SOYA ONE, ELIAKIMU MASWI WAPONGEZWA KWA KUUNGA MKONO JUHUDI ZA RAIS SAMIA KUBORESHA ELIMU TARIME

Mkuu wa Wilaya ya Tarime, Meja Edward Gowele, ameipongeza Kampuni ya Soya One Limited pamoja na Eliakim Maswi kwa kujitolea kutoa vifaa vya TEHAMA kwa shule za sekondari wilayani humo, akisema mchango huo ni kielelezo cha uzalendo na unaunga mkono juhudi za Rais Dkt. Samia Suluhu Hassan za kuboresha sekta ya elimu nchini.

Akizungumza katika hafla ya kukabidhi vifaa hivyo, Meja Gowele amesema Serikali ya Wilaya inaamini maendeleo ya elimu hayawezi kuachwa mikononi mwa Serikali pekee, bali yanahitaji ushirikiano wa wadau wote wakiwemo wawekezaji, wafanyabiashara, viongozi wa kisiasa na wananchi.

Amesema kila mwenye uwezo anapaswa kuchangia maendeleo ya elimu kwa kiwango anachoweza, akisisitiza kuwa hakuna mchango mdogo unapolenga kuboresha maisha ya watoto na mustakabali wa Taifa.

"Sio lazima uwe na uwezo mkubwa ndiyo uchangie elimu. Hata mchango mdogo unaweza kuleta mabadiliko makubwa. Tunawapongeza Soya One Limited na Eliakim Maswi kwa moyo wao wa kujitolea. Huu ni mfano mzuri unaopaswa kuigwa na wadau wengine," amesema Meja Gowele.

Amesema vifaa hivyo vitasaidia kuboresha mazingira ya kufundishia na kujifunzia, hususan katika uchapishaji wa mitihani na matumizi ya teknolojia shuleni, hivyo kupunguza changamoto ambazo zimekuwa zikiwakabili walimu.

Aidha, amewahimiza walimu kuvitunza na kuvitumia kwa ufanisi ili viweze kuleta matokeo yaliyokusudiwa, huku akiwataka wazazi na viongozi wa ngazi zote kuendelea kushiriki katika maendeleo ya elimu.

"Madini yanaweza kuisha, lakini elimu haiishi. Tukiwekeza kwenye elimu leo, tunajenga kizazi kitakacholiletea Taifa maendeleo ya kudumu," amesisitiza.

Kwa upande wake, Mkurugenzi wa Soya One Limited, Chacha Soya, amesema kampuni hiyo imeamua kushiriki katika maendeleo ya elimu kwa kutambua kuwa uwekezaji kwa watoto ni uwekezaji kwa mustakabali wa Taifa.

Alieleza kuwa utoaji wa vifaa hivyo umetokana na ushirikiano kati ya kampuni yake na Eliakim Maswi, ambaye alimpongeza kwa moyo wake wa kujitolea kurudisha sehemu ya mafanikio yake kwa jamii.

"Tunafanya kazi kwa kushirikiana na Serikali na wadau wa maendeleo kuhakikisha tunatafuta fursa za kusaidia jamii. Elimu ni msingi wa maendeleo, hivyo tutaendelea kushirikiana na Serikali pale tutakapohitajika," amesema Chacha Soya.

Amesema mazingira mazuri ya uwekezaji yaliyowekwa na Serikali ya Rais Dkt. Samia Suluhu Hassan yamewapa hamasa wawekezaji kushiriki katika shughuli za maendeleo ya jamii, akiwataka viongozi kuendelea kuwakaribisha na kuwapa ushirikiano wawekezaji wanaotaka kuisaidia jamii.

Chacha Soya pia amewataka viongozi wa kisiasa kuweka tofauti zao pembeni na kushirikiana katika kuendeleza elimu, akisema maendeleo ya watoto hayapaswi kuathiriwa na tofauti za kiitikadi.

"Tunapofanya jambo jema kwa jamii tunahitaji ushirikiano na faraja kutoka kwa viongozi na wananchi. Tukishirikiana, tutafanya mengi zaidi kwa ajili ya watoto wetu na Taifa kwa ujumla," amesema.

Naye Makamu Mwenyekiti wa Halmashauri ya Wilaya ya Tarime, Juster Magabe, aliwashukuru Soya One Limited na Eliakim Maswi kwa moyo wao wa uzalendo, akisema msaada huo utachochea maendeleo ya elimu na kuongeza ari ya wanafunzi na walimu.

