuria mkutano wa wakuu wa nchi na Serikali wa Jukwaa la ushirikiano kati ya China na Afrika (FOCAC). Katika ziara hiyo ameambatana na waziri mkuu mstaafu wa nchi hiyo Raila Odinga ambaye pia anapigiwa kampeni ili aweze kushinda nafasi ya Uenyekiti wa AU.

WIZARA YA MALI ASILI YASISITIZA MATUMIZI YA SHERIA NA KANUNI KATIKA UTEKELEZAJI WA SHUGHULI ZA UHIFADHI

Na.Joyce Ndunguru, Morogoro. Naibu Katibu Mkuu Wizara ya Maliasili na Utalii anaeshughulikia Maliasili, Kamishna wa Polisi Benedict Wakulyamba asisitiza matumizi ya sheria na kanuni katika utekelezaji wa shughuli mbalimbali za uhifadhi. Kamishna Wakulyamba ameyasema hayo leo Septemba 1, 2024 wakati wa ziara ya kikazi aliyoifanya katika ofisi za Makao Makuu ya TAWA yaliyopo Mkoani Morogoro kwa lengo la kuongea na watumishi ili kuimarisha utendaji kazi pamoja na kukagua maeneo ya kazi. "Kama wahifadhi tunapaswa kufahamu sheria zote zinazosimamia masuala ya uhifadhi zilizopo katika Taasisi zetu pamoja na za Taasisi zingine za uhifadhi zilizopo ndani ya Wizara ya Maliasili na utalii" amesema Kamishna Wakulyamba. "Pamoja na kufahamu sheria na kanuni zilizopo ndani ya Wizara yetu, ni vyema kufahamu na kuzingatia sheria nyingine za Nchi ambazo zinatuzunguka ili ziweze kutusaidia katika utekelezaji wa majukumu yetu mfano sheria inayohusiana na ukusanyaji wa vielelezo kuanzia kw...

Rais Dkt. Samia Awasili China Kushiriki Mkutano wa Wakuu wa Nchi na Serikali wa Jukwaa la Ushirikiano Kati ya China na Africa FOCAC

Rais wa Jamhuri ya Muungano wa Tanzania Mhe. Dkt. Samia Suluhu Hassan akiwasili katika uwanja wa ndege wa Kimataifa wa Beijing Capital nchini China kwa ajili ya kushiriki Mkutano wa Wakuu wa nchi na Serikali wa Jukwaa la Ushirikiano kati ya China na Afrika (FOCAC) tarehe 03 Septemba, 2024.

MAKOMANDOO MIAKA 60 YA JWTZ,HAIJAWAHI KUTOKEA

Makomandoo ya jeshi la ulinzi la Wananchi Tanzania (JWTZ)wamekuwa kivutio cha aina yake kwenye kikele cha maadhimisho ya miaka 60 ya tangu kuanzishwa kwa jeshi hilo. Katika sherehe hizo ambazo zimefanyika uwanja wa Uhuru Jijini Dar es Salaam,Rais wa Jamhuri ya Muungano wa Tanzania na Amiri Jeshi Mkuu Mhe. Dkt. Samia Suluhu Hassan ameshiriki kwenye kilele cha Maadhimisho ya Miaka 60 ya Jeshi la Ulinzi la Wananchi wa Tanzania katika uwanja huo wa Uhuru Jijini Dar es Salaam, leo tarehe 1 Septemba, 2024. Rais ameonesha kujivunia na kulipongeza JWTZ kwa kufanya kazi kwa kufuata misingi ya kuanzishwa kwake huku akitumia nafasi hiyo kuwapongeza Marais waliomtangulia kwa kazi kubwa waliyofanya wakati wa uongozi wao kwa kuliongoza vema jeshi hilo.

