Nyansaho Foundation yauleta pamoja Mkoa wa Mara kimaendeleo

MARA

TAASISI ya Nyansaho foundation imetoa mifuko elfu sita ya saruji kwa wabunge wa Mkoa Mara ambapo Kila Mbunge amepata mgao wa mifuko mia tano ambago inalengo kuboresha sekta za Afya na Elimu.

Akizungumza katika hafla ya kukabidhi Mifuko hiyo ya saruji kwa Wabunge kumi na mbili wa mkoa wa Mara leo Machi 22,2026,mwenyekiti wa tassisi hiyo ya Nyansaho Foundation Dkt Rhimo Nyansaho,amesema kila Mbunge atafanye kazi iliyokusudiwa na aje na matokeo chanya ili baadae apate bati za kuezeka alichokifanya Jimboni kwake.

Amesema kuwa mifuko hiyo mia tano ya simenti kwa kila mbunge itengenezwe mfumo kwamba inaenda kutekeleza nini.

"baada ya miezi miwili, kuanzia sasa tupate taarifa kwamba ile mifuko elfu sita imefanya maboma kama ni maboma au kama ni kufanya chochote". Ameongeza

"Baada ya miezi miwili tukimaliza bunge la bajeti wakati tunakuja nitakuwa pia nimeshajipanga kupitia kwa wadau tutawaletea tena bati". Amesisitiza

"kila mbunge aseme hii mifuko kwenye jimbo X itakwenda kufanya moja, mbili, tatu Tukifanya vile kamati ya ulinzi na usalama sasa kupitia kwa wakuu wa wilaya na inatolewa taarifa mifuko hii iliyoenda hapa imefanya swala hili,ni vizuri tukaeelekeza ikaenda kwenye elimu na afya". Amesema Nyansaho ambaye pia ni waziri wa ulinzi na jeshi LA kujenga Taifa.

Hata hivyo mh Nyansaho amewataka viongozi wa mkoa wa Mara kufikiria namna bora ya kumuenzi baba wa Taifa Mwalimu Julius Nyerere.

"Tunajua ile tarehe ya kifo chake Taifa limekuwa likifanya jambo, lakini hatuzuii sisi wa mkoa wa Mara kufanya jambo LA kumuenzi kiongozi huyu ambaye alizaliwa katika mkoa huu, kuna tassisi hata hapa Mara zipo zinatumia jina lake, tuone sasa tunafanya nini kumuenzi"alisema Dkt Nyansaho.

Mwenyekiti wa CCM mkoa wa Mara Patrick Chandi, ametumia jukwaa hilo Kwa kuipongeza taasisi ya Nyansaho foundation ambapo amesema taasisi hiyo imetambua kuwa mfuko wa Jimbo pekee hautoshi hivyo ni vema kuongeza nguvu ili kufanikisha maendeleo kwa haraka katika mkoa wa Mara.

Kwa upande wake mjumbe wa halmashauri kuu mkoa wa Mara Christopher Gachuma,amesema taasisi hiyo imelenga kusaidia majimbo ya mkoa wa Mara hivyo ameyasisitiza majimbo hayo Kutumia saruji hizo Kwa malengo yaliyokusudiwa.

Nao wabunge wa Mkoa wa Mara walio hudhuria hafla hiyo akiwemo Mbunge wa Bunda Ester Bulaya ameishukuru taasisi ya Nyansaho foundation ambapo amesema yeye alishakaa na diwani wake Kwa Kushirikiana na Mwenyekiti wa Halmashauri pamoja na watendaji wa kata kuwa mifuko hiyo itaenda Kwenye Ujenzi wa shule na vituo vya Afya.

"Sisi tulishaimaliza. Hata ukitaka taarifa leo Bunda mjini, utaipata.Na mheshimiwa mkuu wa mkoa, nikuhakikishie, ukija kukagua utaona mambo yanaenda vizuri". Amesema

"Naomba nikusifie, kutoa ni moyo. Lakini wewe umekuwa ukijitoa sana kwa ajili ya mkoa wako. Sisi wabunge wako tutakupa ushirikiano, tutakuombea kwa mwenyezi mungu".. Ameongeza

Naye Mbunge wa Jimbo la Musoma Mjini mh Mgore Miraji, amesema kutokana na changamoto ya madarasa katika baadhi ya shule Kwenye jimblo la Musoma Mjini ,kupitia Mifuko hiyo waliyopewa wataenda Kuboresha madarasa pamoja na vituo vya Afya.

