PAMBA TANZANIA: SAFARI YA TANI MILIONI MOJA NA CHANGAMOTO YA TIJA

Tanzania imezalisha tani 222,057 za pamba katika msimu uliopita, kiwango ambacho bado kiko mbali na lengo la Serikali la kuongeza uzalishaji wa zao hilo hadi kufikia tani milioni moja ifikapo mwaka 2030.

Pengo hilo linaonyesha ukubwa wa kazi iliyopo mbele ya Serikali, wakulima na wadau wa tasnia ya pamba katika kuongeza uzalishaji wa zao hilo muhimu kwa uchumi wa nchi.

Kutoka tani 222,057 hadi tani milioni moja kunahitaji uzalishaji kuongezeka kwa zaidi ya mara nne.

Hili haliwezi kufikiwa kwa kuongeza maeneo ya kilimo pekee, bali linahitaji kuongeza tija kwa kila ekari, kuboresha ubora wa pamba na kuimarisha mnyororo mzima wa uzalishaji na masoko.

Pamba ni miongoni mwa mazao muhimu ya biashara nchini Tanzania, likiwa chanzo cha kipato kwa maelfu ya wakulima na likichangia shughuli mbalimbali za kiuchumi katika maeneo yanayozalisha zao hilo.

Hata hivyo, pamoja na umuhimu wake, uzalishaji bado haujafikia kiwango kinacholingana na uwezo wa Tanzania. Changamoto kubwa ni tija ndogo ya uzalishaji, ambapo wakulima hutumia ardhi, nguvu kazi na gharama nyingine lakini mavuno wanayopata kwa kila ekari bado ni madogo.

Kutokana na hali hiyo, Serikali kupitia Bodi ya Pamba nchini (TCB) imewataka viongozi, wataalamu na wadau wa tasnia ya pamba kuwajibika kikamilifu katika kutekeleza majukumu yao ili kuongeza tija, kuboresha ubora na kuongeza uzalishaji wa zao hilo nchini.

Mwenyekiti wa Bodi ya Pamba nchini, Christopher Mwita Gachuma, ametoa wito huo jijini Mwanza wakati wa kikao cha mashauriano cha wadau wa tasnia ya pamba kilicholenga kujadili changamoto zinazoathiri uzalishaji na kuweka mikakati ya kuongeza tija.

Kikao hicho kimewakutanisha viongozi, wataalamu, wakulima na wadau mbalimbali wa sekta ya pamba kwa lengo la kutafuta suluhu ya changamoto zinazokwamisha uzalishaji na kuhakikisha wakulima wanaongeza tija na kipato kupitia zao hilo.

Kaimu Mkurugenzi Mkuu wa Bodi ya Pamba nchini, Renatus Runeja, amesema kufikia lengo la kuzalisha tani milioni moja ifikapo mwaka 2030 kunahitaji ushirikiano na uwajibikaji wa viongozi, wataalamu, wakulima na wadau wote wa tasnia hiyo.

*TIJA NDOGO BADO NI CHANGAMOTO*

Moja ya changamoto kubwa inayolikabili zao hili ni tija ndogo kwa mkulima.

Mkulima anapozalisha kiasi kidogo kwa kila ekari, gharama za uzalishaji kwa kila kilo huongezeka na hatimaye faida anayopata hupungua.

Ndiyo maana mkakati wa kuongeza uzalishaji haupaswi kuangalia ongezeko la maeneo yanayolimwa pekee, bali pia namna ya kuongeza mavuno yanayopatikana katika kila ekari.

*PEMBEJEO NA HUDUMA ZA UGANI*

Upatikanaji wa mbegu bora, mbolea na viuatilifu kwa wakati ni muhimu katika kuongeza tija.

Lakini pamoja na upatikanaji wa pembejeo, wakulima wanahitaji elimu ya kutosha kuhusu matumizi sahihi ya pembejeo hizo.

Huduma za ugani nazo zinahitaji kuimarishwa ili wataalamu waweze kuwafikia wakulima kwa wakati na kuwasaidia kukabiliana na magonjwa, wadudu na changamoto nyingine zinazoweza kupunguza mavuno.

