Ushindi wa Rigathi Gachagua Kotini

ALIYEKUWA Naibu Rais wa Kenya Rigathi Gachagua amepata ushindi Ijumaa baada ya Mahakama ya Rufaa kuamua kwamba, Naibu Jaji Mkuu Philomena Mwilu hakuwa na mamlaka ya kuteua jopo la majaji kusikiliza kesi zilizopinga kuondolewa kwake madarakani.

Majaji Daniel Musinga, Mumbi Ngugi na Francis Tuiyott walisema jukumu la kuteua jopo la majaji limetwikwa Jaji Mkuu na Katiba, na kwamba kuwapangia majaji kazi si mojawapo ya majukumu ya kiutawala ambayo Jaji Mkuu anaweza kumpa Naibu Jaji Mkuu.

“Inapaswa kukumbukwa kuwa jukumu la kuteua jopo la majaji limetwikwa Jaji Mkuu kwa mujibu wa Katiba, na hatuoni kuwa ni mojawapo ya kazi za kiutawala ambazo Jaji Mkuu anaweza kumpa au kuhamishia kwa Naibu Jaji Mkuu kwa mujibu wa kifungu cha 5(2) cha Sheria ya Huduma za Mahakama (JSA),” walisema majaji hao.

Majaji hao walisema kifungu cha 5(4) cha JSA kinaweka wazi hali tatu pekee ambazo zinaruhusu Naibu Jaji Mkuu kuchukua nafasi ya Jaji Mkuu — ikiwa ni kuondolewa, kujiuzulu au kifo cha Jaji Mkuu.

Uamuzi huo ulipokelewa kwa furaha na mawakili wa Bw Gachagua wakisema unafuta maamuzi yoyote yaliyotolewa na jopo la majaji watatu wa Mahakama Kuu waliojumuisha majaji Eric Ogolla, Anthony Mrima na Freda Mugambi.

Wakili Ndegwa Njiru alisema kwa maoni yake, Bw Gachagua bado ni Naibu Rais kwa sababu Mahakama ya Rufaa imebaini kuwa naibu jaji mkuu hakuwa na mamlaka ya kuwateua majaji.

“Jopo hilo halikuundwa kisheria kulingana na uamuzi wa Mahakama ya Rufaa. Kwa hivyo, lolote lililotolewa na jopo hilo ni batili tangu mwanzo. Mahakama haikufaa kufuta agizo lililositisha kuapishwa kwa Kithure Kindiki kama Naibu Rais,” alisema.

Bw Andrew Muge alikubaliana naye akisema uamuzi huo unafuta maamuzi yote yaliyotolewa na mahakama hiyo.Hata hivyo, Mshauri Mkuu wa Serikali, Emmanuel Bitta, alipuuzilia mbali madai hayo akisema majaji wa Mahakama ya Rufaa walikataa kufuta maagizo yaliyotolewa na Mahakama Kuu.

“Ombi la kufuta agizo hilo lilikataliwa na mahakama,” alisema.Bw Gachagua, kupitia wakili Paul Muite, alikuwa amepinga uamuzi wa Mahakama Kuu uliosema kuwa Naibu Jaji Mkuu alikuwa na mamlaka ya kuteua jopo la majaji.

Majaji hao watatu wa Mahakama Kuu walikuwa wameamua kuwa jukumu la Jaji Mkuu chini ya Ibara ya 165(4) ya Katiba — kuhusu uteuzi wa majaji kushughulikia masuala mazito ya kikatiba — ni kazi ya kiutawala na kwamba DCJ anaweza kuwateua majaji anapotekeleza majukumu ya kikatiba kwa niaba ya Jaji Mkuu.

Jopo hilo lilisema jukumu la kikatiba la Jaji Mkuu ni la kiutawala na Naibu Jaji Mkuu anaweza kulitekeleza pale ambapo Jaji Mkuu hayupo, ili kuhakikisha kuwa majukumu ya kikatiba yanaendelea bila kukwama.

“Kwa mtazamo wetu, na kwa kuzingatia dhana ya mwendelezo wa uongozi, waandalizi wa Katiba yetu walilenga kuhakikisha utekelezaji wa majukumu na Katiba haviingiliwi,” walisema majaji hao.