Meli ya Mv. Serengeti yapinduka na kuzama katika Bandari ya Mwanza kusini

Meli Mv.Serengeti imepinduka na kuzama kwenye bandari ya mwanza kusini. Meli hiyo imepinduka na kuzama disemba 26 majira ya saa Saba za usiku. Tukio hilo limetokea meli hiyo ikiwa imefungwa katika gati la bandari ya mwanza kusini. Kampuni ya meli Tanzania(Tashico) imethibitisha meli ya Mv. Serengeti kupinduka na kuzama upande mmoja wa nyuma. Kwa Mujibu wa Taarifa iliyotolewa na kitengo cha Masoko na Uhusiano kwa Umma cha Kampuni hiyo inaeleza kuwa Tashico imeshirikiana na Timu mbalimbali za Wataalam kutoka Jeshi la Zimamoto na Uokoaji, Shirika la Uwakala wa Meli Tanzania(TASAC), Mamlaka ya Usimamizi wa bandari (TPA) na wadau wengine katika Juhudi za Uokoaji. Kwa Mujibu wa Taarifa hiyo,Taarifa rasmi ya chanzo cha Tatizo itatolewa Meli hiyo itakapokuwa imeinuliwa na Uchunguzi wa kubaini Tatizo utakapokuwa umefanyika. Meli ya Mv.Serengeti inadaiwa kusitisha safari zake kwenye ziwa Victoria mwaka 2016 Meli ya Mv.Serengeti imepinduka na kuzama katika...

Jenerali Jacob Mkunda Atembelea Meli Tiba ya China Aridhishwa na Huduma

Mkuu wa Majeshi ya Ulinzi Jenerali Jacob John Mkunda ametembelea meli tiba ya Jeshi la Ukombozi la Watu wa China Peace Ark ili kuona matibabu yanavyofanyika. Jenerali Mkunda amefurahishwa na namna wataalam wa tiba wa Jeshi la China walivyotoa matibabu kwa kushirikiana na wataalam wa tiba wa JWTZ . Meli tiba ya jeshi la China imekuja hapa nchini na kutia nanga kwenye bandari ya Dar Es Salaam kutoa matibabu mbalimbali kwa wananchi ikiwa ni muendelezo wa maadhimisho ya miaka 60 tangu kuanzishwa kwa JWTZ na ushirikiano wa miaka 60 baina ya JWTZ na Jeshi la Ukombozi la Watu wa China. Matibabu hayo yalianza kutolewa tarehe 18 Julai 2024 hadi tarehe 22 Julai 2024. Meli tiba hiyo itaondoka hapa nchini tarehe 23 Julai mwaka huu.

AMIRI JESHI MKUU AKAGUA GWARIDE LA MIAKA 60 YA JWTZ

Mapema leo asubuhi Rais wa Jamhuri ya Muungano wa Tanzania na Amiri Jeshi Mkuu wa Majeshi ya Ulinzi na Usalama Mhe.Dkt,Samia Suluhu Hassan akikagua Gwaride Maalumu la Maadhimisho ya Miaka 60 ya Jeshi la Wananchi wa Tanzania (JWTZ) Uwanja wa Uhuru leo September 01,2024. Rais Samia Suluhu Hassan amesisitiza kuwa jeshi la ulinzi la Wananchi Tanzania si jeshi la Uvamizi bali ni jeshi la ulinzi wa Wananchi Tanzania Amewahakikishia wanajeshi kufanya kazi kifua mbele,kuwa amiri jeshi mkuu yuko pamoja nao wakati wote.