MABADILIKO YA TABIANCHI

Mabadiliko ya tabianchi yanaendelea kuwa changamoto kwa kilimo cha pamba kutokana na mabadiliko ya mwenendo wa mvua, vipindi vya ukame na hali nyingine za hewa.

Hivyo, utafiti wa mbegu na teknolojia zinazoweza kuhimili athari za mabadiliko ya tabianchi unapaswa kupewa kipaumbele.

Tasnia ya pamba pia inahitaji kizazi kipya cha wakulima.

Katibu wa Chama cha Wanunuzi wa Pamba nchini (TCA), Boaz Ogola, amesisitiza umuhimu wa kuendelezwa kwa programu ya Building a Better Tomorrow (BBT), akieleza kuwa ina nafasi katika kuwavutia na kuwawezesha vijana kushiriki katika kilimo cha pamba.

Ushiriki wa vijana unaweza kusaidia kuleta nguvu kazi mpya pamoja na matumizi ya teknolojia na mbinu za kisasa katika uzalishaji.

Hata hivyo, ili vijana wavutiwe na kilimo cha pamba, wanahitaji mazingira yatakayowawezesha kuona kilimo hicho kama biashara yenye faida, badala ya shughuli ya kujikimu pekee.

Masoko na kuongeza thamani

Pamoja na kuongeza uzalishaji, suala la masoko haliwezi kutenganishwa na mafanikio ya sekta hii.

Mkulima anapozalisha pamba anahitaji uhakika wa soko, bei inayoridhisha na malipo kwa wakati. Bila mazingira hayo, hamasa ya mkulima kuongeza uzalishaji inaweza kupungua.

Aidha, Tanzania inahitaji kuongeza thamani ya pamba badala ya kutegemea kuuza malighafi pekee.

Uwekezaji katika viwanda vya kuchakata pamba, kuzalisha nyuzi, vitambaa na bidhaa nyingine unaweza kuongeza ajira na mapato, huku ukiifanya Tanzania kunufaika zaidi na mnyororo mzima wa thamani wa pamba.

Nini kifanyike?

Ili kufikia tani milioni moja ifikapo mwaka 2030, tija kwa kila ekari inapaswa kuongezwa kupitia mbegu bora, pembejeo sahihi, teknolojia na huduma bora za ugani.

Serikali na wadau wanapaswa pia kuongeza uwekezaji katika utafiti wa mbegu zinazoweza kutoa mavuno makubwa na kukabiliana na magonjwa, wadudu na mabadiliko ya tabianchi.

Mfumo wa pembejeo unapaswa kuimarishwa ili wakulima wazipate kwa wakati na kwa gharama zinazowawezesha kuzalisha kwa faida.

Vijana wanapaswa kuendelea kuhamasishwa na kuwezeshwa kuingia katika kilimo cha pamba kupitia programu kama BBT, mitaji, teknolojia na mafunzo ya biashara ya kilimo.

Mfumo wa masoko nao unahitaji kuimarishwa ili kumjengea mkulima imani na kumwezesha kupata faida inayostahili kutokana na kazi yake.

Wakati huo huo, uwekezaji katika uchakataji na uongezaji thamani wa pamba unapaswa kuongezwa ili sehemu kubwa ya thamani inayotokana na zao hilo ibaki nchini.

Hitimisho

Takwimu ya tani 222,057 dhidi ya lengo la tani milioni moja ifikapo mwaka 2030 inaonyesha wazi kwamba Tanzania ina kazi kubwa mbele yake.

Lakini pia ni fursa ya kuifanya sekta ya pamba kuwa kichocheo kikubwa cha uchumi wa wakulima na taifa kwa ujumla.

Kufikia tani milioni moja hakutahitaji juhudi za mkulima pekee. Kunahitaji uwajibikaji wa viongozi, wataalamu, wanunuzi, watafiti, taasisi za fedha, vijana na wadau wote wa mnyororo wa thamani wa pamba.