Hata hivyo, Mahakama ya Rufaa haikukubaliana nao ikisema hakuna ushahidi kuwa Naibu Jaji Mkuu alikuwa akikaimu kama Jaji Mkuu, wala kuwa kulikuwa na hali za kipekee zilizomruhusu Jaji Mwilu kutekeleza jukumu hilo lililowekwa kikatiba kwa Jaji Mkuu.

“Sheria ya Huduma za Mahakama inatambua hali tatu ambapo Naibu Jaji Mkuu anaweza kuwa kaimu Jaji Mkuu: kuondolewa, kujiuzulu au kifo cha Jaji Mkuu.

Hatuna shaka kuwa Naibu Jaji Mkuu, anapokuwa akikaimu ndani ya maana ya kifungu cha 5(4), anaweza kutekeleza jukumu hilo la kikatiba chini ya Ibara ya 165(4),” walisema majaji.

Majaji hao walikubali ombi moja tu kati ya yale yaliyowasilishwa na Bw Gachagua kwa kufuta agizo la Naibu Jaji Mkuu Oktoba 18, 2024 ambalo aliwateua majaji watatu kusikiliza tatu kati ya kesi kumi zilizopinga kuondolewa kwake.

Comments

#maratotv

RAIS RUTTO AAMBATANA NA ODINGA NCHINI CHINA

Rais wa Jamhuri ya Kenya Mh William Rutto na mke wake wamewasili nchini China kuhudhuria mkutano wa wakuu wa nchi na Serikali wa Jukwaa la ushirikiano kati ya China na Afrika (FOCAC). Katika ziara hiyo ameambatana na waziri mkuu mstaafu wa nchi hiyo Raila Odinga ambaye pia anapigiwa kampeni ili aweze kushinda nafasi ya Uenyekiti wa AU.

WIZARA YA MALI ASILI YASISITIZA MATUMIZI YA SHERIA NA KANUNI KATIKA UTEKELEZAJI WA SHUGHULI ZA UHIFADHI

Na.Joyce Ndunguru, Morogoro. Naibu Katibu Mkuu Wizara ya Maliasili na Utalii anaeshughulikia Maliasili, Kamishna wa Polisi Benedict Wakulyamba asisitiza matumizi ya sheria na kanuni katika utekelezaji wa shughuli mbalimbali za uhifadhi. Kamishna Wakulyamba ameyasema hayo leo Septemba 1, 2024 wakati wa ziara ya kikazi aliyoifanya katika ofisi za Makao Makuu ya TAWA yaliyopo Mkoani Morogoro kwa lengo la kuongea na watumishi ili kuimarisha utendaji kazi pamoja na kukagua maeneo ya kazi. "Kama wahifadhi tunapaswa kufahamu sheria zote zinazosimamia masuala ya uhifadhi zilizopo katika Taasisi zetu pamoja na za Taasisi zingine za uhifadhi zilizopo ndani ya Wizara ya Maliasili na utalii" amesema Kamishna Wakulyamba. "Pamoja na kufahamu sheria na kanuni zilizopo ndani ya Wizara yetu, ni vyema kufahamu na kuzingatia sheria nyingine za Nchi ambazo zinatuzunguka ili ziweze kutusaidia katika utekelezaji wa majukumu yetu mfano sheria inayohusiana na ukusanyaji wa vielelezo kuanzia kw...

Rais Dkt. Samia Awasili China Kushiriki Mkutano wa Wakuu wa Nchi na Serikali wa Jukwaa la Ushirikiano Kati ya China na Africa FOCAC

Rais wa Jamhuri ya Muungano wa Tanzania Mhe. Dkt. Samia Suluhu Hassan akiwasili katika uwanja wa ndege wa Kimataifa wa Beijing Capital nchini China kwa ajili ya kushiriki Mkutano wa Wakuu wa nchi na Serikali wa Jukwaa la Ushirikiano kati ya China na Afrika (FOCAC) tarehe 03 Septemba, 2024.

