MARATO TV

Na. Mwandishi wetu,MWANZA Shule ya Santa Edwin Pre and Primary School ya Majengo Mapya, Nyegezi jijini Mwanza, imefanya mahafali yake ya tatu, ikiwa ni sehemu ya kuhitimisha hatua muhimu ya masomo kwa wanafunzi pamoja na kutambua mchango wa walimu, wazazi na uongozi wa shule. Mahafali hayo yaliyofanyika Septemba 24, 2026, yalihudhuriwa na wageni mbalimbali, huku Barkat Firoz Khan, Afisa Rasilimali Watu kutoka Furaha Company Ltd ya jijini Mwanza, akiwa Mgeni Rasmi. Akizungumza katika hafla hiyo, Khan aliipongeza Santa Edwin kwa juhudi inazofanya katika kuboresha kiwango cha elimu na matokeo ya wanafunzi katika mitihani mbalimbali, ikiwemo mitihani ya kitaifa. Alisema mafanikio ya shule hayawezi kutenganishwa na ushirikiano wa karibu kati ya walimu, wazazi na wanafunzi, akisisitiza umuhimu wa kujenga mazingira yanayochanganya ufaulu wa kitaaluma na malezi yenye maadili. “Nashauri walimu, watoto na wazazi kuendelea kufanya kazi kwa pamoja ili kuhakikisha shule inatoa watoto wenye ufaulu m...

TUME ya Nguvu za Atomu Tanzania (TAEC) imeendelea kuimarisha usalama wa mionzi na nyuklia katika mipaka ya nchi kwa kuwajengea uwezo wataalamu wake kuhusu uendeshaji, matengenezo na utunzaji wa vifaa vinavyotumika kugundua mionzi katika maeneo mbalimbali ya kuingia na kutoka nchini. Hatua hiyo inalenga kuhakikisha vifaa vilivyowekwa katika maeneo ya kimkakati mipakani vinafanya kazi kwa ufanisi na vinaendelea kuwa katika hali nzuri wakati wote, ili kusaidia kubaini uwepo wa vifaa vya mionzi au nyuklia vinavyoweza kuingizwa au kusafirishwa nchini bila kufuata taratibu zinazotakiwa. Akizungumza jijini Mwanza wakati wa mafunzo hayo, Mkurugenzi wa Teknolojia na Huduma za Ufundi wa TAEC, Dkt. Remigius Kawala, amesema Tume imeendelea kuwekeza katika vifaa na miundombinu ya kisasa ili kuongeza uwezo wake wa kutoa huduma za kitaalamu kwa usahihi na kwa viwango vinavyokubalika. Amesema katika mwaka huu wa fedha, TAEC imenunua vifaa mbalimbali vya maabara vyenye thamani ya takribani Sh bilioni 3...

  Waziri wa Elimu, Sayansi na Teknolojia, Prof. Adolf Mkenda, ameshiriki mkutano wa GPE Multiplier Possibility wenye lengo la kuchangisha fedha kwa ajili ya kuimarisha elimu duniani, uliofanyika katika ECOSOC Chamber, Makao Makuu ya Umoja wa Mataifa (UN), New York nchini Marekani. Mkutano huo umeongozwa na Rais Mstaafu wa Jamhuri ya Muungano wa Tanzania na Mwenyekiti wa Bodi ya Wakurugenzi wa Global Partnership for Education (GPE), Mheshimiwa Jakaya Mrisho Kikwete. Mkutano huo umejikita katika juhudi za kutafuta na kuhamasisha rasilimali kutoka kwa wadau wa elimu duniani kupitia mfuko wa GPE, kwa lengo la kusaidia nchi wanachama kuimarisha na kufadhili miradi mbalimbali ya elimu. Kupitia mpango huo, wadau wa elimu duniani wanahamasishwa kutoa michango itakayowezesha kuongeza uwekezaji katika sekta ya elimu, hususan katika maeneo yanayohitaji rasilimali zaidi kwa ajili ya kuboresha upatikanaji na ubora wa elimu. Tanzania ni miongoni mwa nchi zinazowanufaika na ufadhili wa Global Par...

  WAZIRI wa Nchi,Ofisi ya Waziri Mkuu-Kazi,Ajira na Mahusiono Deus Sangu amesema wakati sekta ya madini ikiendelea kung'aa kwa kuchangia takriban asilimia 10.1 ya Pato la Taifa na kuajiri maelfu ya Watanzania, kuna shujaa mmoja ambaye ni Mfuko wa Fidia Kwa wafanyakazi(WCF) anahakikisha jasho la mfanyakazi huyo haliendi bure anapopatwa na janga. Akizungumza kwenye Banda la Mfuko huo Leo Septemba 24,2024 Katika maonesho ya Tisa ya Kitaifa ya Teklojia ya Madini yanayofanyika Katika Viwanja vya Dkt.Samia Suluhu Hassan yanayofanyika Mkoa wa Geita ameeleza kwamba ndani ya miaka 10 ya WCF imejijenga kuwa  mkombozi wa kweli kwa wafanyakazi wa migodini na sekta nyingine zote. Aidha ameeleza kwamba Mfuko huu unatoa fidia kwa mfanyakazi anapopata ajali kazini, anapougua ugonjwa unaotokana na kazi, au kwa wategemezi wake mwenza na watoto pindi mfanyakazi anapofariki dunia akiwa kazini. Aidha Katika kipindi Cha rais wa awamu ya sita mufuko ulikuwa na Bilioni 770 na mpaka Sasa kufikia...