Mbunge wa Jimbo la Butiama mh Dkt Charles Mahera,amesema wao wameshafanya tathmini mwezi wa kumi na mbili ambapo tayari mifuko hiyo itakwenda kuingia katika shule za msingi na sekondari 25 na mifuko 40 itakayo baki itaenda kwenye makanisa na misikiti.

kadhalika, Mbunge wa jimbo la Serengeti mh Mary Daniel ameishukuru Nyansaho foundation Kwa kazi kubwa na nzuri inayoifanya ambapo amesema mifuko hiyo waliyopewa katika Jimbo la serengeti itakwenda kufanya kazi iliyokusudiwa.

Mbunge wa Jimbo la Mwibara Mh Kangi lugola, ameishukuru taasisi ya Nyansaho foundation ambapo amesema mifuko waliyoipata itakwenda katika sekta ya Elimu na Afya na kwamba itatoa ajira kwa vijana ambao wataanza kufanya kazi ya ukarabati ili wapate maokoto kupitia Nyansaho foundation.

Aidha, wabunge wa viti Maalumu mkoa wa Mara Mh Ghati Chomete na Mh Agness Methew Marwa,wameipongeza taasisi ya Nyansaho foundation ambapo wamesema Kwa mifuko hiyo ya saruji waliyokabidhiwa watahakikisha inaenda kuleta tija katika maeneo Mbalimbali ili wananchi wanufaike na msaada huo.

aasisi ya Nyansaho foundation imetoa jumla ya mifuko yelfu sita ya saruji ambapo Kwa kila mbunge wa Jimbo na viti maalum amepata mifuko mia tano ya saruji kwa dhamira ya kwenda Kuboresha Sekta za Afya na Elimu

Mwisho

Comments

#maratotv

RAIS RUTTO AAMBATANA NA ODINGA NCHINI CHINA

Rais wa Jamhuri ya Kenya Mh William Rutto na mke wake wamewasili nchini China kuhudhuria mkutano wa wakuu wa nchi na Serikali wa Jukwaa la ushirikiano kati ya China na Afrika (FOCAC). Katika ziara hiyo ameambatana na waziri mkuu mstaafu wa nchi hiyo Raila Odinga ambaye pia anapigiwa kampeni ili aweze kushinda nafasi ya Uenyekiti wa AU.

WIZARA YA MALI ASILI YASISITIZA MATUMIZI YA SHERIA NA KANUNI KATIKA UTEKELEZAJI WA SHUGHULI ZA UHIFADHI

Na.Joyce Ndunguru, Morogoro. Naibu Katibu Mkuu Wizara ya Maliasili na Utalii anaeshughulikia Maliasili, Kamishna wa Polisi Benedict Wakulyamba asisitiza matumizi ya sheria na kanuni katika utekelezaji wa shughuli mbalimbali za uhifadhi. Kamishna Wakulyamba ameyasema hayo leo Septemba 1, 2024 wakati wa ziara ya kikazi aliyoifanya katika ofisi za Makao Makuu ya TAWA yaliyopo Mkoani Morogoro kwa lengo la kuongea na watumishi ili kuimarisha utendaji kazi pamoja na kukagua maeneo ya kazi. "Kama wahifadhi tunapaswa kufahamu sheria zote zinazosimamia masuala ya uhifadhi zilizopo katika Taasisi zetu pamoja na za Taasisi zingine za uhifadhi zilizopo ndani ya Wizara ya Maliasili na utalii" amesema Kamishna Wakulyamba. "Pamoja na kufahamu sheria na kanuni zilizopo ndani ya Wizara yetu, ni vyema kufahamu na kuzingatia sheria nyingine za Nchi ambazo zinatuzunguka ili ziweze kutusaidia katika utekelezaji wa majukumu yetu mfano sheria inayohusiana na ukusanyaji wa vielelezo kuanzia kw...

Rais Dkt. Samia Awasili China Kushiriki Mkutano wa Wakuu wa Nchi na Serikali wa Jukwaa la Ushirikiano Kati ya China na Africa FOCAC

Rais wa Jamhuri ya Muungano wa Tanzania Mhe. Dkt. Samia Suluhu Hassan akiwasili katika uwanja wa ndege wa Kimataifa wa Beijing Capital nchini China kwa ajili ya kushiriki Mkutano wa Wakuu wa nchi na Serikali wa Jukwaa la Ushirikiano kati ya China na Afrika (FOCAC) tarehe 03 Septemba, 2024.

