WAANDISHI WA HABARI NA JAMII NI WADAU MUHIMU KATIKA KUIBUA MIANYA YA RUSHWA .

Na Mwandishi wetu Jovina Massano ;Musoma.

Taasisi ya kuzuia na kupambana na rushwa (TAKUKURU) mkoa wa Mara imeeleza kuwa waandishi wa habari na jamii ni wadau muhimu katika kuibua mianya ya rushwa.

Hayo yamesemwa katika mafunzo ya siku moja ya TAKUKURU na kazi zake na Majukumu yake yenye lengo la kuwajengea uwezo waandishi wa habari kupata uelewa mpana wa namna taasisi hiyo inavyotekeleza majukumu yake.

TAKUKURU inatambua umuhimu wa Waandishi wa habari kuwa ni miongoni mwa wadau muhimu wa utoaji elimu ya rushwa kwa jamii.

Mafunzo hayo yamefunguliwa na Naibu Mkuu wa TAKUKURU mkoa wa Mara Sadiki Nombo amesema waandishi wa habari na jamii ni wadau muhimu wa kuibua mianya ya rushwa hapa nchini.

Aidha Nombo amesema kuwa taasisi hiyo imekuwa na utaratibu wa kutoa mafunzo na warsha mbalimbali kwa wadau wakiwemo waandishi wa habari ili kuowaongezea uelewa wa kutosha kuhusiana na majukumu na mapambano ya TAKUKURU dhidi ya rushwa.

TAKUKURU katika majukumu yake na kazi zake hutoa elimu kwa Umma hivyo amewaomba waandishi wa habari kutoa habari kwa uwazi na ukweli wakati wa kutoa taarifa zao.

Kwa kuwa waandishi wa habari wanauwezo na nafasi kubwa ya kuwafikia wananchi na kuwapa elimu kuhusiana na umuhimu wa kutoa taarifa mapema ya viashiria sambamba na madhara ya rushwa.

"TAKUKURU hufuatilia matumizi mabaya ya ofisi za Serikali kwa maslahi binafsi,pia hufanya uchunguzi wa tuhuma za rushwa na kufuatilia matumizi ya fedha za umma na kufanya uchambuzi wa mifumo na kuzuia mianya inayoweza kuchochea rushwa," amesema Nombo.

Hata hivyo amewataka waandishi wa habari na jamii kutoa taarifa za uwepo wa mianya ya rushwa hasa katika fedha zinazotengwa kwa ajili ya kutekeleza miradi ya Maendeleo zinazotolewa na Serikali.

Eunice Kiwia afisa wa TAKUKURU amewaomba waandishi wa habari kutoa habari za kweli na uwazi ili wananchi wapate taarifa sahihi pia amewaasa na kutoa wito kwa wananchi kujiepusha na vitendo vya kutoa hongo pindi wanaohitaji huduma na kuwaelekeza kufuata utaratibu wa malipo ili kujiepusha na vitendo vitakavyosadikiwa ni rushwa.

Akijibu baadhi ya maswali ya waandishi wa habari Afisa uchunguzi TAKUKURU na mkuu wa dawati la uzuiaji rushwa Celestine Mayunga amesema katika miradi hufuatilia fedha na kudhibiti.

Ametoa ufafanuzi wa kuhusu mifumo na hufuatilia matumizi ya fedha katika miradi na pia hufanya chambuzi za mifumo ya fedha ikibainika kama kuna ucheleshwaji wa miradi ya maendeleo.

Ameweza kutoa mojawapo ya fedha kiasi cha Tsh. Millioni 38.5 iliyookolewa katika mradi wa barabara ya majita road mara baada ya mkandarasi kuziba mashimo chini ya kiwango hivyo TAKUKURU ilizuia fedha hizo ili mkandarasi afanye kazi kwa viwango stahiki.

"TAKUKURU huokoa fedha kwa kudhibiti ambazo ni taslimu zikiwa zimehamishwa kwenda Upande usio sahihi na kurejesha upande sahihi pia tunaokoa kwa kudhibiti tunaona kuna viashiria vya fedha kiasi fulani zinazotumika kinyume na utaratibu," amesema Celestine.

Mbali na mradi huo pia katika kuhakikisha ubora wa fedha za miradi mwaka 2025 TAKUKURU imeweza kuokoa millioni 195 za CSR kulikuwa na malalamiko ya wamiliki wa leseni za madini walikuwa ucheleweshaji kutoa fedha walizokubaliana na halmashauri ya Musoma Vijijini kwa ajili ya kutekeleza miradi ya CSR.