Amesema Halmashauri itahakikisha vifaa hivyo vinatumika kwa malengo yaliyokusudiwa na kusimamiwa ipasavyo ili viweze kuwanufaisha wanafunzi wengi zaidi.

"Kwa niaba ya madiwani na wananchi wa Tarime, tunawashukuru sana Soya One Limited na Eliakim Maswi kwa moyo wao wa kujitolea. Tunaahidi kusimamia matumizi sahihi ya vifaa hivi ili viwe na manufaa ya kudumu kwa shule zetu," amesema Magabe.

Ameongeza kuwa mchango huo unaonesha namna ushirikiano kati ya Serikali, sekta binafsi na jamii unavyoweza kuharakisha maendeleo ya elimu, huku akitoa wito kwa wadau wengine kuiga mfano huo kwa kuendelea kuwekeza katika elimu ya watoto wa Tarime na Tanzania kwa ujumla.

Vifaa vya TEHAMA vilivyotolewa vinatarajiwa kuboresha utoaji wa huduma za elimu katika shule mbalimbali za sekondari wilayani Tarime, ikiwa ni sehemu ya juhudi za kuimarisha matumizi ya teknolojia katika ufundishaji na kujifunzia sambamba na kuunga mkono dira ya Serikali ya Awamu ya Sita ya kuinua ubora wa elimu nchini.

Comments

#maratotv

RAIS RUTTO AAMBATANA NA ODINGA NCHINI CHINA

Rais wa Jamhuri ya Kenya Mh William Rutto na mke wake wamewasili nchini China kuhudhuria mkutano wa wakuu wa nchi na Serikali wa Jukwaa la ushirikiano kati ya China na Afrika (FOCAC). Katika ziara hiyo ameambatana na waziri mkuu mstaafu wa nchi hiyo Raila Odinga ambaye pia anapigiwa kampeni ili aweze kushinda nafasi ya Uenyekiti wa AU.

WIZARA YA MALI ASILI YASISITIZA MATUMIZI YA SHERIA NA KANUNI KATIKA UTEKELEZAJI WA SHUGHULI ZA UHIFADHI

Na.Joyce Ndunguru, Morogoro. Naibu Katibu Mkuu Wizara ya Maliasili na Utalii anaeshughulikia Maliasili, Kamishna wa Polisi Benedict Wakulyamba asisitiza matumizi ya sheria na kanuni katika utekelezaji wa shughuli mbalimbali za uhifadhi. Kamishna Wakulyamba ameyasema hayo leo Septemba 1, 2024 wakati wa ziara ya kikazi aliyoifanya katika ofisi za Makao Makuu ya TAWA yaliyopo Mkoani Morogoro kwa lengo la kuongea na watumishi ili kuimarisha utendaji kazi pamoja na kukagua maeneo ya kazi. "Kama wahifadhi tunapaswa kufahamu sheria zote zinazosimamia masuala ya uhifadhi zilizopo katika Taasisi zetu pamoja na za Taasisi zingine za uhifadhi zilizopo ndani ya Wizara ya Maliasili na utalii" amesema Kamishna Wakulyamba. "Pamoja na kufahamu sheria na kanuni zilizopo ndani ya Wizara yetu, ni vyema kufahamu na kuzingatia sheria nyingine za Nchi ambazo zinatuzunguka ili ziweze kutusaidia katika utekelezaji wa majukumu yetu mfano sheria inayohusiana na ukusanyaji wa vielelezo kuanzia kw...

Rais Dkt. Samia Awasili China Kushiriki Mkutano wa Wakuu wa Nchi na Serikali wa Jukwaa la Ushirikiano Kati ya China na Africa FOCAC

Rais wa Jamhuri ya Muungano wa Tanzania Mhe. Dkt. Samia Suluhu Hassan akiwasili katika uwanja wa ndege wa Kimataifa wa Beijing Capital nchini China kwa ajili ya kushiriki Mkutano wa Wakuu wa nchi na Serikali wa Jukwaa la Ushirikiano kati ya China na Afrika (FOCAC) tarehe 03 Septemba, 2024.