Mbunge wa Bukoba Vijijini ameaga Sifa Kedekede Kwa Rais Samia

Na Angela Sebastian; Bukoba MBUNGE wa jimbo la Bukoba vijijini Dk. Jasson Rweikiza amemshukuru Rais wa Jamhuri ya Muungano wa Tanzania Dk Samia Suluhu Hassan kwa niaba ya wananchi wa jimbo hilo, kwa kuwapatia zaidi ya shilingi bilioni 19 kwa ajili ya ujenzi wa madaraja mawili ambayo ni lango la kutoka na kuingia ndani ya mkoa wa Kagera. Ametoa shukrani hizo wakati akiongea wananchi mbalimbali waliofika katika viwanja vya Rweikiza pre and Primary school iliyoko eneo la Kyetema Bukoba vijijini, kwa kwa ajili ya kumbukizi ya miaka 100 ya kuzaliwa baba wa mbunge huyo aliyekuwa akiitwa Samsoni Rweikiza. Rweikiza amebainisha kuwa,Dk. Samia Suluhu Hassan ni Rais mwenye upendo amekubali kutoa mabilioni ya fedha kwa ajili ya Bukoba Vijijini na ndiyo maana tunasema atakuwa kiongozi wetu kwa awamu nyingine tena,tunapaswa kila mmoja kumuunga mkono. ametaja madaraja hayo kuwa ni Karebe ambalo limetengewa kiasi cha shilingi bil.9.3 kwa ajili ya ukarabati mkubwa kutokana na daraja ...

Jenerali ameacha alama ya uzalendo na kujitoa kwa ajili ya Taifa

*📌 Serikali itaenzi na kuthamini mchango wake* *📌 Asema Jenerali Musuguri alijitolea kuhakikisha Tanzania inabaki na amani na usalama* *📌 Asema alikuwa mstari wa mbele kuliokoa Taifa* *📌 Aiasa jamii kuacha alama katika maisha ya kila siku* *📌 Dkt. Biteko aongoza mamia ya watu mazishi ya Jenerali Musuguri Butiama* Na Ofisi ya Naibu Waziri Mkuu na Waziri wa Nishati Naibu Waziri Mkuu na Waziri wa Nishati, Mhe. Dkt. Doto Biteko amesema kuwa aliyewahi kuwa Mkuu wa Majeshi ya Ulinzi, Jenerali Mstaafu David Bugozi Musuguri alijitolea kuhakikisha Tanzania inabaki kuwa na amani, usalama na mshikamano pamoja na kuifundisha jamii moyo wa dhati wa kuilinda nchi. Dkt. Biteko amesema hayo leo Novemba 4, 2024 Butiama mkoani Mara wakati akiwasilisha salamu za Serikali kwa niaba ya Rais wa Jamhuri ya Muungano wa Tanzania, Mhe. Dkt. Samia Suluhu Hassan katika mazishi ya Jenerali Mstaafu Musuguri. “ Katika uhai wa kila mmoja wetu ni jambo gani mtu atakumbukwa nalo, baba huyu a...

Majaliwa Achangisha Shilingi Milioni 900 za Ujenzi wa Kanisa Kuu Lindi

WAZIRI MKUU Kassim Majaliwa ameendesha harambee na kuchangisha sh. milioni 928.67 za ujenzi wa kanisa kuu tarajiwa la Mt. Andrea Kagwa la Jimbo Katoliki la Lindi. Kati ya fedha hizo, sh. milioni 464.3 ni fedha taslimu na nyingine kati ya hizo zimeshawekwa benki na sh. milioni 464.37 bado ni ahadi. Awamu ya kwanza ya ujenzi huo, inatarajiwa kugharimu sh. milioni 700. Akizungumza na waumini na wadau mbalimbali waliohudhuria harambee iliyofanyika Ruangwa mjini, leo mchana (Jumamosi, Julai 27, 2024), Waziri Mkuu amewataka waliotoa ahadi wazikamilishe mapema ili kazi ya ujenzi isikwame. "Ninawashukuru sana wote mliofika na wote waliochangia ujenzi wa kanisa tarajiwa. Ninawaomba walioahidi, wakamilishe ahadi zao mapema ili kazi ianze kwani ramani ipo, mafundi wapo tayari, wasimamizi wa ujenzi wapo," amesisitiza. Waziri Mkuu amesema uamuzi wa Baba Askofu wa Jimbo Katoliki la Lindi, Mhashamu Askofu Wolfgang Pisa kuanza ujenzi wa kanisa kuu la jimbo hilo, ni utekelezaji ...

MARATO TV

Search This Blog

@marato_tv