TAKUKURU imeweza kuifanyia kazi taarifa aliyotoa Mkuu wa Mkoa wa Mara Kanali Evans Mtambi mara baada ya kutilia shaka kuwa makusanyo yanayokusanywa hayaendani na hali halisi ya makusanyo yaliyopo pale Mwigobero ndipo waliposhauri uwepo wa mizani pale na mizigo ilipiwe mpaka sasa mapato yameongezeka haya yote ni matokeo ya uchambuzi wa mifumo yanayofanywa na TAKUKURU na kuokoa mapato yanayopotea.

Akimalizia Afisa habari na Mawasiliano wa TAKUKURU mkoa wa Mara Agnes Karatibu amesema ni vema wananchi wakawa na utaratibu wa kufuatilia taarifa zinazotolewa na vyombo vya habari kwenye vipindi vinavyorushwa ilinkupata elimu sahihi inayohusu masuala ya rushwa na kuweza kutoa taarifa zenye viashiria vya rushwa.

Tukumbushane kauli mbiu ya TAKUKURU inasema "Kuzuia Rushwa ni Jukumu lako na langu,tutimize wajibu wetu".

Comments

#maratotv

RAIS RUTTO AAMBATANA NA ODINGA NCHINI CHINA

Rais wa Jamhuri ya Kenya Mh William Rutto na mke wake wamewasili nchini China kuhudhuria mkutano wa wakuu wa nchi na Serikali wa Jukwaa la ushirikiano kati ya China na Afrika (FOCAC). Katika ziara hiyo ameambatana na waziri mkuu mstaafu wa nchi hiyo Raila Odinga ambaye pia anapigiwa kampeni ili aweze kushinda nafasi ya Uenyekiti wa AU.

WIZARA YA MALI ASILI YASISITIZA MATUMIZI YA SHERIA NA KANUNI KATIKA UTEKELEZAJI WA SHUGHULI ZA UHIFADHI

Na.Joyce Ndunguru, Morogoro. Naibu Katibu Mkuu Wizara ya Maliasili na Utalii anaeshughulikia Maliasili, Kamishna wa Polisi Benedict Wakulyamba asisitiza matumizi ya sheria na kanuni katika utekelezaji wa shughuli mbalimbali za uhifadhi. Kamishna Wakulyamba ameyasema hayo leo Septemba 1, 2024 wakati wa ziara ya kikazi aliyoifanya katika ofisi za Makao Makuu ya TAWA yaliyopo Mkoani Morogoro kwa lengo la kuongea na watumishi ili kuimarisha utendaji kazi pamoja na kukagua maeneo ya kazi. "Kama wahifadhi tunapaswa kufahamu sheria zote zinazosimamia masuala ya uhifadhi zilizopo katika Taasisi zetu pamoja na za Taasisi zingine za uhifadhi zilizopo ndani ya Wizara ya Maliasili na utalii" amesema Kamishna Wakulyamba. "Pamoja na kufahamu sheria na kanuni zilizopo ndani ya Wizara yetu, ni vyema kufahamu na kuzingatia sheria nyingine za Nchi ambazo zinatuzunguka ili ziweze kutusaidia katika utekelezaji wa majukumu yetu mfano sheria inayohusiana na ukusanyaji wa vielelezo kuanzia kw...

Rais Dkt. Samia Awasili China Kushiriki Mkutano wa Wakuu wa Nchi na Serikali wa Jukwaa la Ushirikiano Kati ya China na Africa FOCAC

Rais wa Jamhuri ya Muungano wa Tanzania Mhe. Dkt. Samia Suluhu Hassan akiwasili katika uwanja wa ndege wa Kimataifa wa Beijing Capital nchini China kwa ajili ya kushiriki Mkutano wa Wakuu wa nchi na Serikali wa Jukwaa la Ushirikiano kati ya China na Afrika (FOCAC) tarehe 03 Septemba, 2024.

