KAMBARAGE WASIRA AIKABIDHI BUNDA KOMPYUTA 10 ILI KUONGEZA UJUZI WA TEHAMA SHULENI

Mbunge wa Bunge la Afrika Mashariki, Mhe.Kambarage Masato Wasira, ametoa Kompyuta 10 za Kisasa kwa ajili ya kusaidia kuboresha mazingira ya kujifunzia na kuongeza matumizi ya teknolojia katika shule zilizopo katika Kata 10 za Halmashauri ya Mji wa Bunda.

Kompyuta hizo zimekabidhiwa kwa uongozi wa Halmashauri ya Mji wa Bunda kupitia mwakilishi wa Mbunge huyo, Elly Mwabe, ambaye ameeleza kuwa msaada huo ni sehemu ya mpango wa Mhe.Wasira wa kuendelea kushirikiana na jamii katika kuboresha elimu, hususan katika Mkoa wa Mara.

Akizungumza wakati wa makabidhiano hayo, Mkuu wa Wilaya ya Bunda Mhe.Aswege Kaminyoge amesema kompyuta hizo zitakabidhiwa kwa Halmashauri ya Mji wa Bunda ili wataalamu na viongozi wa halmashauri wabaini maeneo yenye uhitaji mkubwa na kuzisambaza kwa shule husika.

Amesema dunia ya sasa inahitaji wanafunzi kuwa na uelewa wa teknolojia, hivyo upatikanaji wa kompyuta mashuleni ni muhimu katika kuwaandaa wanafunzi kukabiliana na mahitaji ya elimu ya kisasa.

“Watoto wetu walioko mashuleni wanahitaji kompyuta bila kompyuta hawaendi sambamba na dunia ya sasa. Ninaamini vifaa hivi vitakuwa chachu ya kuongeza kiwango cha ufaulu katika Halmashauri ya Mji wa Bunda,” amesema Kaminyoge.

Mkuu huyo wa Wilaya pia amewataka wadau mbalimbali kuendelea kushirikiana na Serikali katika kuimarisha elimu, akisema milango iko wazi kwa mtu au taasisi yoyote yenye nia ya kuchangia maendeleo ya wananchi wa Bunda.

Amesisitiza kuwa vifaa hivyo vinapaswa kutunzwa na kutumika kwa malengo yaliyokusudiwa ili wananchi waweze kuona matokeo ya uwekezaji huo katika sekta ya elimu ambapo amemwekekeza Mkurugenzi wa Mji wa Bunda kuhakikisha vifaa hivyo vinawafikia walengwa.

Kwa upande wake, Mwakilishi wa Mbunge wa Afrika Mashariki, Elly Mwabe, amesema Mhe.Wasira alishindwa kuhudhuria hafla hiyo kutokana na kuwa katika ziara ya kikazi ya Kamati ya Bunge la Afrika Mashariki Mjini Mogadishu, Somalia, lakini alitoa maelekezo ya kuwakilishwa na kukabidhi kompyuta hizo kwa Halmashauri ya Mji wa Bunda.

Mwabe amesema mpango huo hautakuwa wa mara moja, bali Mhe.Wasira amedhamiria kuendelea kusaidia shule katika Halmashauri za Mkoa wa Mara kadiri atakavyokuwa na uwezo.

“Amesema mpango huu utakuwa endelevu. Kadiri atakavyokuwa akipata fedha, ataendelea na mpango huu ndani ya halmashauri zote za Mkoa wa Mara,” amesema Mwabe.

Naye Katibu wa CCM Wilaya ya Bunda Ndg.Gasper Petro Charles ameipongeza hatua hiyo na kusema Chama Cha Mapinduzi kimeupokea msaada huo kwa mikono miwili, huku akimfikishia Mhe.Wasira salamu za shukrani na kumtaka asiishie hapo kutokana na mahitaji makubwa yaliyopo katika shule.

Gasper amesema Serikali imeendelea kujenga shule na madarasa kwa kasi, jambo ambalo limeongeza umuhimu wa upatikanaji wa vifaa vya TEHAMA ili wanafunzi waweze kupata elimu inayoendana na wakati.

Amesema wadau mbalimbali wanaendelea kujitokeza kuunga mkono juhudi hizo, akitolea mfano wa misaada mingine iliyotolewa katika Halmashauri ya Mji wa Bunda, ikiwemo mashine za photocopy zilizotolewa kwa shule.

“Mahitaji bado ni makubwa. Tunamwomba Mhe.Mbunge wa Afrika Mashariki aendelee kutusaidia na asisite, kwa sababu mchango wake una umuhimu mkubwa katika kuboresha elimu,” amesema Gasper.