Wananchi Serengeti Wamtaja Dkt Rhimo Nyansaho Kama Chachu ya Maendeleo Kwao

Na Shomari Binda-GMTV WANANCHI Wilaya ya Serengeti mkoani Mara wamemtaja Dkt.Rhimo Nyansaho kama chachu ya maendeleo kupitia taasisi yake ya Nyansaho Foundation. Wakizungumza kwa nyakati tofauti na GMTV wananchi hao wamesema kwa kipindi kirefu mchango wake umeonekana katika kuisaidia jamii. Wamesema ukifika Jimbo la Serengeti kila Kata na Kijiji huwezi kukosa mkono wa Dkt.Nyansaho kuchangia na kusaidia jamii kuanzia elimu,afya,maji na masuala mengine ya jamii. Mmoja wa wananchi hao aliyejitambulisha kwa jina la Mwita Sagati amesema wapo watu wanaojitokeza kusaidia jamii kipindi cha uchaguzi kwa kulenga kupata uongozi lakini imekuwa tofauti kwa Dkt.Nyansaho. Sagati amesema iwapo atajitokeza kuomba nafasi ya ubunge wapo tayari kumpambania na kumchagua ili aweze kuendelea kutoa mchango wake katika kusaidia jamii. " Tunashukuru sana mchango wa Dkt.Nyansaho kwa kuchangia shughuli za maendeleo hapa Serengeti. " Wengine huwa wanakuja nyakati za uchaguzi lakini huyu mchango wake ni ...

MAKOMANDOO MIAKA 60 YA JWTZ,HAIJAWAHI KUTOKEA

Makomandoo ya jeshi la ulinzi la Wananchi Tanzania (JWTZ)wamekuwa kivutio cha aina yake kwenye kikele cha maadhimisho ya miaka 60 ya tangu kuanzishwa kwa jeshi hilo. Katika sherehe hizo ambazo zimefanyika uwanja wa Uhuru Jijini Dar es Salaam,Rais wa Jamhuri ya Muungano wa Tanzania na Amiri Jeshi Mkuu Mhe. Dkt. Samia Suluhu Hassan ameshiriki kwenye kilele cha Maadhimisho ya Miaka 60 ya Jeshi la Ulinzi la Wananchi wa Tanzania katika uwanja huo wa Uhuru Jijini Dar es Salaam, leo tarehe 1 Septemba, 2024. Rais ameonesha kujivunia na kulipongeza JWTZ kwa kufanya kazi kwa kufuata misingi ya kuanzishwa kwake huku akitumia nafasi hiyo kuwapongeza Marais waliomtangulia kwa kazi kubwa waliyofanya wakati wa uongozi wao kwa kuliongoza vema jeshi hilo.

Meli ya Mv. Serengeti yapinduka na kuzama katika Bandari ya Mwanza kusini

Meli Mv.Serengeti imepinduka na kuzama kwenye bandari ya mwanza kusini. Meli hiyo imepinduka na kuzama disemba 26 majira ya saa Saba za usiku. Tukio hilo limetokea meli hiyo ikiwa imefungwa katika gati la bandari ya mwanza kusini. Kampuni ya meli Tanzania(Tashico) imethibitisha meli ya Mv. Serengeti kupinduka na kuzama upande mmoja wa nyuma. Kwa Mujibu wa Taarifa iliyotolewa na kitengo cha Masoko na Uhusiano kwa Umma cha Kampuni hiyo inaeleza kuwa Tashico imeshirikiana na Timu mbalimbali za Wataalam kutoka Jeshi la Zimamoto na Uokoaji, Shirika la Uwakala wa Meli Tanzania(TASAC), Mamlaka ya Usimamizi wa bandari (TPA) na wadau wengine katika Juhudi za Uokoaji. Kwa Mujibu wa Taarifa hiyo,Taarifa rasmi ya chanzo cha Tatizo itatolewa Meli hiyo itakapokuwa imeinuliwa na Uchunguzi wa kubaini Tatizo utakapokuwa umefanyika. Meli ya Mv.Serengeti inadaiwa kusitisha safari zake kwenye ziwa Victoria mwaka 2016 Meli ya Mv.Serengeti imepinduka na kuzama katika...