MAKOMANDOO MIAKA 60 YA JWTZ,HAIJAWAHI KUTOKEA

Makomandoo ya jeshi la ulinzi la Wananchi Tanzania (JWTZ)wamekuwa kivutio cha aina yake kwenye kikele cha maadhimisho ya miaka 60 ya tangu kuanzishwa kwa jeshi hilo. Katika sherehe hizo ambazo zimefanyika uwanja wa Uhuru Jijini Dar es Salaam,Rais wa Jamhuri ya Muungano wa Tanzania na Amiri Jeshi Mkuu Mhe. Dkt. Samia Suluhu Hassan ameshiriki kwenye kilele cha Maadhimisho ya Miaka 60 ya Jeshi la Ulinzi la Wananchi wa Tanzania katika uwanja huo wa Uhuru Jijini Dar es Salaam, leo tarehe 1 Septemba, 2024. Rais ameonesha kujivunia na kulipongeza JWTZ kwa kufanya kazi kwa kufuata misingi ya kuanzishwa kwake huku akitumia nafasi hiyo kuwapongeza Marais waliomtangulia kwa kazi kubwa waliyofanya wakati wa uongozi wao kwa kuliongoza vema jeshi hilo.

Meli ya Mv. Serengeti yapinduka na kuzama katika Bandari ya Mwanza kusini

Meli Mv.Serengeti imepinduka na kuzama kwenye bandari ya mwanza kusini. Meli hiyo imepinduka na kuzama disemba 26 majira ya saa Saba za usiku. Tukio hilo limetokea meli hiyo ikiwa imefungwa katika gati la bandari ya mwanza kusini. Kampuni ya meli Tanzania(Tashico) imethibitisha meli ya Mv. Serengeti kupinduka na kuzama upande mmoja wa nyuma. Kwa Mujibu wa Taarifa iliyotolewa na kitengo cha Masoko na Uhusiano kwa Umma cha Kampuni hiyo inaeleza kuwa Tashico imeshirikiana na Timu mbalimbali za Wataalam kutoka Jeshi la Zimamoto na Uokoaji, Shirika la Uwakala wa Meli Tanzania(TASAC), Mamlaka ya Usimamizi wa bandari (TPA) na wadau wengine katika Juhudi za Uokoaji. Kwa Mujibu wa Taarifa hiyo,Taarifa rasmi ya chanzo cha Tatizo itatolewa Meli hiyo itakapokuwa imeinuliwa na Uchunguzi wa kubaini Tatizo utakapokuwa umefanyika. Meli ya Mv.Serengeti inadaiwa kusitisha safari zake kwenye ziwa Victoria mwaka 2016 Meli ya Mv.Serengeti imepinduka na kuzama katika...

Jenerali Jacob Mkunda Atembelea Meli Tiba ya China Aridhishwa na Huduma

Mkuu wa Majeshi ya Ulinzi Jenerali Jacob John Mkunda ametembelea meli tiba ya Jeshi la Ukombozi la Watu wa China Peace Ark ili kuona matibabu yanavyofanyika. Jenerali Mkunda amefurahishwa na namna wataalam wa tiba wa Jeshi la China walivyotoa matibabu kwa kushirikiana na wataalam wa tiba wa JWTZ . Meli tiba ya jeshi la China imekuja hapa nchini na kutia nanga kwenye bandari ya Dar Es Salaam kutoa matibabu mbalimbali kwa wananchi ikiwa ni muendelezo wa maadhimisho ya miaka 60 tangu kuanzishwa kwa JWTZ na ushirikiano wa miaka 60 baina ya JWTZ na Jeshi la Ukombozi la Watu wa China. Matibabu hayo yalianza kutolewa tarehe 18 Julai 2024 hadi tarehe 22 Julai 2024. Meli tiba hiyo itaondoka hapa nchini tarehe 23 Julai mwaka huu.

AMIRI JESHI MKUU AKAGUA GWARIDE LA MIAKA 60 YA JWTZ

Mapema leo asubuhi Rais wa Jamhuri ya Muungano wa Tanzania na Amiri Jeshi Mkuu wa Majeshi ya Ulinzi na Usalama Mhe.Dkt,Samia Suluhu Hassan akikagua Gwaride Maalumu la Maadhimisho ya Miaka 60 ya Jeshi la Wananchi wa Tanzania (JWTZ) Uwanja wa Uhuru leo September 01,2024. Rais Samia Suluhu Hassan amesisitiza kuwa jeshi la ulinzi la Wananchi Tanzania si jeshi la Uvamizi bali ni jeshi la ulinzi wa Wananchi Tanzania Amewahakikishia wanajeshi kufanya kazi kifua mbele,kuwa amiri jeshi mkuu yuko pamoja nao wakati wote.