Kwa upande wake, Mwenyekiti wa Halmashauri ya Mji wa Bunda Mhe.Minza Shani, amemshukuru Mhe.Wasira kwa kuamua kuanza na sekta ya elimu, akisema elimu ni msingi muhimu wa maendeleo ya jamii.

Shani amesema Halmashauri ya Mji wa Bunda ina changamoto mbalimbali katika sekta na idara zake, lakini hatua ya kuwekeza katika elimu ni muhimu kutokana na nafasi yake katika kuandaa kizazi cha sasa na kijacho.

Ameahidi kuwa kompyuta hizo zitasambazwa katika Kata zote 10 kwa kuzingatia maeneo yenye uhitaji mkubwa, bila upendeleo, huku wawakilishi wa wananchi wakishirikishwa katika kubaini shule zitakazonufaika.

Amesema halmashauri itahakikisha vifaa hivyo vinatumika kwa malengo yaliyokusudiwa na vinatunzwa ili viweze kuwahudumia wanafunzi kwa muda mrefu.

Msaada huo unatajwa kuwa sehemu ya juhudi za wadau mbalimbali kushirikiana na Serikali katika kukabiliana na changamoto za vifaa vya TEHAMA mashuleni na kuwawezesha wanafunzi wa Bunda kupata maarifa ya teknolojia yanayohitajika katika elimu ya kisasa.

Viongozi hao wameeleza kuwa matumizi ya kompyuta yanaweza pia kuwasaidia walimu katika maandalizi ya mitihani na kazi mbalimbali za kitaaluma, huku wanafunzi wakipata fursa ya kuzoea matumizi ya teknolojia mapema.

Hatua hiyo imeelezwa kuwa ni chachu ya kuimarisha elimu katika Halmashauri ya Mji wa Bunda, huku wadau wengine wakihimizwa kuendelea kujitokeza kusaidia katika maeneo yenye uhitaji.

Comments

#maratotv

RAIS RUTTO AAMBATANA NA ODINGA NCHINI CHINA

Rais wa Jamhuri ya Kenya Mh William Rutto na mke wake wamewasili nchini China kuhudhuria mkutano wa wakuu wa nchi na Serikali wa Jukwaa la ushirikiano kati ya China na Afrika (FOCAC). Katika ziara hiyo ameambatana na waziri mkuu mstaafu wa nchi hiyo Raila Odinga ambaye pia anapigiwa kampeni ili aweze kushinda nafasi ya Uenyekiti wa AU.

WIZARA YA MALI ASILI YASISITIZA MATUMIZI YA SHERIA NA KANUNI KATIKA UTEKELEZAJI WA SHUGHULI ZA UHIFADHI

Na.Joyce Ndunguru, Morogoro. Naibu Katibu Mkuu Wizara ya Maliasili na Utalii anaeshughulikia Maliasili, Kamishna wa Polisi Benedict Wakulyamba asisitiza matumizi ya sheria na kanuni katika utekelezaji wa shughuli mbalimbali za uhifadhi. Kamishna Wakulyamba ameyasema hayo leo Septemba 1, 2024 wakati wa ziara ya kikazi aliyoifanya katika ofisi za Makao Makuu ya TAWA yaliyopo Mkoani Morogoro kwa lengo la kuongea na watumishi ili kuimarisha utendaji kazi pamoja na kukagua maeneo ya kazi. "Kama wahifadhi tunapaswa kufahamu sheria zote zinazosimamia masuala ya uhifadhi zilizopo katika Taasisi zetu pamoja na za Taasisi zingine za uhifadhi zilizopo ndani ya Wizara ya Maliasili na utalii" amesema Kamishna Wakulyamba. "Pamoja na kufahamu sheria na kanuni zilizopo ndani ya Wizara yetu, ni vyema kufahamu na kuzingatia sheria nyingine za Nchi ambazo zinatuzunguka ili ziweze kutusaidia katika utekelezaji wa majukumu yetu mfano sheria inayohusiana na ukusanyaji wa vielelezo kuanzia kw...

Rais Dkt. Samia Awasili China Kushiriki Mkutano wa Wakuu wa Nchi na Serikali wa Jukwaa la Ushirikiano Kati ya China na Africa FOCAC

Rais wa Jamhuri ya Muungano wa Tanzania Mhe. Dkt. Samia Suluhu Hassan akiwasili katika uwanja wa ndege wa Kimataifa wa Beijing Capital nchini China kwa ajili ya kushiriki Mkutano wa Wakuu wa nchi na Serikali wa Jukwaa la Ushirikiano kati ya China na Afrika (FOCAC) tarehe 03 Septemba, 2024.

