Rais wa Kenya William Ruto amemteua Mbunge wa Mbeere Geoffrey Kiringa Ruku kuwa Waziri wa Utumishi wa Umma kuchukua nafasi ya Justine Muturi.
Kwa miezi kadhaa sasa, Muturi ameibuka kuwa mwiba kwa Rais Ruto kutokana na mzozo wake na bosi wake ukihusisha matamshi makali aliyotoa dhidi ya Serikali kuhusu utekaji nyara na mauaji ya waandamanaji wa Gen Z mnamo Juni na Desemba 2024, ambapo mwanawe pia alikuwa mwathiriwa.
Muturi Hata alikuwa ameomba kutoshiriki vikao vya Baraza la Mawaziri hadi masuala ya utekaji nyara wa polisi na mauaji ya kiholela yawepo kwenye ajenda.
Hivi majuzi, Muturi alisema kwa ujasiri kwamba hatua ya kumwita Ruto bosi wake iko chini ya mamlaka aliyoapishwa kama mtumishi wa umma, na badala yake anafaa kupongezwa kwa hilo.
Ruto, ambaye alikuwa amekaa kimya kuhusu suala hilo kwa wiki kadhaa, alivunja ukimya wake Jana Jumanne na kumtaja Waziri wake wa Utumishi wa Umma kuwa "hafai".
Akiongea wakati wa hafla ya chakula cha jioni katika Ikulu ya Nairobi, Ruto alisema uzembe wa Waziri Muturi katika kuanzisha Hazina ya Wakfu ya Waislamu (Waqf) wakati akiwa Mwanasheria Mkuu uliinyima tume hiyo fursa ya kusimamia wakfu wa Kiislamu.
"Nilikuwa na tatizo na AG Muturi ambaye alikuwa hapo awali hakuwa na uwezo, Lakini sasa, nina Dorcas Oduor ambaye ana uwezo mkubwa katika nafasi hiyo na ninaweza kuwahakikishia kuwa masuala ya Wakfu yatatatuliwa ndani ya miezi kadhaa," Ruto alisema.
Katika dhihirisho la kukaidi, Muturi alienda kwenye mitandao ya kijamii kumjibu Rais Ruto, akisema:
"Lazima ieleweke kwamba Waqfu ni majaliwa ya kidini, hisani au wema kutoka kwa mtu anayekiri imani ya Kiislamu na kusimamiwa na Tume ya Waqfu," Muturi alisema kwenye ukurasa wake wa X.
Mbali na kufutwa kazi kwa Waziri Muturi,Rais Ruto pia amemteua Hanna Cheptumo kuwa Waziri wa Jinsia kujaza nafasi iliyokuwa Waziri tangu kuvunjwa kwa Baraza la Mawaziri Mwaka Jana Kufuatia Maandamano ya Gen Z.
Aidha Rais Ruto amemhamisha Waziri wa afya Dkt.Debora Mlongo Baraza kwenda wizara ya Mazingira,Mabadiliko ya Tabia nchi na Misitu huku Waziri Aden Duale aliyekuwa Mazingira akihamishiwa Wizara ya Afya.