Wananchi Serengeti Wamtaja Dkt Rhimo Nyansaho Kama Chachu ya Maendeleo Kwao

Na Shomari Binda-GMTV WANANCHI Wilaya ya Serengeti mkoani Mara wamemtaja Dkt.Rhimo Nyansaho kama chachu ya maendeleo kupitia taasisi yake ya Nyansaho Foundation. Wakizungumza kwa nyakati tofauti na GMTV wananchi hao wamesema kwa kipindi kirefu mchango wake umeonekana katika kuisaidia jamii. Wamesema ukifika Jimbo la Serengeti kila Kata na Kijiji huwezi kukosa mkono wa Dkt.Nyansaho kuchangia na kusaidia jamii kuanzia elimu,afya,maji na masuala mengine ya jamii. Mmoja wa wananchi hao aliyejitambulisha kwa jina la Mwita Sagati amesema wapo watu wanaojitokeza kusaidia jamii kipindi cha uchaguzi kwa kulenga kupata uongozi lakini imekuwa tofauti kwa Dkt.Nyansaho. Sagati amesema iwapo atajitokeza kuomba nafasi ya ubunge wapo tayari kumpambania na kumchagua ili aweze kuendelea kutoa mchango wake katika kusaidia jamii. " Tunashukuru sana mchango wa Dkt.Nyansaho kwa kuchangia shughuli za maendeleo hapa Serengeti. " Wengine huwa wanakuja nyakati za uchaguzi lakini huyu mchango wake ni ...

Meli ya Mv. Serengeti yapinduka na kuzama katika Bandari ya Mwanza kusini

Meli Mv.Serengeti imepinduka na kuzama kwenye bandari ya mwanza kusini. Meli hiyo imepinduka na kuzama disemba 26 majira ya saa Saba za usiku. Tukio hilo limetokea meli hiyo ikiwa imefungwa katika gati la bandari ya mwanza kusini. Kampuni ya meli Tanzania(Tashico) imethibitisha meli ya Mv. Serengeti kupinduka na kuzama upande mmoja wa nyuma. Kwa Mujibu wa Taarifa iliyotolewa na kitengo cha Masoko na Uhusiano kwa Umma cha Kampuni hiyo inaeleza kuwa Tashico imeshirikiana na Timu mbalimbali za Wataalam kutoka Jeshi la Zimamoto na Uokoaji, Shirika la Uwakala wa Meli Tanzania(TASAC), Mamlaka ya Usimamizi wa bandari (TPA) na wadau wengine katika Juhudi za Uokoaji. Kwa Mujibu wa Taarifa hiyo,Taarifa rasmi ya chanzo cha Tatizo itatolewa Meli hiyo itakapokuwa imeinuliwa na Uchunguzi wa kubaini Tatizo utakapokuwa umefanyika. Meli ya Mv.Serengeti inadaiwa kusitisha safari zake kwenye ziwa Victoria mwaka 2016 Meli ya Mv.Serengeti imepinduka na kuzama katika...

MAKOMANDOO MIAKA 60 YA JWTZ,HAIJAWAHI KUTOKEA

Makomandoo ya jeshi la ulinzi la Wananchi Tanzania (JWTZ)wamekuwa kivutio cha aina yake kwenye kikele cha maadhimisho ya miaka 60 ya tangu kuanzishwa kwa jeshi hilo. Katika sherehe hizo ambazo zimefanyika uwanja wa Uhuru Jijini Dar es Salaam,Rais wa Jamhuri ya Muungano wa Tanzania na Amiri Jeshi Mkuu Mhe. Dkt. Samia Suluhu Hassan ameshiriki kwenye kilele cha Maadhimisho ya Miaka 60 ya Jeshi la Ulinzi la Wananchi wa Tanzania katika uwanja huo wa Uhuru Jijini Dar es Salaam, leo tarehe 1 Septemba, 2024. Rais ameonesha kujivunia na kulipongeza JWTZ kwa kufanya kazi kwa kufuata misingi ya kuanzishwa kwake huku akitumia nafasi hiyo kuwapongeza Marais waliomtangulia kwa kazi kubwa waliyofanya wakati wa uongozi wao kwa kuliongoza vema jeshi hilo.