MAKOMANDOO MIAKA 60 YA JWTZ,HAIJAWAHI KUTOKEA

Makomandoo ya jeshi la ulinzi la Wananchi Tanzania (JWTZ)wamekuwa kivutio cha aina yake kwenye kikele cha maadhimisho ya miaka 60 ya tangu kuanzishwa kwa jeshi hilo. Katika sherehe hizo ambazo zimefanyika uwanja wa Uhuru Jijini Dar es Salaam,Rais wa Jamhuri ya Muungano wa Tanzania na Amiri Jeshi Mkuu Mhe. Dkt. Samia Suluhu Hassan ameshiriki kwenye kilele cha Maadhimisho ya Miaka 60 ya Jeshi la Ulinzi la Wananchi wa Tanzania katika uwanja huo wa Uhuru Jijini Dar es Salaam, leo tarehe 1 Septemba, 2024. Rais ameonesha kujivunia na kulipongeza JWTZ kwa kufanya kazi kwa kufuata misingi ya kuanzishwa kwake huku akitumia nafasi hiyo kuwapongeza Marais waliomtangulia kwa kazi kubwa waliyofanya wakati wa uongozi wao kwa kuliongoza vema jeshi hilo.

Meli ya Mv. Serengeti yapinduka na kuzama katika Bandari ya Mwanza kusini

Meli Mv.Serengeti imepinduka na kuzama kwenye bandari ya mwanza kusini. Meli hiyo imepinduka na kuzama disemba 26 majira ya saa Saba za usiku. Tukio hilo limetokea meli hiyo ikiwa imefungwa katika gati la bandari ya mwanza kusini. Kampuni ya meli Tanzania(Tashico) imethibitisha meli ya Mv. Serengeti kupinduka na kuzama upande mmoja wa nyuma. Kwa Mujibu wa Taarifa iliyotolewa na kitengo cha Masoko na Uhusiano kwa Umma cha Kampuni hiyo inaeleza kuwa Tashico imeshirikiana na Timu mbalimbali za Wataalam kutoka Jeshi la Zimamoto na Uokoaji, Shirika la Uwakala wa Meli Tanzania(TASAC), Mamlaka ya Usimamizi wa bandari (TPA) na wadau wengine katika Juhudi za Uokoaji. Kwa Mujibu wa Taarifa hiyo,Taarifa rasmi ya chanzo cha Tatizo itatolewa Meli hiyo itakapokuwa imeinuliwa na Uchunguzi wa kubaini Tatizo utakapokuwa umefanyika. Meli ya Mv.Serengeti inadaiwa kusitisha safari zake kwenye ziwa Victoria mwaka 2016 Meli ya Mv.Serengeti imepinduka na kuzama katika...

Jenerali Jacob Mkunda Atembelea Meli Tiba ya China Aridhishwa na Huduma

Mkuu wa Majeshi ya Ulinzi Jenerali Jacob John Mkunda ametembelea meli tiba ya Jeshi la Ukombozi la Watu wa China Peace Ark ili kuona matibabu yanavyofanyika. Jenerali Mkunda amefurahishwa na namna wataalam wa tiba wa Jeshi la China walivyotoa matibabu kwa kushirikiana na wataalam wa tiba wa JWTZ . Meli tiba ya jeshi la China imekuja hapa nchini na kutia nanga kwenye bandari ya Dar Es Salaam kutoa matibabu mbalimbali kwa wananchi ikiwa ni muendelezo wa maadhimisho ya miaka 60 tangu kuanzishwa kwa JWTZ na ushirikiano wa miaka 60 baina ya JWTZ na Jeshi la Ukombozi la Watu wa China. Matibabu hayo yalianza kutolewa tarehe 18 Julai 2024 hadi tarehe 22 Julai 2024. Meli tiba hiyo itaondoka hapa nchini tarehe 23 Julai mwaka huu.

AMIRI JESHI MKUU AKAGUA GWARIDE LA MIAKA 60 YA JWTZ

Mapema leo asubuhi Rais wa Jamhuri ya Muungano wa Tanzania na Amiri Jeshi Mkuu wa Majeshi ya Ulinzi na Usalama Mhe.Dkt,Samia Suluhu Hassan akikagua Gwaride Maalumu la Maadhimisho ya Miaka 60 ya Jeshi la Wananchi wa Tanzania (JWTZ) Uwanja wa Uhuru leo September 01,2024. Rais Samia Suluhu Hassan amesisitiza kuwa jeshi la ulinzi la Wananchi Tanzania si jeshi la Uvamizi bali ni jeshi la ulinzi wa Wananchi Tanzania Amewahakikishia wanajeshi kufanya kazi kifua mbele,kuwa amiri jeshi mkuu yuko pamoja nao wakati wote.