Kama Tanzania itaweza kuongeza tija kwa mkulima, kuboresha ubora, kuhakikisha pembejeo zinapatikana kwa wakati, kuimarisha masoko na kuongeza thamani ya pamba, basi lengo la tani milioni moja linaweza kuwa zaidi ya takwimu ,linaweza kuwa mwanzo wa mapinduzi ya kweli katika tasnia ya pamba nchini.

Comments

#maratotv

RAIS RUTTO AAMBATANA NA ODINGA NCHINI CHINA

Rais wa Jamhuri ya Kenya Mh William Rutto na mke wake wamewasili nchini China kuhudhuria mkutano wa wakuu wa nchi na Serikali wa Jukwaa la ushirikiano kati ya China na Afrika (FOCAC). Katika ziara hiyo ameambatana na waziri mkuu mstaafu wa nchi hiyo Raila Odinga ambaye pia anapigiwa kampeni ili aweze kushinda nafasi ya Uenyekiti wa AU.

WIZARA YA MALI ASILI YASISITIZA MATUMIZI YA SHERIA NA KANUNI KATIKA UTEKELEZAJI WA SHUGHULI ZA UHIFADHI

Na.Joyce Ndunguru, Morogoro. Naibu Katibu Mkuu Wizara ya Maliasili na Utalii anaeshughulikia Maliasili, Kamishna wa Polisi Benedict Wakulyamba asisitiza matumizi ya sheria na kanuni katika utekelezaji wa shughuli mbalimbali za uhifadhi. Kamishna Wakulyamba ameyasema hayo leo Septemba 1, 2024 wakati wa ziara ya kikazi aliyoifanya katika ofisi za Makao Makuu ya TAWA yaliyopo Mkoani Morogoro kwa lengo la kuongea na watumishi ili kuimarisha utendaji kazi pamoja na kukagua maeneo ya kazi. "Kama wahifadhi tunapaswa kufahamu sheria zote zinazosimamia masuala ya uhifadhi zilizopo katika Taasisi zetu pamoja na za Taasisi zingine za uhifadhi zilizopo ndani ya Wizara ya Maliasili na utalii" amesema Kamishna Wakulyamba. "Pamoja na kufahamu sheria na kanuni zilizopo ndani ya Wizara yetu, ni vyema kufahamu na kuzingatia sheria nyingine za Nchi ambazo zinatuzunguka ili ziweze kutusaidia katika utekelezaji wa majukumu yetu mfano sheria inayohusiana na ukusanyaji wa vielelezo kuanzia kw...

Rais Dkt. Samia Awasili China Kushiriki Mkutano wa Wakuu wa Nchi na Serikali wa Jukwaa la Ushirikiano Kati ya China na Africa FOCAC

Rais wa Jamhuri ya Muungano wa Tanzania Mhe. Dkt. Samia Suluhu Hassan akiwasili katika uwanja wa ndege wa Kimataifa wa Beijing Capital nchini China kwa ajili ya kushiriki Mkutano wa Wakuu wa nchi na Serikali wa Jukwaa la Ushirikiano kati ya China na Afrika (FOCAC) tarehe 03 Septemba, 2024.

MAKOMANDOO MIAKA 60 YA JWTZ,HAIJAWAHI KUTOKEA

Makomandoo ya jeshi la ulinzi la Wananchi Tanzania (JWTZ)wamekuwa kivutio cha aina yake kwenye kikele cha maadhimisho ya miaka 60 ya tangu kuanzishwa kwa jeshi hilo. Katika sherehe hizo ambazo zimefanyika uwanja wa Uhuru Jijini Dar es Salaam,Rais wa Jamhuri ya Muungano wa Tanzania na Amiri Jeshi Mkuu Mhe. Dkt. Samia Suluhu Hassan ameshiriki kwenye kilele cha Maadhimisho ya Miaka 60 ya Jeshi la Ulinzi la Wananchi wa Tanzania katika uwanja huo wa Uhuru Jijini Dar es Salaam, leo tarehe 1 Septemba, 2024. Rais ameonesha kujivunia na kulipongeza JWTZ kwa kufanya kazi kwa kufuata misingi ya kuanzishwa kwake huku akitumia nafasi hiyo kuwapongeza Marais waliomtangulia kwa kazi kubwa waliyofanya wakati wa uongozi wao kwa kuliongoza vema jeshi hilo.