Mbunge wa Bukoba Vijijini ameaga Sifa Kedekede Kwa Rais Samia

Na Angela Sebastian; Bukoba MBUNGE wa jimbo la Bukoba vijijini Dk. Jasson Rweikiza amemshukuru Rais wa Jamhuri ya Muungano wa Tanzania Dk Samia Suluhu Hassan kwa niaba ya wananchi wa jimbo hilo, kwa kuwapatia zaidi ya shilingi bilioni 19 kwa ajili ya ujenzi wa madaraja mawili ambayo ni lango la kutoka na kuingia ndani ya mkoa wa Kagera. Ametoa shukrani hizo wakati akiongea wananchi mbalimbali waliofika katika viwanja vya Rweikiza pre and Primary school iliyoko eneo la Kyetema Bukoba vijijini, kwa kwa ajili ya kumbukizi ya miaka 100 ya kuzaliwa baba wa mbunge huyo aliyekuwa akiitwa Samsoni Rweikiza. Rweikiza amebainisha kuwa,Dk. Samia Suluhu Hassan ni Rais mwenye upendo amekubali kutoa mabilioni ya fedha kwa ajili ya Bukoba Vijijini na ndiyo maana tunasema atakuwa kiongozi wetu kwa awamu nyingine tena,tunapaswa kila mmoja kumuunga mkono. ametaja madaraja hayo kuwa ni Karebe ambalo limetengewa kiasi cha shilingi bil.9.3 kwa ajili ya ukarabati mkubwa kutokana na daraja ...

Jenerali Jacob Mkunda Atembelea Meli Tiba ya China Aridhishwa na Huduma

Mkuu wa Majeshi ya Ulinzi Jenerali Jacob John Mkunda ametembelea meli tiba ya Jeshi la Ukombozi la Watu wa China Peace Ark ili kuona matibabu yanavyofanyika. Jenerali Mkunda amefurahishwa na namna wataalam wa tiba wa Jeshi la China walivyotoa matibabu kwa kushirikiana na wataalam wa tiba wa JWTZ . Meli tiba ya jeshi la China imekuja hapa nchini na kutia nanga kwenye bandari ya Dar Es Salaam kutoa matibabu mbalimbali kwa wananchi ikiwa ni muendelezo wa maadhimisho ya miaka 60 tangu kuanzishwa kwa JWTZ na ushirikiano wa miaka 60 baina ya JWTZ na Jeshi la Ukombozi la Watu wa China. Matibabu hayo yalianza kutolewa tarehe 18 Julai 2024 hadi tarehe 22 Julai 2024. Meli tiba hiyo itaondoka hapa nchini tarehe 23 Julai mwaka huu.

AMIRI JESHI MKUU AKAGUA GWARIDE LA MIAKA 60 YA JWTZ

Mapema leo asubuhi Rais wa Jamhuri ya Muungano wa Tanzania na Amiri Jeshi Mkuu wa Majeshi ya Ulinzi na Usalama Mhe.Dkt,Samia Suluhu Hassan akikagua Gwaride Maalumu la Maadhimisho ya Miaka 60 ya Jeshi la Wananchi wa Tanzania (JWTZ) Uwanja wa Uhuru leo September 01,2024. Rais Samia Suluhu Hassan amesisitiza kuwa jeshi la ulinzi la Wananchi Tanzania si jeshi la Uvamizi bali ni jeshi la ulinzi wa Wananchi Tanzania Amewahakikishia wanajeshi kufanya kazi kifua mbele,kuwa amiri jeshi mkuu yuko pamoja nao wakati wote.

Jenerali ameacha alama ya uzalendo na kujitoa kwa ajili ya Taifa

*📌 Serikali itaenzi na kuthamini mchango wake* *📌 Asema Jenerali Musuguri alijitolea kuhakikisha Tanzania inabaki na amani na usalama* *📌 Asema alikuwa mstari wa mbele kuliokoa Taifa* *📌 Aiasa jamii kuacha alama katika maisha ya kila siku* *📌 Dkt. Biteko aongoza mamia ya watu mazishi ya Jenerali Musuguri Butiama* Na Ofisi ya Naibu Waziri Mkuu na Waziri wa Nishati Naibu Waziri Mkuu na Waziri wa Nishati, Mhe. Dkt. Doto Biteko amesema kuwa aliyewahi kuwa Mkuu wa Majeshi ya Ulinzi, Jenerali Mstaafu David Bugozi Musuguri alijitolea kuhakikisha Tanzania inabaki kuwa na amani, usalama na mshikamano pamoja na kuifundisha jamii moyo wa dhati wa kuilinda nchi. Dkt. Biteko amesema hayo leo Novemba 4, 2024 Butiama mkoani Mara wakati akiwasilisha salamu za Serikali kwa niaba ya Rais wa Jamhuri ya Muungano wa Tanzania, Mhe. Dkt. Samia Suluhu Hassan katika mazishi ya Jenerali Mstaafu Musuguri. “ Katika uhai wa kila mmoja wetu ni jambo gani mtu atakumbukwa nalo, baba huyu a...

MARATO TV

Search This Blog

@marato_tv