Mbunge wa Bukoba Vijijini ameaga Sifa Kedekede Kwa Rais Samia

Na Angela Sebastian; Bukoba MBUNGE wa jimbo la Bukoba vijijini Dk. Jasson Rweikiza amemshukuru Rais wa Jamhuri ya Muungano wa Tanzania Dk Samia Suluhu Hassan kwa niaba ya wananchi wa jimbo hilo, kwa kuwapatia zaidi ya shilingi bilioni 19 kwa ajili ya ujenzi wa madaraja mawili ambayo ni lango la kutoka na kuingia ndani ya mkoa wa Kagera. Ametoa shukrani hizo wakati akiongea wananchi mbalimbali waliofika katika viwanja vya Rweikiza pre and Primary school iliyoko eneo la Kyetema Bukoba vijijini, kwa kwa ajili ya kumbukizi ya miaka 100 ya kuzaliwa baba wa mbunge huyo aliyekuwa akiitwa Samsoni Rweikiza. Rweikiza amebainisha kuwa,Dk. Samia Suluhu Hassan ni Rais mwenye upendo amekubali kutoa mabilioni ya fedha kwa ajili ya Bukoba Vijijini na ndiyo maana tunasema atakuwa kiongozi wetu kwa awamu nyingine tena,tunapaswa kila mmoja kumuunga mkono. ametaja madaraja hayo kuwa ni Karebe ambalo limetengewa kiasi cha shilingi bil.9.3 kwa ajili ya ukarabati mkubwa kutokana na daraja ...

Jenerali Jacob Mkunda Atembelea Meli Tiba ya China Aridhishwa na Huduma

Mkuu wa Majeshi ya Ulinzi Jenerali Jacob John Mkunda ametembelea meli tiba ya Jeshi la Ukombozi la Watu wa China Peace Ark ili kuona matibabu yanavyofanyika. Jenerali Mkunda amefurahishwa na namna wataalam wa tiba wa Jeshi la China walivyotoa matibabu kwa kushirikiana na wataalam wa tiba wa JWTZ . Meli tiba ya jeshi la China imekuja hapa nchini na kutia nanga kwenye bandari ya Dar Es Salaam kutoa matibabu mbalimbali kwa wananchi ikiwa ni muendelezo wa maadhimisho ya miaka 60 tangu kuanzishwa kwa JWTZ na ushirikiano wa miaka 60 baina ya JWTZ na Jeshi la Ukombozi la Watu wa China. Matibabu hayo yalianza kutolewa tarehe 18 Julai 2024 hadi tarehe 22 Julai 2024. Meli tiba hiyo itaondoka hapa nchini tarehe 23 Julai mwaka huu.

AMIRI JESHI MKUU AKAGUA GWARIDE LA MIAKA 60 YA JWTZ

Mapema leo asubuhi Rais wa Jamhuri ya Muungano wa Tanzania na Amiri Jeshi Mkuu wa Majeshi ya Ulinzi na Usalama Mhe.Dkt,Samia Suluhu Hassan akikagua Gwaride Maalumu la Maadhimisho ya Miaka 60 ya Jeshi la Wananchi wa Tanzania (JWTZ) Uwanja wa Uhuru leo September 01,2024. Rais Samia Suluhu Hassan amesisitiza kuwa jeshi la ulinzi la Wananchi Tanzania si jeshi la Uvamizi bali ni jeshi la ulinzi wa Wananchi Tanzania Amewahakikishia wanajeshi kufanya kazi kifua mbele,kuwa amiri jeshi mkuu yuko pamoja nao wakati wote.

Jenerali ameacha alama ya uzalendo na kujitoa kwa ajili ya Taifa

*📌 Serikali itaenzi na kuthamini mchango wake* *📌 Asema Jenerali Musuguri alijitolea kuhakikisha Tanzania inabaki na amani na usalama* *📌 Asema alikuwa mstari wa mbele kuliokoa Taifa* *📌 Aiasa jamii kuacha alama katika maisha ya kila siku* *📌 Dkt. Biteko aongoza mamia ya watu mazishi ya Jenerali Musuguri Butiama* Na Ofisi ya Naibu Waziri Mkuu na Waziri wa Nishati Naibu Waziri Mkuu na Waziri wa Nishati, Mhe. Dkt. Doto Biteko amesema kuwa aliyewahi kuwa Mkuu wa Majeshi ya Ulinzi, Jenerali Mstaafu David Bugozi Musuguri alijitolea kuhakikisha Tanzania inabaki kuwa na amani, usalama na mshikamano pamoja na kuifundisha jamii moyo wa dhati wa kuilinda nchi. Dkt. Biteko amesema hayo leo Novemba 4, 2024 Butiama mkoani Mara wakati akiwasilisha salamu za Serikali kwa niaba ya Rais wa Jamhuri ya Muungano wa Tanzania, Mhe. Dkt. Samia Suluhu Hassan katika mazishi ya Jenerali Mstaafu Musuguri. “ Katika uhai wa kila mmoja wetu ni jambo gani mtu atakumbukwa nalo, baba huyu a...

MARATO TV

Search This Blog

@marato_tv