Meli ya Mv. Serengeti yapinduka na kuzama katika Bandari ya Mwanza kusini

Meli Mv.Serengeti imepinduka na kuzama kwenye bandari ya mwanza kusini. Meli hiyo imepinduka na kuzama disemba 26 majira ya saa Saba za usiku. Tukio hilo limetokea meli hiyo ikiwa imefungwa katika gati la bandari ya mwanza kusini. Kampuni ya meli Tanzania(Tashico) imethibitisha meli ya Mv. Serengeti kupinduka na kuzama upande mmoja wa nyuma. Kwa Mujibu wa Taarifa iliyotolewa na kitengo cha Masoko na Uhusiano kwa Umma cha Kampuni hiyo inaeleza kuwa Tashico imeshirikiana na Timu mbalimbali za Wataalam kutoka Jeshi la Zimamoto na Uokoaji, Shirika la Uwakala wa Meli Tanzania(TASAC), Mamlaka ya Usimamizi wa bandari (TPA) na wadau wengine katika Juhudi za Uokoaji. Kwa Mujibu wa Taarifa hiyo,Taarifa rasmi ya chanzo cha Tatizo itatolewa Meli hiyo itakapokuwa imeinuliwa na Uchunguzi wa kubaini Tatizo utakapokuwa umefanyika. Meli ya Mv.Serengeti inadaiwa kusitisha safari zake kwenye ziwa Victoria mwaka 2016 Meli ya Mv.Serengeti imepinduka na kuzama katika...

Jenerali Jacob Mkunda Atembelea Meli Tiba ya China Aridhishwa na Huduma

Mkuu wa Majeshi ya Ulinzi Jenerali Jacob John Mkunda ametembelea meli tiba ya Jeshi la Ukombozi la Watu wa China Peace Ark ili kuona matibabu yanavyofanyika. Jenerali Mkunda amefurahishwa na namna wataalam wa tiba wa Jeshi la China walivyotoa matibabu kwa kushirikiana na wataalam wa tiba wa JWTZ . Meli tiba ya jeshi la China imekuja hapa nchini na kutia nanga kwenye bandari ya Dar Es Salaam kutoa matibabu mbalimbali kwa wananchi ikiwa ni muendelezo wa maadhimisho ya miaka 60 tangu kuanzishwa kwa JWTZ na ushirikiano wa miaka 60 baina ya JWTZ na Jeshi la Ukombozi la Watu wa China. Matibabu hayo yalianza kutolewa tarehe 18 Julai 2024 hadi tarehe 22 Julai 2024. Meli tiba hiyo itaondoka hapa nchini tarehe 23 Julai mwaka huu.

AMIRI JESHI MKUU AKAGUA GWARIDE LA MIAKA 60 YA JWTZ

Mapema leo asubuhi Rais wa Jamhuri ya Muungano wa Tanzania na Amiri Jeshi Mkuu wa Majeshi ya Ulinzi na Usalama Mhe.Dkt,Samia Suluhu Hassan akikagua Gwaride Maalumu la Maadhimisho ya Miaka 60 ya Jeshi la Wananchi wa Tanzania (JWTZ) Uwanja wa Uhuru leo September 01,2024. Rais Samia Suluhu Hassan amesisitiza kuwa jeshi la ulinzi la Wananchi Tanzania si jeshi la Uvamizi bali ni jeshi la ulinzi wa Wananchi Tanzania Amewahakikishia wanajeshi kufanya kazi kifua mbele,kuwa amiri jeshi mkuu yuko pamoja nao wakati wote.

