BARIADI, SIMIYU
Mjumbe wa Kamati Kuu ya Chama Cha Mapinduzi (CCM) Taifa na Mlezi wa Mkoa wa Pwani, Leila Ngozi, amewasili rasmi katika Jimbo la Bariadi kwa ziara maalum ya kusimamia na kushuhudia uwasilishaji wa Ilani ya CCM 2020–2025, hatua inayolenga kuimarisha uwajibikaji wa viongozi na kuonesha utekelezaji wa ahadi kwa wananchi.
Katika ziara hiyo, Mhandisi Kundo Mathew, Mbunge wa Jimbo la Bariadi, amepewa jukumu la kuwasilisha taarifa ya utekelezaji wa Ilani hiyo mbele ya Mjumbe huyo wa Kamati Kuu, wajumbe wa Mkutano Mkuu wa CCM Wilaya ya Bariadi, na viongozi mbalimbali wa chama na serikali.
> “Leo Bariadi tunajivunia kupata heshima ya kupokea kiongozi wa juu wa Chama – Mjumbe wa Kamati Kuu. Huu ni uthibitisho kuwa CCM haiteleki maeneo yake – na kila ahadi iliyotolewa kwa wananchi ni agizo linalopimwa kwa vitendo,” alisema mmoja wa wajumbe wa mkutano huo.
Tukio hilo limeambatana na mapokezi makubwa na msisimko wa kisiasa, ambapo viongozi wa mashina, kata, tarafa na wilaya walijitokeza kwa wingi, wakionesha mshikamano na imani yao kwa uongozi wa Chama na Serikali.
> “Ilani ya CCM siyo makaratasi ya maneno – ni dira ya matumaini kwa wananchi. Tunashukuru kwa kazi kubwa inayofanywa Bariadi, na leo tunasikiliza kwa masikio yetu nini kimefanyika na nini kipo njiani,” alisema Leila Ngozi katika salamu zake za awali.
Ziara hii inatarajiwa kuwa sehemu ya tathmini ya utekelezaji wa Ilani kabla ya kuelekea uchaguzi mkuu wa mwaka 2025, ambapo uwazi, ufanisi, na ushirikiano wa viongozi na wananchi ndio msingi wa ushindi endelevu wa CCM.
.jpg)