Wananchi Serengeti Wamtaja Dkt Rhimo Nyansaho Kama Chachu ya Maendeleo Kwao

Na Shomari Binda-GMTV WANANCHI Wilaya ya Serengeti mkoani Mara wamemtaja Dkt.Rhimo Nyansaho kama chachu ya maendeleo kupitia taasisi yake ya Nyansaho Foundation. Wakizungumza kwa nyakati tofauti na GMTV wananchi hao wamesema kwa kipindi kirefu mchango wake umeonekana katika kuisaidia jamii. Wamesema ukifika Jimbo la Serengeti kila Kata na Kijiji huwezi kukosa mkono wa Dkt.Nyansaho kuchangia na kusaidia jamii kuanzia elimu,afya,maji na masuala mengine ya jamii. Mmoja wa wananchi hao aliyejitambulisha kwa jina la Mwita Sagati amesema wapo watu wanaojitokeza kusaidia jamii kipindi cha uchaguzi kwa kulenga kupata uongozi lakini imekuwa tofauti kwa Dkt.Nyansaho. Sagati amesema iwapo atajitokeza kuomba nafasi ya ubunge wapo tayari kumpambania na kumchagua ili aweze kuendelea kutoa mchango wake katika kusaidia jamii. " Tunashukuru sana mchango wa Dkt.Nyansaho kwa kuchangia shughuli za maendeleo hapa Serengeti. " Wengine huwa wanakuja nyakati za uchaguzi lakini huyu mchango wake ni ...

MAKOMANDOO MIAKA 60 YA JWTZ,HAIJAWAHI KUTOKEA

Makomandoo ya jeshi la ulinzi la Wananchi Tanzania (JWTZ)wamekuwa kivutio cha aina yake kwenye kikele cha maadhimisho ya miaka 60 ya tangu kuanzishwa kwa jeshi hilo. Katika sherehe hizo ambazo zimefanyika uwanja wa Uhuru Jijini Dar es Salaam,Rais wa Jamhuri ya Muungano wa Tanzania na Amiri Jeshi Mkuu Mhe. Dkt. Samia Suluhu Hassan ameshiriki kwenye kilele cha Maadhimisho ya Miaka 60 ya Jeshi la Ulinzi la Wananchi wa Tanzania katika uwanja huo wa Uhuru Jijini Dar es Salaam, leo tarehe 1 Septemba, 2024. Rais ameonesha kujivunia na kulipongeza JWTZ kwa kufanya kazi kwa kufuata misingi ya kuanzishwa kwake huku akitumia nafasi hiyo kuwapongeza Marais waliomtangulia kwa kazi kubwa waliyofanya wakati wa uongozi wao kwa kuliongoza vema jeshi hilo.

Meli ya Mv. Serengeti yapinduka na kuzama katika Bandari ya Mwanza kusini

Meli Mv.Serengeti imepinduka na kuzama kwenye bandari ya mwanza kusini. Meli hiyo imepinduka na kuzama disemba 26 majira ya saa Saba za usiku. Tukio hilo limetokea meli hiyo ikiwa imefungwa katika gati la bandari ya mwanza kusini. Kampuni ya meli Tanzania(Tashico) imethibitisha meli ya Mv. Serengeti kupinduka na kuzama upande mmoja wa nyuma. Kwa Mujibu wa Taarifa iliyotolewa na kitengo cha Masoko na Uhusiano kwa Umma cha Kampuni hiyo inaeleza kuwa Tashico imeshirikiana na Timu mbalimbali za Wataalam kutoka Jeshi la Zimamoto na Uokoaji, Shirika la Uwakala wa Meli Tanzania(TASAC), Mamlaka ya Usimamizi wa bandari (TPA) na wadau wengine katika Juhudi za Uokoaji. Kwa Mujibu wa Taarifa hiyo,Taarifa rasmi ya chanzo cha Tatizo itatolewa Meli hiyo itakapokuwa imeinuliwa na Uchunguzi wa kubaini Tatizo utakapokuwa umefanyika. Meli ya Mv.Serengeti inadaiwa kusitisha safari zake kwenye ziwa Victoria mwaka 2016 Meli ya Mv.Serengeti imepinduka na kuzama katika...