Mbunge wa Bukoba Vijijini ameaga Sifa Kedekede Kwa Rais Samia

Na Angela Sebastian; Bukoba MBUNGE wa jimbo la Bukoba vijijini Dk. Jasson Rweikiza amemshukuru Rais wa Jamhuri ya Muungano wa Tanzania Dk Samia Suluhu Hassan kwa niaba ya wananchi wa jimbo hilo, kwa kuwapatia zaidi ya shilingi bilioni 19 kwa ajili ya ujenzi wa madaraja mawili ambayo ni lango la kutoka na kuingia ndani ya mkoa wa Kagera. Ametoa shukrani hizo wakati akiongea wananchi mbalimbali waliofika katika viwanja vya Rweikiza pre and Primary school iliyoko eneo la Kyetema Bukoba vijijini, kwa kwa ajili ya kumbukizi ya miaka 100 ya kuzaliwa baba wa mbunge huyo aliyekuwa akiitwa Samsoni Rweikiza. Rweikiza amebainisha kuwa,Dk. Samia Suluhu Hassan ni Rais mwenye upendo amekubali kutoa mabilioni ya fedha kwa ajili ya Bukoba Vijijini na ndiyo maana tunasema atakuwa kiongozi wetu kwa awamu nyingine tena,tunapaswa kila mmoja kumuunga mkono. ametaja madaraja hayo kuwa ni Karebe ambalo limetengewa kiasi cha shilingi bil.9.3 kwa ajili ya ukarabati mkubwa kutokana na daraja ...

Jenerali ameacha alama ya uzalendo na kujitoa kwa ajili ya Taifa

*📌 Serikali itaenzi na kuthamini mchango wake* *📌 Asema Jenerali Musuguri alijitolea kuhakikisha Tanzania inabaki na amani na usalama* *📌 Asema alikuwa mstari wa mbele kuliokoa Taifa* *📌 Aiasa jamii kuacha alama katika maisha ya kila siku* *📌 Dkt. Biteko aongoza mamia ya watu mazishi ya Jenerali Musuguri Butiama* Na Ofisi ya Naibu Waziri Mkuu na Waziri wa Nishati Naibu Waziri Mkuu na Waziri wa Nishati, Mhe. Dkt. Doto Biteko amesema kuwa aliyewahi kuwa Mkuu wa Majeshi ya Ulinzi, Jenerali Mstaafu David Bugozi Musuguri alijitolea kuhakikisha Tanzania inabaki kuwa na amani, usalama na mshikamano pamoja na kuifundisha jamii moyo wa dhati wa kuilinda nchi. Dkt. Biteko amesema hayo leo Novemba 4, 2024 Butiama mkoani Mara wakati akiwasilisha salamu za Serikali kwa niaba ya Rais wa Jamhuri ya Muungano wa Tanzania, Mhe. Dkt. Samia Suluhu Hassan katika mazishi ya Jenerali Mstaafu Musuguri. “ Katika uhai wa kila mmoja wetu ni jambo gani mtu atakumbukwa nalo, baba huyu a...

Majaliwa Achangisha Shilingi Milioni 900 za Ujenzi wa Kanisa Kuu Lindi

WAZIRI MKUU Kassim Majaliwa ameendesha harambee na kuchangisha sh. milioni 928.67 za ujenzi wa kanisa kuu tarajiwa la Mt. Andrea Kagwa la Jimbo Katoliki la Lindi. Kati ya fedha hizo, sh. milioni 464.3 ni fedha taslimu na nyingine kati ya hizo zimeshawekwa benki na sh. milioni 464.37 bado ni ahadi. Awamu ya kwanza ya ujenzi huo, inatarajiwa kugharimu sh. milioni 700. Akizungumza na waumini na wadau mbalimbali waliohudhuria harambee iliyofanyika Ruangwa mjini, leo mchana (Jumamosi, Julai 27, 2024), Waziri Mkuu amewataka waliotoa ahadi wazikamilishe mapema ili kazi ya ujenzi isikwame. "Ninawashukuru sana wote mliofika na wote waliochangia ujenzi wa kanisa tarajiwa. Ninawaomba walioahidi, wakamilishe ahadi zao mapema ili kazi ianze kwani ramani ipo, mafundi wapo tayari, wasimamizi wa ujenzi wapo," amesisitiza. Waziri Mkuu amesema uamuzi wa Baba Askofu wa Jimbo Katoliki la Lindi, Mhashamu Askofu Wolfgang Pisa kuanza ujenzi wa kanisa kuu la jimbo hilo, ni utekelezaji ...

MARATO TV

Search This Blog

@marato_tv