Mbunge wa Bukoba Vijijini ameaga Sifa Kedekede Kwa Rais Samia

Na Angela Sebastian; Bukoba MBUNGE wa jimbo la Bukoba vijijini Dk. Jasson Rweikiza amemshukuru Rais wa Jamhuri ya Muungano wa Tanzania Dk Samia Suluhu Hassan kwa niaba ya wananchi wa jimbo hilo, kwa kuwapatia zaidi ya shilingi bilioni 19 kwa ajili ya ujenzi wa madaraja mawili ambayo ni lango la kutoka na kuingia ndani ya mkoa wa Kagera. Ametoa shukrani hizo wakati akiongea wananchi mbalimbali waliofika katika viwanja vya Rweikiza pre and Primary school iliyoko eneo la Kyetema Bukoba vijijini, kwa kwa ajili ya kumbukizi ya miaka 100 ya kuzaliwa baba wa mbunge huyo aliyekuwa akiitwa Samsoni Rweikiza. Rweikiza amebainisha kuwa,Dk. Samia Suluhu Hassan ni Rais mwenye upendo amekubali kutoa mabilioni ya fedha kwa ajili ya Bukoba Vijijini na ndiyo maana tunasema atakuwa kiongozi wetu kwa awamu nyingine tena,tunapaswa kila mmoja kumuunga mkono. ametaja madaraja hayo kuwa ni Karebe ambalo limetengewa kiasi cha shilingi bil.9.3 kwa ajili ya ukarabati mkubwa kutokana na daraja ...

Jenerali ameacha alama ya uzalendo na kujitoa kwa ajili ya Taifa

*📌 Serikali itaenzi na kuthamini mchango wake* *📌 Asema Jenerali Musuguri alijitolea kuhakikisha Tanzania inabaki na amani na usalama* *📌 Asema alikuwa mstari wa mbele kuliokoa Taifa* *📌 Aiasa jamii kuacha alama katika maisha ya kila siku* *📌 Dkt. Biteko aongoza mamia ya watu mazishi ya Jenerali Musuguri Butiama* Na Ofisi ya Naibu Waziri Mkuu na Waziri wa Nishati Naibu Waziri Mkuu na Waziri wa Nishati, Mhe. Dkt. Doto Biteko amesema kuwa aliyewahi kuwa Mkuu wa Majeshi ya Ulinzi, Jenerali Mstaafu David Bugozi Musuguri alijitolea kuhakikisha Tanzania inabaki kuwa na amani, usalama na mshikamano pamoja na kuifundisha jamii moyo wa dhati wa kuilinda nchi. Dkt. Biteko amesema hayo leo Novemba 4, 2024 Butiama mkoani Mara wakati akiwasilisha salamu za Serikali kwa niaba ya Rais wa Jamhuri ya Muungano wa Tanzania, Mhe. Dkt. Samia Suluhu Hassan katika mazishi ya Jenerali Mstaafu Musuguri. “ Katika uhai wa kila mmoja wetu ni jambo gani mtu atakumbukwa nalo, baba huyu a...

Majaliwa Achangisha Shilingi Milioni 900 za Ujenzi wa Kanisa Kuu Lindi

WAZIRI MKUU Kassim Majaliwa ameendesha harambee na kuchangisha sh. milioni 928.67 za ujenzi wa kanisa kuu tarajiwa la Mt. Andrea Kagwa la Jimbo Katoliki la Lindi. Kati ya fedha hizo, sh. milioni 464.3 ni fedha taslimu na nyingine kati ya hizo zimeshawekwa benki na sh. milioni 464.37 bado ni ahadi. Awamu ya kwanza ya ujenzi huo, inatarajiwa kugharimu sh. milioni 700. Akizungumza na waumini na wadau mbalimbali waliohudhuria harambee iliyofanyika Ruangwa mjini, leo mchana (Jumamosi, Julai 27, 2024), Waziri Mkuu amewataka waliotoa ahadi wazikamilishe mapema ili kazi ya ujenzi isikwame. "Ninawashukuru sana wote mliofika na wote waliochangia ujenzi wa kanisa tarajiwa. Ninawaomba walioahidi, wakamilishe ahadi zao mapema ili kazi ianze kwani ramani ipo, mafundi wapo tayari, wasimamizi wa ujenzi wapo," amesisitiza. Waziri Mkuu amesema uamuzi wa Baba Askofu wa Jimbo Katoliki la Lindi, Mhashamu Askofu Wolfgang Pisa kuanza ujenzi wa kanisa kuu la jimbo hilo, ni utekelezaji ...

MARATO TV

Search This Blog

@marato_tv