Mbunge wa Bukoba Vijijini ameaga Sifa Kedekede Kwa Rais Samia

Na Angela Sebastian; Bukoba MBUNGE wa jimbo la Bukoba vijijini Dk. Jasson Rweikiza amemshukuru Rais wa Jamhuri ya Muungano wa Tanzania Dk Samia Suluhu Hassan kwa niaba ya wananchi wa jimbo hilo, kwa kuwapatia zaidi ya shilingi bilioni 19 kwa ajili ya ujenzi wa madaraja mawili ambayo ni lango la kutoka na kuingia ndani ya mkoa wa Kagera. Ametoa shukrani hizo wakati akiongea wananchi mbalimbali waliofika katika viwanja vya Rweikiza pre and Primary school iliyoko eneo la Kyetema Bukoba vijijini, kwa kwa ajili ya kumbukizi ya miaka 100 ya kuzaliwa baba wa mbunge huyo aliyekuwa akiitwa Samsoni Rweikiza. Rweikiza amebainisha kuwa,Dk. Samia Suluhu Hassan ni Rais mwenye upendo amekubali kutoa mabilioni ya fedha kwa ajili ya Bukoba Vijijini na ndiyo maana tunasema atakuwa kiongozi wetu kwa awamu nyingine tena,tunapaswa kila mmoja kumuunga mkono. ametaja madaraja hayo kuwa ni Karebe ambalo limetengewa kiasi cha shilingi bil.9.3 kwa ajili ya ukarabati mkubwa kutokana na daraja ...

Jenerali Jacob Mkunda Atembelea Meli Tiba ya China Aridhishwa na Huduma

Mkuu wa Majeshi ya Ulinzi Jenerali Jacob John Mkunda ametembelea meli tiba ya Jeshi la Ukombozi la Watu wa China Peace Ark ili kuona matibabu yanavyofanyika. Jenerali Mkunda amefurahishwa na namna wataalam wa tiba wa Jeshi la China walivyotoa matibabu kwa kushirikiana na wataalam wa tiba wa JWTZ . Meli tiba ya jeshi la China imekuja hapa nchini na kutia nanga kwenye bandari ya Dar Es Salaam kutoa matibabu mbalimbali kwa wananchi ikiwa ni muendelezo wa maadhimisho ya miaka 60 tangu kuanzishwa kwa JWTZ na ushirikiano wa miaka 60 baina ya JWTZ na Jeshi la Ukombozi la Watu wa China. Matibabu hayo yalianza kutolewa tarehe 18 Julai 2024 hadi tarehe 22 Julai 2024. Meli tiba hiyo itaondoka hapa nchini tarehe 23 Julai mwaka huu.

AMIRI JESHI MKUU AKAGUA GWARIDE LA MIAKA 60 YA JWTZ

Mapema leo asubuhi Rais wa Jamhuri ya Muungano wa Tanzania na Amiri Jeshi Mkuu wa Majeshi ya Ulinzi na Usalama Mhe.Dkt,Samia Suluhu Hassan akikagua Gwaride Maalumu la Maadhimisho ya Miaka 60 ya Jeshi la Wananchi wa Tanzania (JWTZ) Uwanja wa Uhuru leo September 01,2024. Rais Samia Suluhu Hassan amesisitiza kuwa jeshi la ulinzi la Wananchi Tanzania si jeshi la Uvamizi bali ni jeshi la ulinzi wa Wananchi Tanzania Amewahakikishia wanajeshi kufanya kazi kifua mbele,kuwa amiri jeshi mkuu yuko pamoja nao wakati wote.

Jenerali ameacha alama ya uzalendo na kujitoa kwa ajili ya Taifa

*📌 Serikali itaenzi na kuthamini mchango wake* *📌 Asema Jenerali Musuguri alijitolea kuhakikisha Tanzania inabaki na amani na usalama* *📌 Asema alikuwa mstari wa mbele kuliokoa Taifa* *📌 Aiasa jamii kuacha alama katika maisha ya kila siku* *📌 Dkt. Biteko aongoza mamia ya watu mazishi ya Jenerali Musuguri Butiama* Na Ofisi ya Naibu Waziri Mkuu na Waziri wa Nishati Naibu Waziri Mkuu na Waziri wa Nishati, Mhe. Dkt. Doto Biteko amesema kuwa aliyewahi kuwa Mkuu wa Majeshi ya Ulinzi, Jenerali Mstaafu David Bugozi Musuguri alijitolea kuhakikisha Tanzania inabaki kuwa na amani, usalama na mshikamano pamoja na kuifundisha jamii moyo wa dhati wa kuilinda nchi. Dkt. Biteko amesema hayo leo Novemba 4, 2024 Butiama mkoani Mara wakati akiwasilisha salamu za Serikali kwa niaba ya Rais wa Jamhuri ya Muungano wa Tanzania, Mhe. Dkt. Samia Suluhu Hassan katika mazishi ya Jenerali Mstaafu Musuguri. “ Katika uhai wa kila mmoja wetu ni jambo gani mtu atakumbukwa nalo, baba huyu a...

MARATO TV

Search This Blog

@marato_tv