  WACHIMBAJI WADOGO GEITA KUPATIWA ELIMU YA KEMIKALI Na Mwandishi wetu  SERIKALI imesisitiza kuwa ushirikiano kati ya Sekta ya Madini na Ofisi ya Mkemia Mkuu wa Serikali ni wa lazima na si wa hiari, kutokana na matumizi makubwa ya kemikali katika shughuli zote za uchimbaji. Akizungumza Leo Septemba 24,2026 katika viwanja vya Dkt. Samia Suluhu Hassan mkoani Geita wakati wa maonesho ya Tisa ya Kitaifa ya Teknolokia ya madini Waziri,Nchi,Ofisi ya Waziri Mkuu Kazi,Ajira na Mahusiono,Deus Clement Sangu amesema kemikali kama Zebaki na Cyanide ndizo zinazoendesha sekta ya dhahabu, lakini zisipodhibitiwa zinaweza kuwa janga kwa afya ya binadamu, hasa kwa vijana wanaofanya kazi migodini bila mavazi kinga. Amesema hatua za Ofisi ya Mkemia Mkuu wa Serikali kudhibiti na kutoa elimu ya matumizi sahihi ya kemikali hizo ni matokeo chanya ambayo yanaendana moja kwa moja na Nguzo Namba 2 ya Dira ya Maendeleo ya Taifa 2050, inayolenga kumwezesha Mtanzania kiuchumi na kijamii. "Ni lazima tuwaf...

 UJENZI wa Kiwanja cha Ndege cha Kimataifa cha Msalato jijini Dodoma umefikia asilimia 89.02 kwa upande wa miundombinu, huku ujenzi wa majengo ukifikia asilimia 78.37 na ukitarajiwa kukamilika mwishoni mwa Disemba mwaka huu. Akizungumza leo Septemba 24, 2026 katika eneo la mradi huo, Mtendaji Mkuu wa Wakala ya Barabara Tanzania (TANROADS), Mhandisi Mohamed Besta, amesema ujenzi wa miundombinu unatarajiwa kukamilika Novemba 27, 2026, huku kazi za majengo zikikamilika Desemba 30, 2026. Amesema katika Package ya Kwanza inayohusu miundombinu, ujenzi wa njia ya kuruka na kutua ndege umefikia asilimia 98, njia za viungio (taxiways) asilimia 99 na eneo la maegesho ya ndege (apron) asilimia 99. Amesema kazi nyingine zilizofikia hatua mbalimbali ni pamoja na barabara ya kuingia kiwanjani, barabara za ndani na maegesho ya magari kwa asilimia 75, mfumo wa maji asilimia 89, uzio na mageti asilimia 76, pamoja na mifumo ya umeme na vifaa vya kuongozea ndege kwa asilimia 90. Kwa upande wa sehemu ...

  Na Mwandishi wetu   Katika kipindi kifupi cha uongozi wa Rais Dkt. Samia Suluhu Hassan, Mfuko wa Hifadhi ya Jamii kwa Watumishi wa Umma (PSSSF) umeandika mafanikio makubwa ambayo yamekuwa mfano wa kuigwa katika sekta ya hifadhi ya jamii nchini. Hayo yamebainishwa na Waziri wa Nchi, Ofisi ya Waziri Mkuu – Kazi, Ajira na Mahusiano, Deus Sangu, alipotembelea banda la PSSSF katika Maonesho ya 9 ya Teknolojia ya Madini yanayoendelea mkoani Geita. Waziri Sangu amesema thamani ya mfuko huo imekua kwa kasi ya ajabu kutoka Shilingi Trilioni 7.4 wakati Rais Samia anaingia madarakani, hadi kufikia Shilingi Trilioni 16.96 kwa sasa. Amesema ongezeko hilo la zaidi ya mara mbili linathibitisha uthabiti, uwazi na usimamizi bora wa fedha za wanachama na wastaafu. Kwa mujibu wa Waziri Sangu, mafanikio ya PSSSF hayaishii kwenye ukuaji wa mitaji pekee, bali pia kwenye ubora wa huduma. Amesema kupitia kaulimbiu maarufu ya "Tunalipa Jana", PSSSF sasa inahakikisha fao la mstaafu linalipwa kwa...

  Na Mwandishi wetu  Mfuko wa Taifa wa Hifadhi ya Jamii (NSSF) umeandika mafanikio makubwa chini ya uongozi wa Rais Dkt. Samia Suluhu Hassan, baada ya thamani yake kupaa hadi Shilingi Trilioni 11.5 kutoka Trilioni 5.7 mwaka 2022 Takwimu hizo zimetajwa na Waziri wa Nchi, Ofisi ya Waziri Mkuu – Kazi, Ajira na Mahusiano, Deus Sangu, alipotembelea banda la NSSF katika Maonesho ya 9 ya Teknolojia ya Madini yanayoendelea mkoani Geita. Amesema Mfuko ulikua kutoka Trilioni 5.7 mwaka 2022, hadi Trilioni 10.4 Desemba mwaka jana, na sasa Trilioni 11.5, huku ukitarajia kuvuka Trilioni 12 ifikapo Desemba 2026, Mafanikio hayo yanatokana na usimamizi bora na Mpango Mkakati mpya wa Miaka Mitano unaolenga kufikisha Mfuko hadi Trilioni 24 ifikapo 2031. Waziri Sangu amesema ukuaji huo unadhihirisha kuwa NSSF imejipanga kuhudumia Sekta Binafsi ambayo ndiyo injini ya Dira ya Taifa ya Maendeleo 2050 kwa kuchangia asilimia 70 ya utekelezaji wake. Kwa upande wake, Msemaji Mkuu wa NSSF, Lulu Mengele,...