Mbunge wa Bukoba Vijijini ameaga Sifa Kedekede Kwa Rais Samia

Na Angela Sebastian; Bukoba MBUNGE wa jimbo la Bukoba vijijini Dk. Jasson Rweikiza amemshukuru Rais wa Jamhuri ya Muungano wa Tanzania Dk Samia Suluhu Hassan kwa niaba ya wananchi wa jimbo hilo, kwa kuwapatia zaidi ya shilingi bilioni 19 kwa ajili ya ujenzi wa madaraja mawili ambayo ni lango la kutoka na kuingia ndani ya mkoa wa Kagera. Ametoa shukrani hizo wakati akiongea wananchi mbalimbali waliofika katika viwanja vya Rweikiza pre and Primary school iliyoko eneo la Kyetema Bukoba vijijini, kwa kwa ajili ya kumbukizi ya miaka 100 ya kuzaliwa baba wa mbunge huyo aliyekuwa akiitwa Samsoni Rweikiza. Rweikiza amebainisha kuwa,Dk. Samia Suluhu Hassan ni Rais mwenye upendo amekubali kutoa mabilioni ya fedha kwa ajili ya Bukoba Vijijini na ndiyo maana tunasema atakuwa kiongozi wetu kwa awamu nyingine tena,tunapaswa kila mmoja kumuunga mkono. ametaja madaraja hayo kuwa ni Karebe ambalo limetengewa kiasi cha shilingi bil.9.3 kwa ajili ya ukarabati mkubwa kutokana na daraja ...

Jenerali ameacha alama ya uzalendo na kujitoa kwa ajili ya Taifa

*📌 Serikali itaenzi na kuthamini mchango wake* *📌 Asema Jenerali Musuguri alijitolea kuhakikisha Tanzania inabaki na amani na usalama* *📌 Asema alikuwa mstari wa mbele kuliokoa Taifa* *📌 Aiasa jamii kuacha alama katika maisha ya kila siku* *📌 Dkt. Biteko aongoza mamia ya watu mazishi ya Jenerali Musuguri Butiama* Na Ofisi ya Naibu Waziri Mkuu na Waziri wa Nishati Naibu Waziri Mkuu na Waziri wa Nishati, Mhe. Dkt. Doto Biteko amesema kuwa aliyewahi kuwa Mkuu wa Majeshi ya Ulinzi, Jenerali Mstaafu David Bugozi Musuguri alijitolea kuhakikisha Tanzania inabaki kuwa na amani, usalama na mshikamano pamoja na kuifundisha jamii moyo wa dhati wa kuilinda nchi. Dkt. Biteko amesema hayo leo Novemba 4, 2024 Butiama mkoani Mara wakati akiwasilisha salamu za Serikali kwa niaba ya Rais wa Jamhuri ya Muungano wa Tanzania, Mhe. Dkt. Samia Suluhu Hassan katika mazishi ya Jenerali Mstaafu Musuguri. “ Katika uhai wa kila mmoja wetu ni jambo gani mtu atakumbukwa nalo, baba huyu a...

Majaliwa Achangisha Shilingi Milioni 900 za Ujenzi wa Kanisa Kuu Lindi

WAZIRI MKUU Kassim Majaliwa ameendesha harambee na kuchangisha sh. milioni 928.67 za ujenzi wa kanisa kuu tarajiwa la Mt. Andrea Kagwa la Jimbo Katoliki la Lindi. Kati ya fedha hizo, sh. milioni 464.3 ni fedha taslimu na nyingine kati ya hizo zimeshawekwa benki na sh. milioni 464.37 bado ni ahadi. Awamu ya kwanza ya ujenzi huo, inatarajiwa kugharimu sh. milioni 700. Akizungumza na waumini na wadau mbalimbali waliohudhuria harambee iliyofanyika Ruangwa mjini, leo mchana (Jumamosi, Julai 27, 2024), Waziri Mkuu amewataka waliotoa ahadi wazikamilishe mapema ili kazi ya ujenzi isikwame. "Ninawashukuru sana wote mliofika na wote waliochangia ujenzi wa kanisa tarajiwa. Ninawaomba walioahidi, wakamilishe ahadi zao mapema ili kazi ianze kwani ramani ipo, mafundi wapo tayari, wasimamizi wa ujenzi wapo," amesisitiza. Waziri Mkuu amesema uamuzi wa Baba Askofu wa Jimbo Katoliki la Lindi, Mhashamu Askofu Wolfgang Pisa kuanza ujenzi wa kanisa kuu la jimbo hilo, ni utekelezaji ...

MARATO TV

Search This Blog

@marato_tv